Author: T21 Media

സംസ്ഥാന നേതാക്കൾ കൂട്ടത്തോടെ സുരേന്ദ്രന്റെ രാജിക്കായി അരയും തലയും മുറുക്കി രംഗത്ത് ഇറങ്ങിയിട്ടുണ്ട്. അമിത് ഷായുമായി അടുത്ത ബന്ധമുള്ള സുരേഷ് ഗോപിയുടെ നിലപാടും പ്രസക്തമാണ്. നൂലിൽ കെട്ടി ഇറക്കിയ സെലിബ്രിറ്റികൾ സംസ്ഥാന ബിജെപിയുടെ ഗതി നിർണ്ണയിക്കുന്ന കെട്ടകാലമാണ് ഇപ്പൊ കേരളത്തിൽ ബിജെപി അഭിമുഖീകരിക്കുന്നത്. സുരേഷ്​ഗോപിയെ തന്നെ സംസ്ഥാനഅദ്ധ്യക്ഷൻ സ്ഥാനത്തേക്ക് പരി​ഗണിക്കുന്നുണ്ട് എന്നാണ് അറിയാൻ കഴിയുന്നത്.

ജനം വട്ടം കറങ്ങിയ കോവിഡ് കാലത്ത് പോലും ട്രെയിൻ ടിക്കറ്റ് നിരക്ക് വർധിപ്പിച്ച മോദി സർക്കാർ പ്ലാറ്റ്ഫോം ടിക്കറ്റ് ചാർജ് കൂട്ടിയത് അഞ്ച് ഇരട്ടിയാണ്. റെയിൽവേയെ വെട്ടിമുറിച്ചു ഓരോരോ ഭാഗങ്ങളായി കോർപറേറ്റുകളുടെ കൊള്ള ലാഭക്കൊതിക്കു വിട്ടു കൊടുക്കാനാണ് കേന്ദ്ര ഗവണ്മെന്റിന്റെ ശ്രമം. നാഷണൽ മോനെറ്റിസേഷൻ പൈപ്പ് ലൈൻ പേരിൽ 1400km റെയിൽവേ പാതയും 400 റെയിൽവേ സ്റ്റേഷനുകളുമടക്കം 1,52,000 കോടി രൂപയുടെ വില്പനയാണ് മോദി സർക്കാർ ലക്ഷ്യമിടുന്നത്.

സുധാകരൻ എത്തിയാൽ കോൺ​ഗ്രസ് രക്ഷപെടുമെന്നായിരുന്നു നേതാക്കളും കോൺഗ്രസിന്റെ സൈബർ പോരാളികളും പറഞ്ഞത്‌. എന്നാൽ ലക്ഷണം കണ്ട്‌ എല്ലാം അടപടലം തകരുമെന്നാണ്‌ തോന്നുന്നത്‌. ഡിസിസി പ്രസിഡൻറ്മാരെ തീരുമാനിച്ചു കഴിഞ്ഞപ്പോൾ തന്നെ സുനാമിയും ഓഖിയും ഒന്നിച്ചു വന്ന സ്‌ഥിതിയാണ്‌. കൊള്ളാവുന്ന നേതാക്കന്മാർ പലരും പാർട്ടിവിട്ട് സിപിഎമ്മിൽ ചേർന്നു. അതിന് പിന്നാലെ കോൺഗ്രസിൽ ഉടലെടുത്ത പരസ്യ ഗ്രൂപ്പു പോരിനും കൊഴിഞ്ഞുപോകലിനും പ്രാദേശിക തലത്തിൽ ആയിരക്കണക്കിന്‌ പ്രവർത്തകരും അവരുടെ പാത സ്വീകരിച്ചു. എന്നാൽ അതിനെക്കാൾ വലിയ ആഘാതമായിരിക്കയാണ്‌ സുധീരന്റെ അപ്രതീക്ഷിത രാജി.

കെ റെയിൽ അതിവേഗ റെയിൽപാത പരിസ്ഥിതിക്ക്‌ വൻ ദോഷം ചെയ്യുമെന്നാണ്‌ പ്രതിപക്ഷ നേതാവിന്റെ വാദം. പദ്ധതി കേരളത്തെ രണ്ടായി മുറിക്കുമെന്നും യുഡിഎഫ് ആരോപിക്കുന്നു. കൂടാതെ പദ്ധതി സംസ്ഥാനത്തിന്‌ സാമ്പത്തിക ബാധ്യത ഉണ്ടാകുമെന്നും മറ്റുമാണ്‌ യുഡിഎഫ്‌ ഉപസമിതിയുടെ കണ്ടെത്തൽ. യുഡിഎഫിന്റെ പരിസ്ഥിതി സ്നേഹം കാണുമ്പോൾ സത്യത്തിൽ മൂക്കത്ത് വിരൽ വെക്കേണ്ടി വരികയാണ്. എന്താണ് സത്യത്തിൽ വസ്തുത?

കഴിഞ്ഞ കുറെ ദിവസങ്ങളായി തുടർന്ന് വരുന്ന കുടിയൊഴിപ്പിക്കലിനൊടുവിൽ 800 കുടുംബങ്ങളിലായി രണ്ടായിരത്തിലധികം പേർ ഇതിനോടകം തെരുവാധാരമായി. ബംഗാളി സംസാരിക്കുന്ന മുസ്ലിങ്ങളും ദളിതരുമാണ് ഇവിടത്തെ താമസക്കാരിൽ അധികവും. കഴിഞ്ഞ മൂന്നു മാസത്തിനിടെ അസമിലെ ബിജെപി സർക്കാർ നടത്തുന്ന രണ്ടാമത്തെ കുടിയൊഴിപ്പിക്കലാണിത്. ജൂണിൽ 49 മുസ്ലിം കുടുംബത്തെയും ഒരു ഹിന്ദു കുടുംബത്തെയും പോലീസ് ഒഴിപ്പിച്ചിരുന്നു. ഒഴിപ്പിക്കലിന് നേതൃത്വം നൽകിയ ഉദ്യോ​ഗസ്ഥരെ അസം മുഖ്യമന്ത്രി ഹിമന്ദ ബിസ്വ സർമ അഭിനന്ദിച്ചു. ഭരണകൂട ഭീകരതയുടെ അതിക്രൂരമായ മുഖമാണ് ഈ കുടിയൊഴിപ്പിക്കലിലൂടെ, നരനായാട്ടിലൂടെ നാം കണ്ടുകൊണ്ടിരിക്കുന്നത്.

രാജ്യം ഭരിക്കുന്നവർ പറയുന്നവർ മാത്രം രാജ്യസ്നേഹികളും അല്ലാത്തവരെല്ലാം രാജ്യദ്രോഹികളുമാണ് എന്ന് വരുത്തിത്തീർക്കാൻ വലിയ ശ്രമമാണ് നടക്കുന്നത്. രാജ്യം കണ്ട ഏറ്റവും വലിയ ഫാസിസ്റ്റ് സർക്കാരിനെ വിമർശിക്കുന്നവർ രാജ്യദ്രോഹികളാവും. അവർക്ക് പാകിസ്ഥാനിലാണ് സ്ഥാനം.. എന്നാൽ സംഘപരിവാറിന്റെ സ്‌ഥാപക നേതാക്കൾക്ക്‌ ഈ രാജ്യത്തോടും സ്വാതന്ത്ര്യസമരത്തോടും എന്തായിരുന്നു നിലപാട്‌. ആരാണ്‌ യഥാർഥ രാജ്യദ്രോഹികൾ.. നമുക്കൊന്ന് നോക്കാം..

പണിക്കര് ഒരു കാര്യം പറഞ്ഞ് നാക്ക് വായിലേക്കിട്ടില്ല. ദേ അപ്പഴേക്കും വന്നിരിക്കുന്നു ദേശീയ പതാക തലതിരിച്ചുയർത്തിയ ബിജെപി സംസ്ഥാന പ്രസിഡന്റ് കെ സുരേന്ദ്രന്റെയും സംഘത്തിന്റെയും വീഡിയോ. അതും ബിജെപി സംസ്ഥാനകമ്മറ്റി ഓഫീസിൽ വെച്ച്. നാഴികയ്ക്ക് നാനൂറ് വട്ടം രാജ്യസ്നേഹത്ത പറ്റി വാചാലരാകുന്ന ഇവറ്റകൾക്ക് ഇന്ത്യയുടെ ദേശീയ പതാക പോലും നേരെ ചൊവ്വേ ഉയർത്താൻ അറിയില്ല എന്നതാണ് വസ്തുത. ഇത് മുൻകൂട്ടി കണ്ടായിരിക്കും ശ്രീജിത്ത് പണിക്കര് പോസ്റ്റിട്ടത്..

ഇടപാടുകാരറിയാതെ അവരുടെ അക്കൗണ്ടുകൾ വഴി ലക്ഷങ്ങളുടെ പണമിടപാട് നടന്നെന്ന് കണ്ടെത്തിയിട്ടുണ്ട്. കണ്ണമംഗലം പഞ്ചായത്തിലെ ഒരു അംഗനവാടി ടീച്ചർ എം ദേവിയുടെ അക്കൗണ്ട് വഴി അവരറിയാതെ 80 ലക്ഷം രൂപയുടെ ഇടപാടുകളാണ് നടത്തിയത്. ആകെ 600 കോടിയിലധികം രൂപയുടെ കള്ളപ്പണ നിക്ഷേപം ആ ബാങ്കിലുണ്ടെന്നാണ് നിലവിലെ സഹകരണ വകുപ്പ് ഇൻസ്പെക്ഷൻ വിങ്ങിൻ്റെ നിഗമനം.

#enforcementdirectorate#BJP പ്രിയപ്പെട്ട നാട്ടുകാരുടെ പ്രത്യേക ശ്രദ്ധയ്ക്ക്…. മാധ്യമങ്ങളും പ്രതിപക്ഷവും പ്രമുഖ ദേശീയ പാർട്ടിയും തലയിലേറ്റി എഴുന്നുള്ളിച്ച് നടന്ന ഇഡി ഇപ്പോൾ ചില പ്രത്യേക കാരണത്താൽ മൗനത്തിലാണ്.

കാശു കണ്ടാൽ അമ്മച്ചിയാണേ ഇമ്മടെ ബിജെപിക്കാർക്ക് പിന്നെ ചുറ്റൂള്ളതൊന്നും പിന്നെ കാണൂല്ല. കുഴൽ, കോഴ, ഹവാല, കള്ളനോട്ടടി ഇത്യാദി പരിപാടികൾക്ക് ശേഷം ഇപ്പോ ദാ സ്വന്തം ബാങ്കിലെ നിക്ഷേപകരുടെ കാശ്‌ തട്ടിക്കുന്നതിലും ഒരു കൈനോക്കി തേഞ്ഞിരിക്കുകയാണ്. വിധിയെന്നല്ലാതെ എന്ത് പറയാനാ…