Author: T21 Media

തിരുവനന്തപുരം: ഭരണഘടനയുടെ ആണിക്കല്ലുകളായ മതനിരപേക്ഷത, സോഷ്യലിസ്റ്റ് ആശയങ്ങൾ, ഫെഡറൽ ഘടന, പാർലമെൻററി ജനാധിപത്യം എന്നീ മൂല്യങ്ങൾ സംരക്ഷിക്കുന്ന നവകേരളം സൃഷ്ടിക്കാൻ കേരള സമൂഹം മുന്നിൽ നിൽക്കുമെന്ന പ്രഖ്യാപനമാണ് കേരളീയമെന്ന് മുഖ്യമന്ത്രി പിണറായി വിജയൻ പറഞ്ഞു. എല്ലാ വേർതിരിവുകൾക്കുമതീതമായ ജനമനസ്സിൻറെ ഒരുമ കേരളീയം ഊട്ടിയുറപ്പിച്ചു. കേരളത്തിൻറെ ആത്മാഭിമാനത്തിൻ്റെ പതാകയാണ് കേരളീയം ഉയർത്തിയതെന്ന് മുഖ്യമന്ത്രി വാർത്താ സമ്മേളനത്തിൽ ചൂണ്ടിക്കാട്ടി. പ്രതീക്ഷിച്ചതിലും വലിയ ജനപങ്കാളിത്തമാണ് കേരളീയത്തിലുണ്ടായത്. അക്ഷരാർത്ഥത്തിൽ തിരുവനന്തപുരം നഗരം ജനസമുദ്രമായി മാറി. ചുരുങ്ങിയ സമയത്തിനുള്ളിൽ ഇത്ര വിപുലമായ ആഘോഷം സംഘടിപ്പിക്കുമ്പോൾ ഉണ്ടായിരുന്ന ആശങ്കകൾ അകറ്റി കേരളീയം കേരളീയതയുടെ ആഘോഷമാണെന്ന്, മലയാളികളുടെ മഹോത്സവമാണെന്ന് ഉറക്കെ പ്രഖ്യാപിച്ച എല്ലാവരെയും മുഖ്യമന്ത്രി അഭിവാദ്യം ചെയ്തു. ആയിരക്കണക്കിനാളുകളുടെ ദൃഢനിശ്ചയവും കഠിനാദ്ധ്വാനവും മൂലമാണ് കേരളീയം ഇത്രയും വിജയകരമായത്. ഇതിൻ്റെ സംഘാടനത്തിൽ പങ്കാളികളായ എല്ലാവരെയും അഭിനന്ദിക്കുന്നു. സ്വാഭാവികമായ ചെറിയ പിഴവുകൾ തിരുത്തി കൂടുതൽ മികച്ച രീതിയിൽ അടുത്ത വർഷം കേരളീയം സംഘടിപ്പിക്കാനും മറ്റു നാടുകളിൽ നിന്നുകൂടി കൂടുതൽ പങ്കാളിത്തം ഉറപ്പു വരുത്താനും ഈ…

കേരളീയം പകർന്ന ഊർജ്ജവുമായി മുഖ്യമന്ത്രിയും മന്ത്രിമാരും ജനങ്ങൾക്കരികിലെത്തുന്ന നവകേരള സദസിന് 18 ന് മഞ്ചേശ്വരത്ത് തുടക്കം കുറിക്കും. ഭരണ നിർവ്വഹണത്തിലെ പുതിയ അധ്യായമായി നവകേരള സദസ്സ് മാറുമെന്ന് മുഖ്യമന്ത്രി പിണറായി വിജയൻ പറഞ്ഞു. ജനങ്ങളുടെ പ്രശ്നങ്ങൾ പരിഹരിക്കുന്നതിനും മെച്ചപ്പെട്ട ജീവിതസാഹചര്യം ഉറപ്പുവരുത്തുന്നതിനും പ്രതിബദ്ധതയോടെയുള്ള ഇടപെടലാണ് സർക്കാർ നടത്തുന്നത്. മെച്ചപ്പെട്ട ഭരണ നിർവ്വഹണം അതിൻറെ ഭാഗമാണ്. പൊതുജനങ്ങളുടെ പരാതി പരിഹരിക്കാൻ വിപുലമായ സൗകര്യങ്ങൾ നിലവിലുണ്ടെങ്കിലും പല കാരണങ്ങളാലും പരിഹരിക്കപ്പെടാതെ കിടക്കുന്ന വിഷയങ്ങൾ നിലനിൽക്കുന്നു. അവയ്ക്ക് പരിഹാരം കാണുന്നതിനുള്ള വിപുലമായ ഇടപെടലാണ് ‘കരുതലും കൈത്താങ്ങും’ എന്ന പേരിൽ ഈ വർഷം ഏപ്രിൽ, മെയ് മാസങ്ങളിൽ താലൂക്ക് ആസ്ഥാനങ്ങളിൽ നടന്ന അദാലത്തുകൾ. മന്ത്രിമാരുടെ നേതൃത്വത്തിൽ നടന്ന അദാലത്തുകൾ വലിയ വിജയമായിരുന്നു. ഇതിനെ തുടർന്ന് ജില്ലാ തലത്തിൽ മന്ത്രിമാർ പങ്കെടുത്ത് അവലോകനം നടന്നു. സംസ്ഥാനത്തെ നാല് മേഖലകളായി തിരിച്ചു മന്ത്രിസഭ ആകെ പങ്കെടുത്ത മേഖലാതല അവലോകന യോഗങ്ങൾ നടന്നു. അതിദാരിദ്ര്യം, വിവിധ മിഷനുകൾ, പൊതുമരാമത്ത് വകുപ്പുമായി ബന്ധപ്പെട്ട…

കേരളീയത്തിൻ്റെ ഭാഗമായി സംഘടിപ്പിച്ച ഭക്ഷ്യമേളയിൽ ആകെ 2.57 കോടിയിലധികം രൂപയുടെ വിൽപ്പന നടന്നു. വ്യാപാരമേളയിൽ 1.91 കോടി രൂപയുടെ വിൽപ്പനയാണ് നടന്നത്. കനകക്കുന്നിൽ പ്രവർത്തിച്ച കുടുംബശ്രീയുടെ സ്വന്തം “മലയാളി അടുക്കള’യിലൂടെയും ഉൽപ്പന്ന പ്രദർശന വിപണന സ്റ്റാളുകളിലൂടെയും 1.37 കോടി രൂപയുടെ വിറ്റുവരവാണ് വനിതാ സംരംഭകർ സ്വന്തമാക്കിയത്. ഭക്ഷ്യമേളയിൽനിന്ന്‌ 87.99 ലക്ഷം രൂപയും ഉൽപ്പന്ന പ്രദർശന വിപണന മേളയിൽനിന്ന്‌ 48.71 ലക്ഷം രൂപയും ലഭിച്ചു. ആകെ 1,36,69,911 രൂപയുടെ വരുമാനം കുടുംബശ്രീക്ക്‌ മാത്രം ലഭിച്ചു. അട്ടപ്പാടിയുടെ വനസുന്ദരിയാണ് ഏറ്റവും കൂടുതൽ വിറ്റുവരവ് നേടി ഭക്ഷ്യമേളയിൽ താരമായത്. 15.63 ലക്ഷം രൂപയാണ് ഏഴുദിവസത്തിൽ സ്വന്തമാക്കിയത്. അട്ടപ്പാടിയിലെ ആദിവാസികൾ വനമേഖലയിൽ നിന്ന്‌ ശേഖരിക്കുന്ന സുഗന്ധവ്യഞ്ജനങ്ങൾകൊണ്ട്‌ തയ്യാറാക്കിയ മസാലയാണ്‌ വനസുന്ദരിയുടെ പ്രധാന ആകർഷണം. കേരളീയം: ഭക്ഷ്യമേളയിൽ 2.57 കോടിയുടെയും ട്രേഡ് ഫെയറിൽ 1.91 കോടിയുടെയും വിൽപ്പന ഭക്ഷ്യമേളയിൽ ‘കേരള മെനു: അൺലിമിറ്റഡ്’ എന്ന ബാനറിൽ കേരളത്തിൻ്റെ വിവിധ പ്രദേശങ്ങളിലെ 10 ഭക്ഷണ വിഭവങ്ങൾ ബ്രാൻഡ് ചെയ്ത് അവതരിപ്പിച്ചു.…

തിരുവനന്തപുരം: കേരളത്തിന്‌ കേന്ദ്ര സർക്കാരിൽനിന്ന്‌ പ്രത്യേക സഹായം അനുവദിച്ചെന്ന തരത്തിൽ നടക്കുന്ന പ്രചാരണങ്ങൾ തെറ്റാണെന്ന് ധനമന്ത്രി കെ എൻ ബാലഗോപാൽ വ്യക്തമാക്കി. കേരളത്തിന്‌ അർഹതപ്പെട്ട നികുതി വിഹിതത്തിൽ നവംബറിലെ ഗഡുവാണ്‌ അനുവദിച്ചതെന്ന്‌ മന്ത്രി വാർത്താക്കുറിപ്പിൽ പറഞ്ഞു. കേന്ദ്ര സർക്കാരിന്‌ നികുതിയായി ലഭിക്കുന്ന വരുമാനത്തിൻ്റെ ഒരു ഭാഗം കേന്ദ്ര ധനകാര്യ കമീഷൻ തീർപ്പിൻ്റെ അടിസ്ഥാനത്തിലാണ്‌ സംസ്ഥാനങ്ങൾക്കായി പങ്കു വയ്‌ക്കുന്നത്‌. പതിനഞ്ചാം ധനകാര്യ കമീഷൻ തീർപ്പ്‌ അനുസരിച്ച്‌ നിലവിൽ കേന്ദ്രത്തിന്‌ ലഭിക്കുന്ന തുകയുടെ 41 ശതമാനമേ സംസ്ഥാനങ്ങൾക്ക്‌ വിഭജിക്കുന്നുള്ളൂ. ഇതിൻ്റെതന്നെ 1.925 ശതമാനമാണ്‌ കേരളത്തിന്‌ അനുവദിക്കുന്നത്‌. കേരളത്തിനകത്തുനിന്ന്‌ അടക്കം കേന്ദ്ര സർക്കാർ പിരിച്ചെടുക്കുന്ന തുകയിൽനിന്ന്‌ ഭരണഘടനാ പ്രകാരം സംസ്ഥാനത്തിന്‌ അർഹതപ്പെട്ട തുകയാണിത്‌. മാസ ഗഡുക്കളായി അനുവദിക്കുന്ന തുക എല്ലാ മാസവും പത്താം തിയതിയാണ്‌ കേന്ദ്രം വിതരണം ചെയ്യുന്നത്‌. ഇത്തവണ ദീപാവലി ആഘോഷത്തിൻ്റെ ഭാഗമായി മൂന്നുദിവസം മുമ്പെ തുക അനുവദിച്ചുവെന്നുമാത്രം. അത്‌ സംസ്ഥാനം പ്രതീക്ഷിച്ച തുകയിൽനിന്നും കുറവാണ്‌. അതിനെയാണ്‌ കേന്ദ്രം പ്രത്യേക സഹായം അനുവദിച്ചു എന്ന…

ന്യൂഡൽഹി: നിയമസഭ പാസാക്കിയ സുപ്രധാന ബില്ലുകളിൽ ഒപ്പിടാതെ തടഞ്ഞുവെച്ച ഗവർണർ ആരിഫ്‌ മുഹമ്മദ് ഖാൻ്റെ നടപടിക്കെതിരെ സംസ്ഥാന സർക്കാർ വീണ്ടും സുപ്രീംകോടതിയിൽ. ​ഗവർണറുടെ നടപടി ചോദ്യം ചെയ്ത് സുപ്രീംകോടതിയിൽ കേരളം പ്രത്യേകാനുമതി ഹർജി ഫയൽ ചെയ്തു. ഭരണഘടനയോ ജനാധിപത്യമൂല്യങ്ങളോ പാലിക്കാതെ, രണ്ടുവർഷത്തോളം പഴക്കമുള്ളതടക്കം എട്ടു ബില്ലുകളാണ്‌ ഗവർണർ പിടിച്ചുവച്ചിരിക്കുന്നത്‌. ജനാഭിലാഷം പ്രതിഫലിക്കുന്ന ബില്ലുകൾ നിയമമാകുന്നതിന്‌ ഗവർണർ ഉണ്ടാക്കുന്ന അസ്വാഭാവിക കാലവിളംബം ഭരണഘടനയുടെ അനുച്ഛേദം 200 ന്‌ എതിരാണ്‌ എന്ന് സർക്കാർ ചൂണ്ടിക്കാട്ടി. കേന്ദ്ര സർക്കാരിൻ്റെ താൽപര്യം സംരക്ഷിക്കുന്നതിനാണ്‌ ഗവർണർ ജനാധിപത്യ വിരുദ്ധ നിലപാട്‌ സ്വീകരിക്കുന്നത്‌. ബില്ലുകളിൽ ഗവർണ്ണർ ആവശ്യപ്പെട്ട വിശദീകരണങ്ങളും സ്പഷ്ടീകരണങ്ങളും മന്ത്രിമാരും ഉദ്യോഗസ്ഥന്മാരും അദ്ദേഹത്തെ സന്ദർശിച്ച് നൽകിയിരുന്നു. കേരളത്തിലെ സർവ്വകലാശാലാ നിയമങ്ങളുടെ ഏകീകരണ ബില്ല്‌ ഗവർണർ ഒപ്പിടാത്തതിനാൽ വൈസ് ചാൻസലർ നിയമനങ്ങൾ മുടങ്ങിയിരിക്കയാണ്. കേരള പൊതുജനാരോഗ്യ ബില്ലും ഒപ്പിട്ടിട്ടില്ല. തെരഞ്ഞെടുക്കപ്പെട്ട സർക്കാരുകളുടെ ഉപദേശവും സഹായവും പ്രകാരമാണ് ഗവർണർ പ്രവർത്തിക്കേണ്ടത്‌ എന്ന്‌ ഭരണഘടന വ്യക്തമാക്കിയിട്ടുണ്ട്‌. വിശദീകരണങ്ങൾ തൃപ്തികരമല്ലെങ്കിൽ തിരിച്ചയക്കുകയോ രാഷ്‌ട്രപതിക്ക്‌ അയക്കുകയോ…

സിൽവർ ലൈൻ പദ്ധതിയുടെ വിശദാംശങ്ങൾ പരിശോധിച്ച് അഭിപ്രായം അറിയിക്കാൻ ദക്ഷിണ റെയിൽവേക്ക്‌ റെയിൽവേ ബോർഡ് വീണ്ടും നിർദേശം നൽകി. വിശദമായ റിപ്പോർട്ട്‌ തയ്യാറാക്കണമെന്നും റെയിൽവെ ബോർഡ് ഗതിശക്തി വിഭാഗം ഡയറക്ടർ എഫ് എ അഹമ്മദ്‌ ദക്ഷിണ റെയിൽവേ ജനറൽ മാനേജരോട്‌ ആവശ്യപ്പെട്ടു. കാസർകോട് – തിരുവനന്തപുരം സിൽവർ ലൈൻ പദ്ധതിക്കുവേണ്ടി ഏറ്റെടുക്കേണ്ട റെയിൽവേ ഭൂമിയുടെ വിശദാംശങ്ങൾ കെ – റെയിൽ ദക്ഷിണ റെയിൽവേ അധികൃതർക്ക്‌ കൈമാറിയിരുന്നു. അലൈൻമെന്റിലുള്ള റെയിൽവേ ഭൂമിയുടെയും നിലവിലുള്ള റെയിൽവേ കെട്ടിടങ്ങളുടെയും റെയിൽവേ ക്രോസുകളുടെയും വിശദ രൂപരേഖ സമർപ്പിക്കാൻ ബോർഡ് ആവശ്യപ്പെട്ടത്‌ അനുസരിച്ചായിരുന്നു ഇത്‌. 2020 സെപ്‌തംബറിൽ നൽകിയ ഡിപിആറിൽ ബോർഡ് ഉന്നയിച്ച സംശയങ്ങൾക്കും കെ – റെയിൽ മറുപടി നൽകിയിരുന്നു. റെയിൽവേ ഭൂമിയുടെയും ലെവൽ ക്രോസുകളുടെയും വിശദാംശങ്ങൾക്കായി കെ – റെയിലും ദക്ഷിണ റെയിൽവേയും സംയുക്ത പരിശോധന നടത്തി. തുടർന്നാണ് സിൽവർ ലൈനിനായി ഏറ്റെടുക്കേണ്ടി വരുന്ന റെയിൽവേ ഭൂമിയുടെ വിവരങ്ങൾ നൽകിയത്‌. തിരുവനന്തപുരം മുതൽ കാസർകോടുവരെ 189.6…

കുഞ്ഞുങ്ങളുടെ നിലവിളി ലോകമെങ്ങും മാറ്റൊലിക്കൊള്ളുന്ന നേരത്തു പോലും ചുറ്റും തൊമ്മിമാരെ ഇരുത്തി പലസ്തീൻ കേരളത്തിലോ എന്ന പരിഹാസക്കച്ചേരി നടത്തുന്ന ഏഷ്യാനെറ്റ് ന്യൂസ് പ്രവർത്തകർ വാങ്ങുന്ന വേതനത്തിന് ഇസ്രയേൽ ക്രൂരമായി കൊല്ലപ്പെടുത്തിയ കുഞ്ഞുങ്ങളുടെ ചോരയുടെ ഗന്ധമുണ്ടെന്ന് ഓർമ്മിപ്പിച്ച് എം സ്വരാജ്. പനവിളയിൽ സയണിസ്റ്റ് മിസൈൽ പതിയ്ക്കാത്തിടത്തോളം ഇതൊന്നും തങ്ങളെ ബാധിക്കില്ലെന്ന് വിശ്വസിക്കാൻ ഏഷ്യാനെറ്റ്‌ ന്യൂസിന്‌ അവകാശമുണ്ടെന്ന് സ്വരാജ് ഫെയ്സ്ബുക്ക് കുറിപ്പിൽ പറഞ്ഞു. “പലസ്‌തീൻ. കേരളത്തിലോ’ എന്ന തലക്കെട്ടിൽ ഏഷ്യാനെറ്റ് നടത്തിയ ചർച്ചയെക്കുറിച്ചാണ് സ്വരാജിൻ്റെ പ്രതികരണം. ലോകത്തെവിടെയും മുറിവേറ്റു പിടയുന്ന മനുഷ്യന് സ്വന്തം സഹോദരൻ്റെ മുഖമാണെന്നു തിരിച്ചറിയാൻ നിങ്ങൾക്ക് ഇനിയുമെത്ര കാലം കഴിയണം..? ഭൂമിയിലാകെ പലസ്‌തീനുവേണ്ടി ഉയരുന്ന മനുഷ്യത്വത്തിൻ്റെ ശബ്‌ദം കേൾക്കാനാവാത്തവിധം വർഗീയവിഷത്താൽ സ്വാധീനിക്കപ്പെട്ടവരെ, പലസ്‌തീൻ കേരളത്തിലാണ് – സ്വരാജ് പറഞ്ഞു. ഫെയ്‌സ്‌ബുക്ക്‌ കുറിപ്പ്‌: “എങ്ങു മനുഷ്യനു ചങ്ങല കൈകളിലങ്ങെൻ കൈയുകൾ നൊന്തീടുകയാ- ണെങ്ങോ മർദ്ദന, മവിടെ പ്രഹരം വീഴുവതെന്റെ പുറത്താകുന്നു……” ലോകത്തെവിടെയും ഒരു മനുഷ്യനെ ചങ്ങലകളാൽ ബന്ധിക്കുമ്പോൾ വേദനിക്കുന്നത് തന്റെ കൈകളാണെന്നും ഏതൊരുവന്…

കേരളവർമ കോളേജ് യൂണിയൻ തെരഞ്ഞെടുപ്പിൻ്റെ പേരിൽ തലസ്ഥാനത്ത് കലാപം സൃഷ്ടിക്കാൻ കെഎസ്‌യുക്കാരെ നിയോഗിച്ച് കോൺഗ്രസ്. കേരളീയം അലങ്കോലമാക്കുകയെന്ന ലക്ഷ്യത്തോടെയാണ് ഒരു സംഘം കെഎസ്‌യുക്കാർ നഗരത്തിൽ അഴിഞ്ഞാടിയത്. കോളേജ്‌ യൂണിയൻ തെരഞ്ഞെടുപ്പ്‌ തോൽവിയുടെ ഉത്തരവാദിത്വം മന്ത്രിക്കുമേൽ കെട്ടിവയ്‌ക്കാൻ ശ്രമിച്ച്‌ വന്നവർ കേരളീയത്തിൻ്റെ ഭാഗമായി സ്ഥാപിച്ച ഫ്ളക്സുകളും മറ്റും തകർത്തു. പ്രതിപക്ഷത്തിൻ്റെ ബഹിഷ്‌കരണത്തിന്‌ ഒരു വിലയും കൊടുക്കാതെ കേരളീയത്തിലേക്ക്‌ ജനം ഒഴുകുന്നതിൻ്റെ അസ്വസ്ഥതയിലാണ്‌ കോൺഗ്രസ് നേതൃത്വം. കലാപരിപാടികളിൽ മാത്രം ജനപങ്കാളിത്തമുണ്ടായേക്കാമെന്ന പ്രതിപക്ഷ പ്രവചനവും കേരളം തൂത്തെറിഞ്ഞു. നിറഞ്ഞുകവിഞ്ഞ സെമിനാർ സദസ്സ്‌ അവർക്കുള്ള മറുപടിയായി. ഇതോടെയാണ് കേരളീയം കലക്കാൻ കെഎസ്‌യുക്കാരെ ഇറക്കിവിട്ടത്.മന്ത്രിയുടെ ഔദ്യോഗിക വസതിക്കു മുന്നിലെ പ്രതിഷേധത്തിനുശേഷം പാളയത്തേക്ക്‌ വന്ന കെ എസ് യുക്കാർ പോലീസുമായി ഏറ്റുമുട്ടുമെന്ന് മാധ്യമങ്ങളെ അറിയിച്ചിരുന്നു. കേരളീയം പരിപാടിയുടെ ഫ്ലക്‌സ്‌ കീറുമെന്ന വിവരവും ചിലർക്ക്‌ മുൻകൂട്ടി ലഭിച്ചു. ബേക്കറി ജങ്‌ഷനിലാണ്‌ റോഡ്‌ ഉപരോധിച്ച്‌ സംഘർഷത്തിന്‌ ശ്രമിച്ചത്‌. നഗരത്തിൻ്റെ എല്ലാ ഭാഗങ്ങളിലും ഗതാഗത സ്തംഭനമുണ്ടാക്കുകയെന്ന ലക്ഷ്യത്തോടെയായിരുന്നു ഇത്. ചിലർ പാളയം ജങ്‌ഷനിലേക്ക്‌ നീങ്ങി…

കൊച്ചി: തൃശൂർ കേരളവർമ കോളേജ് തെരഞ്ഞെടുപ്പ് കേസിൽ കെഎസ്‍യുവിന് തിരിച്ചടി. യൂണിയൻ തെരഞ്ഞെടുപ്പ് റദ്ദാക്കണമെന്ന കെഎസ്‌യുവിൻ്റെ ​ഹർജി ഹൈക്കോടതി തള്ളി. തെരഞ്ഞെടുപ്പിലെ തൻ്റെ വിജയം അട്ടിമറിച്ചെന്നും വീണ്ടും തെരഞ്ഞെടുപ്പ് നടത്തണമെന്നും ആവശ്യപ്പെട്ട് കെഎസ്‌യു ചെയ‍ർമാൻ സ്ഥാനാർത്ഥി ശ്രീക്കുട്ടൻ നൽകിയ ഹർജിയാണ് ഹൈക്കോടതി പരിഗണിച്ചത്. തെരഞ്ഞെടുപ്പ് റദ്ദാക്കാനാവില്ലെന്നും ഇടക്കാല ഉത്തരവിടാനാവില്ലെന്നും ഹൈക്കോടതി അറിയിച്ചു. സംഭവത്തിൽ മാനേജരുടെയും പ്രിൻസിപ്പാളിൻ്റെയും വാദം കേൾക്കണമെന്നും കോടതി പറഞ്ഞു.

ന്യൂഡൽഹി: നിയമസഭ പാസാക്കുന്ന ബില്ലുകൾ വൈകിപ്പിക്കുന്ന സംസ്ഥാന ഗവർണർമാരുടെ നടപടികൾക്കെതിരെ രൂക്ഷ വിമർശനവുമായി സുപ്രീം കോടതി. ഇത്തരം കാര്യങ്ങളിൽ സംസ്ഥാന സർക്കാരുകൾ കോടതിയെ സമീപിക്കേണ്ട സാഹചര്യം ഉണ്ടാകാതെ നോക്കണമെന്ന്‌ സുപ്രീം കോടതി പറഞ്ഞു. ചീഫ്‌ ജസ്‌റ്റിസ്‌ ഡി വൈ ചന്ദ്രചൂഢ്‌ അധ്യക്ഷനായ ബഞ്ചിന്റേതാണ്‌ പരാമർശം. പഞ്ചാബ്‌ ഗവർണർ ബൻവരിലാൽ പുരോഹിതിനെതിരെ സംസ്ഥാന സർക്കാർ നൽകിയ ഹർജി പരിഗണിക്കുകയായിരുന്നു സുപ്രീം കോടതി. ഹർജി വെള്ളിയാഴ്‌ച വീണ്ടും പരിഗണിക്കും. കേരള, തമിഴ്‌നാട്‌ സർക്കാരുകളുടെ സമാനമായ ഹർജികളും ഇതോടൊപ്പം പരിഗണിക്കും. സർക്കാരുകൾ സുപ്രീം കോടതിയെ സമീപിച്ചതിന്‌ ശേഷം മാത്രമാണ്‌ ഗവർണർമാർ ബില്ലുകളിൽ ഇടപെടുന്നത്‌. ഈ സാഹചര്യം അവസാനിപ്പിക്കണം. തെലങ്കാന സർക്കാരിന്റേതും സമാന കേസ്‌ ആയിരുന്നുവെന്ന്‌ കോടതി ചൂണ്ടിക്കാട്ടി. ഗവർണർമാർ ജനങ്ങളാൽ തെരഞ്ഞെടുക്കപ്പെട്ട അധികാരികളല്ല. ഇത്തരം വിഷയങ്ങൾ ഗവർണർക്കും മുഖ്യമന്ത്രിക്കും ഇടയിൽ തീർപ്പാക്കാനാകണം. പഞ്ചാബ്‌ നിയമസഭ പാസാക്കിയ പ്രധാനപ്പെട്ട ബില്ലുകൾ ഉൾപ്പെടെ ജൂലൈ മുതൽ ഗവർണർ പിടിച്ചുവച്ചിരിക്കുകയാണെന്ന്‌ മുതിർന്ന അഭിഭാഷകൻ മനു അഭിഷേക്‌ സിങ്‌വി കോടതിയെ ധരിപ്പിച്ചു.…