Author: T21 Media

മലപ്പുറം: നവകേരള സദസ്സിൽ പങ്കെടുത്ത് പാണക്കാട് ഹൈദരലി തങ്ങളുടെ മരുമകൻ ഹസീബ് സക്കാഫ് തങ്ങൾ. മലപ്പുറം ജില്ലയിലെ പ്രഭാതയോഗത്തിലാണ് അദ്ദേഹം പങ്കെടുത്തത്. ‘നാടിൻ്റെ വികസനത്തിന് കക്ഷി രാഷ്ട്രീയം നോക്കാതെ ഒന്നിയ്ക്കണമെന്ന് ഹസീബ് തങ്ങൾ പറഞ്ഞു. നാട്ടുകാരൻ എന്ന നിലയിലാണ് പങ്കെടുത്തതെന്നും അദ്ദേഹം വ്യക്തമാക്കി. ഡി.സി.സി. മുൻ അംഗവും തിരുനാവായ മുൻ ബ്ലോക്ക് അംഗവുമായ സി. മൊയ്തീനും തിരൂരിലെ പ്രഭാതയോഗത്തിൽ പങ്കെടുത്തു. മുസ്ലിം ലീഗ് പ്രാദേശിക നേതാവ് പിപി ഇബ്രാഹം മാസ്റ്ററും നവകേരള സദസിലെ യോഗത്തിനെത്തിയിരുന്നു. കഴിഞ്ഞദിവസം കോഴിക്കോട് ജില്ലയിലെ പരിപാടിയിൽ നാല് യു.ഡി.എഫ്. നേതാക്കൾ പങ്കെടുത്തിരുന്നു. കോൺഗ്രസ് ബ്ലോക്ക് കമ്മിറ്റഇ അംഗം എൻ. അബൂബക്കർ, യു.ഡി.എഫ്. കൊടുവള്ളി മേഖലാ തിരഞ്ഞെടുപ്പ് കമ്മിറ്റി കൺവീനറായിരുന്ന മാധവൻ നമ്പൂതിരി മക്കാട്ടില്ലം, അടിവാരം-വയനാട് ചുരം സംരക്ഷണസമിതി പ്രസിഡന്റും കട്ടിപ്പാറ പയോണ വാർഡ് മുസ്ലിംലീഗ് കമ്മിറ്റി പ്രസിഡന്റുമായ വി.കെ. മൊയ്തു മുട്ടായി, കൊടുവള്ളി നിയോജകമണ്ഡലം ലീഗ് സെക്രട്ടറി യു.കെ. ഹുസൈൻ എന്നിവരാണ് ലീഗിൽനിന്ന് പങ്കെടുത്തത്.

തിരുവനന്തപുരം: യൂത്ത് കോൺഗ്രസ് തെരഞ്ഞെടുപ്പിനായി കാമ്പസുകളിലും വ്യാജ തിരിച്ചറിയൽ കാർഡ് നിർമ്മിച്ചതായി പരാതി. കെഎസ് യു നേതാവ് കിരൺ ഗോവിന്ദനെതിരെ തിരുവനന്തപുരം പാലോട് ക്രെസന്റ് ടിടിഐ വിദ്യാർത്ഥിയാണ് പരാതി നൽകിയത്. വിദ്യാർത്ഥികളുടെ ഫോട്ടോ ഉപയോഗിച്ച് തിരിച്ചറിയൽ കാർഡ് നിർമ്മിച്ചതായി പോലീസ് മേധാവിക്ക് നൽകിയ പരാതിയിൽ പറയുന്നു. ആരോപണത്തിൽ പോലീസ് അന്വേഷണം ആരംഭിച്ചു. കന്റോൺമെന്റ് എസിപിയുടെ നിർദേശപ്രകാരം പാലോട് പോലീസാണ് അന്വേഷണം ആരംഭിച്ചത്.

നവകേരളസദസുമായി ബന്ധിപ്പിച്ച്‌ തൻ്റെ പേരിൽ സംസ്ഥാന സർക്കാരിനെതിരെ സമൂഹമാധ്യമങ്ങളിലൂടെ വ്യാജപ്രചാരണം നടത്തുന്നതിനെതിരെ സിപിഎം പൊളിറ്റ്‌ബ്യൂറോ അംഗം ബൃന്ദ കാരാട്ട്‌ ഡിജിപിക്കും സൈബർ സെല്ലിനും പരാതി നൽകി. ഓൺലൈൻ മാധ്യമങ്ങളിലൂടെ തൻ്റെ പേരും ചിത്രവുമുപയോഗിച്ച്‌ അപകീർത്തികരമായ പ്രസ്താവന പ്രചരിപ്പിക്കുകയാണ്. ‘കേരളത്തിൽ നടക്കുന്നത്‌ ധൂർത്താണെന്നും പിണറായിയും സഖാക്കളും ഉമ്മൻചാണ്ടിയെ കണ്ട്‌ പഠിക്കണമെന്നും’ താൻ പറഞ്ഞതായാണ്‌ കുപ്രചാരണം. മലയാളത്തിലുള്ള ഈ പോസ്റ്ററുകൾ വസ്തുതാ വിരുദ്ധവും തൻ്റെയും പാർട്ടിയുടെയും സൽപ്പേര്‌ കളങ്കപ്പെടുത്തുകയെന്ന ലക്ഷ്യത്തോടെയുള്ളതുമാണെന്ന് പരാതിയിൽ പറഞ്ഞു. താൻ പറഞ്ഞതെന്ന വ്യാജേനയാണ്‌ ഈ പ്രചാരണം. പൊതുജനങ്ങളെ തെറ്റിദ്ധരിപ്പിക്കാനാണിത്‌. ഇതിന്‌ പിന്നിലുള്ളവരെ കണ്ടെത്തി കർശന നിയമനടപടി സ്വീകരിക്കണമെന്നും ബൃന്ദ കാരാട്ട് പരാതിയിൽ ആവശ്യപ്പെട്ടു.

കെഎസ്‌ആർടിസിക്ക്‌ സംസ്ഥാന സർക്കാർ സഹായമായി 90.22 കോടി രൂപകൂടി അനുവദിച്ചതായി ധനമന്ത്രി കെ എൻ ബാലഗോപാൽ. 70.22 കോടി രൂപ പെൻഷൻ വിതരണത്തിനാണ്‌. സർക്കാരിന്റെ സാമ്പത്തിക സഹായമായി 20 കോടി രൂപയും അനുവദിച്ചു. ഈ മാസം ആദ്യം 30 കോടി നൽകിയിരുന്നു. കോർപറേഷന്‌ ഈ വർഷത്തെ ബജറ്റ്‌ വിഹിതം 900 കോടി രൂപയാണെങ്കിലും ഇതിനകം 1234.16 കോടി രൂപ നൽകിക്കഴിഞ്ഞു. രണ്ടാം പിണറായി സർക്കാർ 4933.22 കോടി രൂപയാണ്‌ കെഎസ്‌ആർടിസിക്ക്‌ സഹായമായി നൽകിയത്‌. ഏഴര വർഷത്തിനുള്ളിൽ എൽഡിഎഫ്‌ സർക്കാർ നൽകിയത്‌ 9886.22 കോടി രൂപയും.

തദ്ദേശ സ്വയംഭരണ സ്ഥാപനങ്ങളെ സ്വതന്ത്രമായി പ്രവർത്തിക്കാൻ അനുവദിക്കാതെ മൂക്ക് കയറിട്ടു നിർത്താനുള്ള ശ്രമമാണ് എറണാകുളം ജില്ലയിലെ പറവൂർ മുനിസിപ്പാലിറ്റിക്കെതിരായ പ്രതിപക്ഷ നേതാവിൻറെയടക്കം നീക്കമെന്ന് മുഖ്യമന്ത്രി പിണറായി വിജയൻ പറഞ്ഞു. ജനാധിപത്യപരമായി തെരഞ്ഞെടുക്കപ്പെട്ട നഗരസഭ ഏകകണ്ഠമായി എടുത്തതാണ് നവകേരള സദസ്സിന് ഒരു ലക്ഷം രൂപ നൽകാനുള്ള തീരുമാനം. അങ്ങനെ പണം നൽകിയാൽ സ്ഥാനം തെറിപ്പിക്കുമെന്ന ഭീഷണി ഉയർത്തുന്നത് ഒരുതരത്തിലും നാടിന് അംഗീകരിക്കാനാവില്ലെന്ന് മുഖ്യമന്ത്രി വാർത്താ സമ്മേളനത്തിൽ വ്യക്തമാക്കി. പറവൂരിൽ നിന്നുള്ള എം എൽ എ കൂടിയായ പ്രതിപക്ഷ നേതാവിൻ്റെ അപക്വമായ നടപടി സാധാരണ രീതിയിൽ ഉണ്ടാകാൻ പാടില്ലാത്തതായിരുന്നു. മുനിസിപ്പൽ ചെയർ പേഴ്സണെ ഭീഷണിപ്പെടുത്തി കൗൺസിൽ വിളിപ്പിച്ച് തീരുമാനം പിൻവലിപ്പിച്ചു എന്നാണ് വാർത്ത. എന്നാൽ, നേരത്തെ തന്നെ ഔദ്യോഗികമായി അംഗീകരിച്ച തീരുമാനം നടപ്പാക്കി, പണം കൈമാറാനാണ് മുനിസിപ്പൽ സെക്രട്ടറി സന്നദ്ധനായത്. അതിൻ്റെ പേരിൽ അദ്ദേഹത്തെ വിടാതെ പിന്തുടരുമെന്ന ഭീഷണി ഉയർന്നതായും കേൾക്കുന്നു. ഇതിൽ രണ്ടു ഗൗരവ പ്രശ്നങ്ങളുണ്ട്. ഒന്ന്, പ്രാദേശിക ഭരണ സംവിധാനത്തെ സങ്കുചിത…

തിരുവനന്തപുരം: നവകേരള സദസിനെതിരെ പ്രതിപക്ഷ നേതാവ് വി ഡി സതീശൻ്റെ ആഹ്വാനം കേട്ട് സമരത്തിനിറങ്ങി ജയിലിലായ കെ എസ് യു സംസ്ഥാന നേതാക്കൾ ജാമ്യത്തിലിറക്കാൻ ആളില്ലാതെ കുഴഞ്ഞു. ജയിലിൽ കഴിയുന്ന ഇവർക്ക് ജാമ്യം കിട്ടിയെങ്കിലും ജാമ്യക്കാരെ നൽകാതെ വിഡി സതീശനും സംഘവും വഞ്ചിച്ചതായാണ് പരാതി. കെ എസ് യു സംസ്ഥാന വൈസ് പ്രസിഡന്റ് യദു കൃഷ്ണൻ , സംസ്ഥാന ജനറൽ സെക്രട്ടറി ആ ദേശ് സുദർമ്മൻ , സംസ്ഥാന നേതാക്കളായ ഫർഹാൻ മുണ്ടേരി , അനീഷ് എന്നിവർക്കാണ് ജാമ്യം കിട്ടിയിട്ടും പൂജപ്പുര ജയിലിൽ കഴിയേണ്ടി വന്നത്. സ്കൂൾ ബസ് വിട്ടു നൽകുന്നതിന് എതിരെ തലസ്ഥാനത്ത് പൊതുവിദ്യാഭ്യാസ ഡയറക്ടരുടെ കാര്യാലയം ഉപരോധിച്ചതിനെ തുടർന്നാണ് ഇവർ പിടിയിലാകുന്നത്. അറസ്റ്റിലായ നേതാക്കളിൽ യദു കൃഷ്ണൻ ചെന്നിത്തല ഗ്രൂപ്പും , ആദേഷ് എ ഗ്രൂപ്പ് നോമിനിയും ബാക്കി 2 പേർ സുധാകരൻ ഗ്രൂപ്പുമാണ്. വി ഡി സതീശൻ ഗ്രൂപ്പിലുള്ള ഒരാളും ജയിലിൽ ഇല്ലാത്തതിനെ തുടർന്നാണ് സതീശൻ്റെ സ്വന്തം…

പത്തനംതിട്ട: യൂത്ത് കോൺഗ്രസ് വ്യാജ ഐഡി കാർഡ് നിർമ്മിച്ച കേസിൽ ഒരാളെക്കൂടി പ്രതി ചേർത്തു. യൂത്ത് കോൺഗ്രസ് പത്തനംതിട്ട ജില്ലാ വൈസ് പ്രസിഡന്റ് രഞ്ജുവിനെയാണ് പ്രതി ചേർത്തത്. വ്യാജ കാർഡ് നിർമിക്കാൻ നാലാം പ്രതി വികാസ് കൃഷ്ണന് പണം നൽകിയെന്ന കണ്ടെത്തലിലാണിത്. ഗൂഗിൾ പേ വഴിയാണ് പണം നൽകിയത്. ദിവസം 1000 രൂപ വെച്ച് ഒരു മാസത്തേക്ക് പണം നൽകി. അഞ്ചാം പ്രതിയായാണ് രഞ്ജുവിനെ ചേർത്തത്. രഞ്ജു ഒളിവിലാണെന്നും പോലീസ് അറിയിച്ചു. നേരത്തെ വ്യാജ ഐഡി കാർഡ് നിർമ്മിച്ച കേസിൽ കസ്റ്റഡിയിലെടുത്ത 4 യൂത്ത് കോൺ​ഗ്രസ് പ്രവർത്തകരെ അറസ്റ്റ് ചെയ്തിരുന്നു. പത്തനംതിട്ട സ്വദേശി വികാസ് കൃഷ്‌ണൻ, ഏഴംകുളം അറുകാലിക്കൽ പടിഞ്ഞാറ് അഭയം വീട്ടിൽ അഭി വിക്രമൻ, ഏഴംകുളം തൊടുവക്കാട് പുളിക്കുന്ന്കുഴിയിൽ ബിനിൽ ബിനു, ഫെനി നൈനാൻ എന്നിവരെയാണ് അറസ്റ്റ് ചെയ്തത്. വിശദമായ ചോദ്യം ചെയ്യലിന് ശേഷമാണ് 4 പേരെയും അറസ്റ്റ് ചെയ്തത്. അറസ്റ്റിലായ നാല് പേരും യൂത്ത് കോൺ​ഗ്രസ് സംസ്ഥാന പ്രസിഡന്റ്…

കോഴിക്കോട്‌: നവകേരള സദസ്സിനെതിരെ പ്രതിഷേധിക്കാൻ യുഡിഎഫ്‌ തീരുമാനിച്ചിട്ടില്ലെന്ന്‌ രമേശ്‌ ചെന്നിത്തല. യൂത്ത്‌ കോൺഗ്രസുകാർ നടത്തിയത്‌ സംഘടിതമായ പ്രതിഷേധമല്ല. പാർടി അങ്ങനെ തീരുമാനിച്ചിട്ടില്ലെന്നും അദ്ദേഹം വാർത്താസമ്മേളനത്തിൽ പറഞ്ഞു. പാലക്കാട്‌ കോൺഗ്രസ്‌ നേതാവ്‌ എ വി ഗോപിനാഥ്‌ നവകേരള സദസ്സിൽ പങ്കെടുത്താലും പ്രശ്‌നമില്ല. അദ്ദേഹം കോൺഗ്രസുമായി അകന്നുകഴിയുന്ന നേതാവാണ്‌. പരിപാടിക്ക്‌ യുഡിഎഫ്‌ ഭരിക്കുന്ന തദ്ദേശ സ്ഥാപന പ്രതിനിധികൾ പണം നൽകില്ല. അങ്ങനെ തീരുമാനമെടുത്തവർ തിരുത്തും. കലിക്കറ്റ്‌ സർവകലാശാല സെനറ്റിലേക്ക്‌ തെരഞ്ഞെടുക്കാൻ യുഡിഎഫ്‌ പ്രതിനിധികളാരും ഗവർണർക്ക്‌ ശുപാർശ നൽകിയിട്ടില്ല. എങ്ങനെ തെരഞ്ഞെടുത്തുവെന്ന്‌ അറിയില്ല. കേരള ബാങ്കിൽ മുസ്ലിംലീഗ്‌ പ്രതിനിധിയെ നിയമിച്ചതിൽ തെറ്റില്ല. അടുത്ത യുഡിഎഫ്‌ യോഗം ഇക്കാര്യം ചർച്ച ചെയ്യും. വ്യാഴാഴ്‌ച നടക്കുന്ന പലസ്‌തീൻ ഐക്യദാർഢ്യ റാലിയിൽ ശശി തരൂർ എംപി പങ്കെടുക്കുമെന്നും അദ്ദേഹം പറഞ്ഞു.

കൊച്ചി നഗരത്തിലെ ജൈവമാലിന്യ പ്രശ്നത്തിന് ശാശ്വത പരിഹാരമാകുന്ന ബി. പി. സി. എല്ലിൻ്റെ കംപ്രസ്ഡ് ബയോഗ്യാസ് പ്ലാന്റിന് മന്ത്രിസഭാ യോഗം അംഗീകാരം നൽകി. നവകേരള സദസ്സ് പര്യടനത്തിനിടെ തലശ്ശേരിയിൽ ചേർന്ന മന്ത്രിസഭായോഗമാണ് പദ്ധതിക്ക് അംഗീകാരം നൽകിയത്. കൊച്ചി കോർപ്പറേഷൻ്റെ കൈവശമുള്ള ബ്രഹ്മപുരത്തെ ഭൂമിയിൽ നിന്നും 10 ഏക്കർ ഭൂമി ഇതിനായി ബി. പി. സി. എല്ലിൻ കൈമാറും. ഈ ഭൂമിയിലാണ് ബി. പി. സി. എൽ പ്രതിദിനം 150 മെട്രിക് ടൺ മാലിന്യം സംസ്കരിക്കാൻ ശേഷിയുള്ള പ്ലാന്റ് സ്ഥാപിക്കുക. പ്ലാന്റിൽ നിന്നും ഉത്പാദിപ്പിക്കുന്ന കംപ്രസ്സഡ് ബയോഗ്യാസ് ബി.പി. സി. എൽ ഉപയോഗിക്കും. ഏകദേശം 150 കോടി രൂപയാണ് നിർമ്മാണ ചെലവ്. ഈ തുക പൂർണമായും ബി. പി. സി. എൽ ആണ് വഹിക്കുക. പ്ലാൻറ് നിർമ്മാണത്തിന് ആവശ്യമായ ജലം, വൈദ്യുതി എന്നിവ കുറഞ്ഞ നിരക്കിൽ ലഭ്യമാക്കും. 15 മാസത്തിനകം പദ്ധതി പൂർത്തിയാവും. പ്ലാന്റിൽ ഉൽപാദിപ്പിക്കുന്ന ജൈവവളം കർഷകർക്ക് ലഭ്യമാക്കും. മാലിന്യ സംസ്കരണത്തിൻ്റെ…

തിരുവനന്തപുരം: നവകേരള സദസിനെതിരായ കോൺഗ്രസ്‌ പ്രതിഷേധത്തെ തള്ളി മുസ്ലിം ലീഗ്. നവകേരള സദസിനെതിരായ പ്രതിഷേധത്തെ പിന്തുണകില്ല. സദസിനെതിരായ പ്രതിഷേധത്തിനില്ലന്നും പി കെ കുഞ്ഞാലിക്കുട്ടി മാധ്യമങ്ങളോട്‌ പറഞ്ഞു. ഇതോടെ നവകേരള സദസ്സിനെ അലങ്കോലമാക്കുന്ന കോൺഗ്രസ് നിലപാടിന് കനത്ത തിരിച്ചടിയായി. ബഹിഷ്‌കരണം മാത്രമാണ്‌ ലീഗിന്‌ ഉദ്ദേശമുള്ളുവെന്ന്‌ കുഞ്ഞാലിക്കുട്ടി വ്യക്തമാക്കി. പരസ്യമായ പ്രതിഷേധ സമരങ്ങൾക്ക്‌ പങ്കെടുക്കില്ല. യുഡിഎഫ്‌ പ്രഖ്യാപിച്ച പരിപാടിയിലാണ്‌ ഊന്നൽ കൊടുക്കുന്നത്‌. മറ്റൊരു പ്രതിഷേധവും ആവശ്യമില്ല – കുഞ്ഞാലിക്കുട്ടി പറഞ്ഞു.