Author: T21 Media

കൊച്ചി: അതിക്രൂരമായ ആക്രമണമാണ് മഹാരാജാസിൽ കെഎസ് യു- ഫ്രറ്റേണിറ്റി സംഘത്തിൻ്റെ ഭാഗത്ത് നിന്നും എസ്എഫ്‌ഐക്കുനേരെ ഉണ്ടായിട്ടുള്ളതെന്ന് എസ്എഫ്‌ഐ സംസ്ഥാന സെക്രട്ടറി പി എം ആർഷോ. യൂണിറ്റ് സെക്രട്ടറി നാസിറിനെ വൈകാതെ ശസ്ത്രക്രിയയ്കക് വിധേയമാക്കണമെന്നാണ് ഡോക്ടർമാർ പറഞ്ഞിട്ടുള്ളതെന്നും ആർഷോ പറഞ്ഞു. കഴിഞ്ഞ കുറച്ച് ദിവസങ്ങളിലായി വളരെ ആസൂത്രിതമായി ക്യാമ്പസിനകത്ത് അക്രമം അഴിച്ചുവിടുന്നതിനുവേണ്ടി ഈ രണ്ട് കൂട്ടരുടെ ഭാഗത്ത് നിന്നും നിരന്തര ശ്രമമാണുണ്ടായിക്കൊണ്ടിരിക്കുന്നത്. അതിന്റെ ഭാഗമായാണ് ഇന്നലെ ക്യാമ്പസിൽ ഒരധ്യാപകനെ ഉൾപ്പെടെ ആക്രമിക്കുന്ന നിലയുണ്ടായത്. ബോധപൂർവ്വം സംഘർഷം അഴിച്ചുവിടുന്നതിന് വേണ്ടി ആസൂത്രിത ശ്രമം തുടരുകാണ്. ഫ്രറ്റേണിറ്റി സംഘം നിയന്ത്രിക്കുന്ന തലത്തിലേക്ക് കെഎസ് യു എന്ന സംഘടന മാറിയിരിക്കുന്നു. മാത്രമല്ല, മുൻകാലത്തെ ക്യാമ്പസ് ഫ്രണ്ട് പ്രവർത്തകർ ഫ്രറ്റേണിറ്റിയാടൊപ്പം ചേർന്ന് പുറത്ത് നിന്നും ഗുണ്ടകളെ ഇറക്കി മറ്റൊരു അഭിമന്യു ആവർത്തിക്കാനാണ് ശ്രമമെങ്കിൽ എസ്എഫ്‌ഐ ശക്തമായ പ്രതിരോധം തീർക്കുമെന്നും ആർഷോ വ്യക്തമാക്കി. കഴിഞ്ഞ ദിവസമാണ് എസ്എഫ്‌ഐ മഹാരാജാസ് യൂണിറ്റ് സെക്രട്ടറി അബ്ദുൾ നാസിറിനെ കെഎസ് യു- ഫ്രറ്റേണിറ്റി സംഘം…

തൃശൂർ: സുരേഷ് ഗോപിയുടെ മകൾ ഭാഗ്യ സുരേഷിൻ്റെ വിവാഹം കഴിഞ്ഞ് മണിക്കൂറുകൾ കഴിയുന്നതിനു മുൻപേ വിവാഹത്തിൻ്റെ സർട്ടിഫിക്കറ്റ് ലഭ്യമായെന്ന് മന്ത്രി എം ബി രാജേഷ്. കെ.സ്മാർട്ടിൻ്റെ സഹായത്തോടെയാണ് മുപ്പത് മിനിറ്റിനുള്ളിൽ സർട്ടിഫിക്കറ്റ് ലഭിച്ചത്. സർട്ടിഫിക്കറ്റ് ലഭിച്ച വിവരം മന്ത്രി എംബി രാജേഷ് ഫേസ്ബുക്ക് പോസ്റ്റിലൂടെ പങ്കുവച്ചു. കെ സ്മാർട്ടിലൂടെ അപേക്ഷിച്ച് അര മണിക്കൂറിനുള്ളിൽ തന്നെ വധൂവരന്മാരായ ഭാഗ്യയും ശ്രേയസും സർട്ടിഫിക്കറ്റ് ഗുരുവായൂർ നഗരസഭയുടെ കൗണ്ടറിൽ നിന്ന് കൈപ്പറ്റി. ഇതിന് മുമ്പ് തന്നെ ഓൺലൈൻ സർട്ടിഫിക്കറ്റും ലഭ്യമാക്കിയിരുന്നു. സംസ്ഥാനത്താകെ എല്ലാ നഗരസഭകളിലും ഇത്ര വേഗതയിലാണ് ഇപ്പോൾ വിവാഹ സർട്ടിഫിക്കറ്റുകൾ ലഭിക്കുന്നതെന്ന് മന്ത്രി ഫേസ്ബുക്കിൽ കുറിച്ചു.

തിരുവനന്തപുരം: യൂത്ത്‌ കോൺഗ്രസ്‌ തെരഞ്ഞെടുപ്പിനായി വ്യാജ ഐഡി കാർഡ്‌ നിർമിച്ച കേസ്‌ ക്രൈംബ്രാഞ്ചിന്‌ കൈമാറി. തെരഞ്ഞെടുപ്പ്‌ കമ്മീഷൻ നൽകിയ പരാതിയാണ്‌ കൈമാറിയത്‌. തെരഞ്ഞെടുപ്പ് കമ്മീഷൻ്റെ പരാതിയിൽ മ്യൂസിയം പോലീസ് കേസെടുത്തിരുന്നു. മറ്റ് കേസുകളും ക്രൈം ബ്രാഞ്ചിന് കൈമാറിയേക്കും. വ്യാജ തിരിച്ചറിയൽ കാർഡ് വ്യാപകമായി നിർമ്മിച്ചെന്നാണ് പോലീസ് കണ്ടെത്തൽ. ഈ സാഹചര്യത്തിലാണ് കേസ് ക്രൈംബ്രാഞ്ചിന് കൈമാറിയത്. യൂത്ത്‌കോൺഗ്രസ്‌ നേതാക്കളും പ്രവർത്തകരുമായ നാലുപേരെ കേസിൽ നേരത്തെ അറസ്റ്റ്‌ ചെയ്‌തിരുന്നു. സംസ്ഥാന പ്രസിഡന്റ്‌ രാഹുൽ മാങ്കൂട്ടത്തിൽ അടക്കമുള്ളവരെ ചോദ്യം ചെയ്യുകയും ചെയ്‌തു. പുതിയ കേസിൽ ആരെയും പ്രതിചേർത്തിട്ടില്ല. അന്വേഷണത്തിന്‌ ശേഷമേ പ്രതിപ്പട്ടികയിൽ പേരുൾപ്പെടുത്തൂവെന്ന്‌ പോലീസ് അറിയിച്ചു. തെരഞ്ഞെടുപ്പ്‌ കമ്മീഷൻ്റെ വ്യാജ തിരിച്ചറിയൽ കാർഡുകൾ വ്യാപകമായി നിർമിച്ചതായി മാധ്യമ വാർത്തകളിൽനിന്ന്‌ അറിഞ്ഞതായും വരുന്ന തെരഞ്ഞെടുപ്പിൽ ഈ കാർഡുകൾ ഉപയോഗിക്കാൻ സാധ്യതയുണ്ടെന്നും മുഖ്യ തെരഞ്ഞെടുപ്പ്‌ കമ്മീഷണറുടെ ഓഫീസ്‌ നൽകിയ പരാതിയിൽ പറയുന്നു. ഗൗരവതരമായ അന്വേഷണം വേണമെന്നും ആവശ്യപ്പെട്ടിട്ടുണ്ട്‌. വ്യാജ തിരിച്ചറിയൽ കാർഡ്‌ നിർമിക്കാനുള്ള ആപ് നിർമിച്ചത്‌ യൂത്ത് കോൺഗ്രസ്…

ന്യൂ ഡൽഹി: ഉത്തർപ്രദേശിലെ മഥുരയിലുള്ള ഷാഹി ഈദ്ഗാഹ് മസ്ജിദിൽ സർവേ സ്റ്റേ ചെയ്ത് സുപ്രിംകോടതി. അലഹബാദ് ഹൈക്കോടതി വിധിക്കെതിരെ മസ്ജിദ് ഭരണസമിതി നൽകിയ അപ്പീലിലാണ് നടപടി. പ്രത്യേക അനുമതി ഹർജിയിൽ സുപ്രിംകോടതി എതിർ കക്ഷികൾക്ക് നോട്ടീസയച്ചു. മഥുര മസ്ജിദ് പ്രദേശം കൃഷ്ണ ജന്മഭൂമിയാണെന്നും ക്ഷേത്രാവശിഷ്ടങ്ങൾ കണ്ടെത്താൻ പരിശോധന നടത്തണം എന്നുമായിരുന്നു ക്ഷേത്രാനുകൂലികളുടെ വാദം. ഇതംഗീകരിച്ച് മസ്ജിദിൽ അഭിഭാഷക കമ്മിഷൻ്റെ പരിശോധനയ്ക്ക് അനുമതി നൽകിയ ഹൈക്കോടതി വിധി നടപ്പാക്കുന്നതിനാണ് സ്റ്റേ. ജസ്റ്റിസുമാരായ സഞ്ജീവ് ഖന്ന, ദിപാങ്കർ ദത്ത എന്നിവർ ഉൾപ്പെട്ട ബെഞ്ചിന്റേതാണ് നടപടി. ഏത് തരത്തിലുള്ള കമ്മിഷനാണ് വേണ്ടതെന്ന് ഹർജിക്കാർ വ്യക്തത വരുത്തിയില്ലെന്നും സുപ്രിംകോടതി നിരീക്ഷിച്ചു.

ന്യൂഡൽഹി: മലയാള മനോരമ വ്യാജ വാർത്തക്കെതിരെ സിപിഎം പോളിറ്റ് ബ്യൂറോ അംഗം ബൃന്ദ കാരാട്ട്. വാർത്തയുടെ തലക്കെട്ട് തീർത്തും കെട്ടിച്ചമച്ചതാണ്. അത്തരത്തിൽ ഒരു കാര്യം തൻ്റെ പുസ്തകത്തിൽ എഴുതിയിട്ടില്ലെന്നും അവർ മാപ്പു പറയണമെന്നും ബൃന്ദ കാരാട്ട് പറഞ്ഞു. ഡൽഹിയിൽ മാധ്യമങ്ങളോട് സംസാരിക്കുകയായിരുന്നു ബൃന്ദ. പാർട്ടിയിൽ പ്രകാശ് കാരാട്ടിൻ്റെ ഭാര്യയെന്ന നിലയിൽ മാറ്റിനിർത്തിയെന്നും അവഗണിക്കപ്പെട്ടുവെന്നും ബൃന്ദ കാരാട്ട് തൻ്റെ പുസ്തകത്തിൽ പരാമർശിച്ചെന്ന തരത്തിലായിരുന്നു വാർത്തകൾ പുറത്തുവന്നത്. ആൻ എഡ്യൂക്കേഷൻ ഓഫ് റീത്ത എന്ന പുസ്തകത്തിലെ വാചകങ്ങളാണ് വളച്ചൊടിക്കപ്പെട്ടത്. പാർട്ടിക്ക് അകത്തു അവഗണന നേരിട്ടുവെന്നു പറഞ്ഞിട്ടില്ലെന്നും ബൃന്ദ കാരാട്ട് വ്യക്തമാക്കി. 1975 മുതൽ 1985വരെ ഡൽഹിയിലുള്ള കാലത്ത് ട്രേഡ് യൂണിയനുകളുടെയും വനിതാ സംഘടനകളുടെ രൂപീകരണവും സംഘാടക എന്ന നിലയിലെ അനുഭവങ്ങളുമാണ് പുസ്തകത്തിലുള്ളത്. രാഷ്ട്രീയത്തിൽ സ്ത്രീകളുടെ പോരാട്ടമാണ് പുസ്തകത്തിലുള്ളതെന്നും ബൃന്ദ കാരാട്ട് പറഞ്ഞു.

തൃശൂർ: ബിജെപി നേതാവ് സുരേഷ് ഗോപിയുടെ മകളുടെ വിവാഹത്തിന് പ്രധാനമന്ത്രി നരേന്ദ്രമോദി എത്തുന്നതിനാല്‍ ഗുരുവായൂരില്‍ നടക്കാനിരുന്ന 48 വിവാഹങ്ങളുടെ സമയം മാറ്റി. ഇതോടെ മാതാപിതാക്കള്‍ ആശങ്കയിലായിരിക്കുകയാണ്. മാതാപിതാക്കള്‍ക്ക് ഉള്‍പ്പെടെ പ്രത്യേക പാസ് വേണം. പുലര്‍ച്ചെ അഞ്ചു മണിക്കകം താലിക്കെട്ട് നടത്തേണ്ടി വരും. 17ന് രാവിലെ ആറു മുതല്‍ 9 വരെ നിശ്ചയിച്ച വിവാഹങ്ങള്‍ക്കാണ് മാറ്റം. സുരേഷ് ഗോപിയുടെ മകളുടെ വിവാഹം രാവിലെ 8.45നാണ് നടക്കുക. മാറ്റിവച്ച വിവാഹങ്ങള്‍ മോദി എത്തുന്നതിനും മുമ്പും മടങ്ങിയതിന് ശേഷവും നടത്താനാണ് നിലവിലെ നിര്‍ദേശം. പ്രധാനമന്ത്രിയുടെ സുരക്ഷ മുന്‍നിര്‍ത്തി കേന്ദ്ര നിര്‍ദേശത്തോടെയാണ് ഇത്തരം മാറ്റങ്ങള്‍. മോദിയെത്തുന്ന 17-ാം തിയതി 48 വിവാഹങ്ങള്‍ക്ക് പുലര്‍ച്ചെ അഞ്ചിനും ആറിനും മധ്യേയാണ് സമയം നല്‍കിയിരിക്കുന്നത്. ആറ് മണിക്കും ഒന്‍പതിനും മധ്യേ വിവാഹങ്ങള്‍ ഉണ്ടാകില്ല. അന്നേ ദിവസം വിവാഹ സംഘങ്ങള്‍ പ്രത്യേക പാസെടുക്കണമെന്നും അധികൃതര്‍ അറിയിച്ചു. വിവാഹങ്ങള്‍ക്ക് ഏര്‍പ്പെടുത്തിയ നിയന്ത്രണങ്ങള്‍ പ്രകാരം വിവാഹ സംഘത്തില്‍ 20 പേര്‍ക്ക് മാത്രമാണ് അനുമതി. ഫോട്ടോയും തിരിച്ചറിയല്‍…

തിരുവനന്തപുരം: രാജ്യത്ത് രൂപപ്പെട്ടു വരുന്ന അമിതാധികാരത്തെക്കുറിച്ചുള്ള എം.ടി.വാസുദേവൻ നായരുടെ പ്രസംഗത്തെ വേദിയിൽ ഉൽഘാടകനായി എത്തിയ സംസ്ഥാന മുഖ്യമന്ത്രിക്ക് എതിരായിട്ടുള്ളതാണെന്ന് വ്യാഖ്യാനിക്കാനുള്ള ഒരു നികൃഷ്ട മാധ്യമശ്രമം നടന്നു കാണുന്നതായി പുരോഗമന കലാസാഹിത്യസംഘം ജനറൽ സെക്രട്ടറി അശോകൻ ചരുവിൽ. ഇന്ത്യൻ അധികാരിവർഗ്ഗം ഒരിക്കൽ ലോക്കപ്പിലിട്ട് തീർക്കാൻ ശ്രമിച്ച പൊതുപ്രവർത്തകനാണ് പിണറായി വിജയനെന്നും അദ്ദേഹത്തോടുള്ള അസഹിഷ്ണുത പടർത്താൻ മഹാനായ എം ടിയെ ഉപകരണമാക്കിയത് തികഞ്ഞ മര്യാദകേടാണെന്നും അദ്ദേഹം ഫേസ്ബുക്ക് കുറിപ്പിൽ പറഞ്ഞു. ഫേസ്ബുക്ക് കുറിപ്പിന്റെ പൂർണ രൂപം: എം.ടി. പറഞ്ഞത് വാസ്തവം. കോഴിക്കോട്ട് നടക്കുന്ന കേരള ലിറ്ററേച്ചർ ഫെസ്റ്റിവൽ ഉദ്ഘാടനവേദിയിൽ ഇന്നലെ മലയാളികളുടെ ഏറ്റവും പ്രിയപ്പെട്ട എഴുത്തുകാരൻ എം.ടി.വാസുദേവൻ നായർ പ്രസംഗിക്കുമ്പോൾ ഞാൻ സദസ്സിലുണ്ടായിരുന്നു. സമൂഹത്തെക്കുറിച്ചും രാജ്യത്ത് രൂപപ്പെട്ടുകൊണ്ടിരിക്കുന്ന അമിതാധികാരത്തെക്കുറിച്ചും അദ്ദേഹം പറഞ്ഞ കാര്യങ്ങൾ വളരെ അഭിമാനത്തോടെയാണ് ഞാൻ കേട്ടുകൊണ്ടിരുന്നത്. മനുഷ്യാനുഭവങ്ങളെ അടുത്തു കാണുന്ന ഒരെഴുത്തുകാരൻ പറയേണ്ട വാക്കുകളാണത്. എന്നാൽ രാജ്യത്ത് രൂപപ്പെട്ടു വരുന്ന അമിതാധികാരത്തെക്കുറിച്ചുള്ള അദ്ദേഹത്തിൻ്റെ നിരീക്ഷണങ്ങൾ വേദിയിൽ ഉൽഘാടകനായി എത്തിയ സംസ്ഥാന മുഖ്യമന്ത്രിക്ക്…

ദില്ലി: അയോധ്യ രാമക്ഷേത്ര പ്രതിഷ്ഠാ ചടങ്ങിൽ പങ്കെടുക്കുമെന്ന് ഹിമാചൽ പ്രദേശ് കോൺഗ്രസ് മന്ത്രി വിക്രമാദിത്യ സിംഗ്. ഹിമാചൽ പ്രദേശിലെ മുൻ മുഖ്യമന്ത്രി വീർഭദ്ര സിംഗിൻ്റെ മകനാണ് വിക്രമാദിത്യ സിംഗ്. അച്ഛൻ ഒരു രാമ ഭക്തനായിരുന്നു. പ്രതിഷ്ഠാ ചടങ്ങിൽ പങ്കെടുക്കുക എന്നത് അദ്ദേഹത്തിൻ്റെ മകനെന്ന നിലയിൽ എൻ്റെ കടമയാണ്. ഹിമാചലിൽ ക്ഷണം ലഭിച്ച ചുരുക്കം ആളുകളിൽ ഒരാളാണ് താൻ. ക്ഷണിച്ചതിന് വിശ്വഹിന്ദു പരിഷത്തിനും ആർ എസ് എസിനും നന്ദി. ജീവിതത്തിൽ ഒരിക്കൽ മാത്രം ലഭിക്കുന്ന അപൂർവ അവസരങ്ങളിൽ ഒന്നാണിത്. പിതാവ് വീർഭദ്ര സിംഗ് ക്ഷേത്ര പ്രസ്ഥാനത്തിന്റെ ഭാഗമായിരുന്നുവെന്ന് വിക്രമാദിത്യ സിംഗ് പറഞ്ഞു. ക്ഷണം കിട്ടിയില്ലെങ്കിലും അയോധ്യക്ക് പോകുമെന്ന് ഹിമാചൽ പ്രദേശ് മുഖ്യമന്ത്രി സുഖ് വിന്ദർസിംഗ് സുഖു പറഞ്ഞിരുന്നു. ഹിന്ദു ഭൂരിപക്ഷ സംസ്ഥാനമായ ഹിമാചലിൽ രാമക്ഷേത്രത്തിന് അനുകൂലമായ വലിയ വികാരമുണ്ട്. രാമക്ഷേത്രത്തിന് ഒരിക്കലും എതിരല്ലെന്ന് കർണാടക മുഖ്യമന്ത്രി സിദ്ധരാമയ്യയും പ്രതികരിച്ചിരുന്നു.

ന്യൂഡൽഹി: അയോധ്യ രാമക്ഷേത്രത്തിൽ ഈ മാസം 22 ന് നടക്കുന്ന പ്രതിഷ്ഠാ ചടങ്ങ് രാജ്യത്തെ നാല്‌ ശങ്കരാചാര്യമാരും ബഹിഷ്‌കരിക്കും. ആചാരവിധികൾ ലംഘിച്ച്‌ വിഗ്രഹപ്രതിഷ്‌ഠ നടത്തുന്നത്‌ അംഗീകരിക്കാനാകില്ലെന്ന്‌ ചൂണ്ടിക്കാട്ടിയാണ്‌ നിലപാട്‌. പുരി ഗോവർദ്ധൻപീഠ്‌, ജ്യോതിർപീഠ്‌, ശൃംഗേരി ശാരദാപീഠ്‌, ദ്വാരക ശാരദാപീഠ്‌ എന്നിവിടങ്ങളിലെ ശങ്കരാചാര്യമാരാണ്‌ ബഹിഷ്‌കരിക്കുന്നത്‌. ജ്യോതിർപീഠ്‌ ശങ്കരാചാര്യ സ്വാമി അവിമുക്തേശ്വരാനന്ദാണ്‌ ഇക്കാര്യം അറിയിച്ചത്‌. വിഗ്രഹപ്രതിഷ്‌ഠ രാഷ്‌ട്രീയ പരിപാടിയാക്കുന്നതിനെ ന്യായീകരിച്ച രാമജന്മഭൂമി ക്ഷേത്രം ട്രസ്റ്റ്‌ ജനറൽ സെക്രട്ടറി ചമ്പത്‌ റായിയും ട്രസ്റ്റ്‌ അംഗങ്ങളും ഉടൻ രാജിവയ്ക്കണമെന്നും അദ്ദേഹം ആവശ്യപ്പെട്ടു. ക്ഷേത്രം രാമാനന്ദ്‌ വിഭാഗത്തിന്റേതാണെന്ന്‌ ചമ്പത്‌ റായ്‌ അവകാശപ്പെട്ടത്‌ ചോദ്യം ചെയ്‌താണ്‌ നിലപാട്‌. ക്ഷേത്രനിർമാണം പൂർത്തീകരിക്കുംമുമ്പ്‌ തിരക്കിട്ട്‌ ഉദ്‌ഘാടനം ചെയ്യുന്നതിനും പ്രധാനമന്ത്രി നരേന്ദ്ര മോദി പ്രതിഷ്‌ഠാകർമം നിർവഹിക്കുന്നതിനും എതിരായ നിലപാട്‌ സ്വീകരിച്ച അവിമുക്തേശ്വരാനന്ദിനും പുരി ശങ്കരാചാര്യ സ്വാമി നിശ്ചലാനന്ദ സരസ്വതിക്കും നൽകിയ മറുപടിയിലാണ്‌ ചമ്പത്‌ റായ്‌ കുടുങ്ങിയത്‌. രാമക്ഷേത്രമായതിനാൽ രാമാനന്ദ്‌ പാരമ്പര്യമാണ്‌ പിന്തുടരുന്നതെന്നും സന്ന്യാസിമാർക്കും ശൈവ–- ശാക്ത വിഭാഗങ്ങൾക്കും ഇതിൽ കാര്യമില്ലെന്നുമാണ്‌ ചമ്പത്‌ റായി പ്രതികരിച്ചത്‌.…

കോഴിക്കോട് ഗവൺമെന്റ് പോളിടെക്‌നിക് കോളേജിൽ ‘ഇൻഡസ്ട്രി ഓൺ ക്യാമ്പസ്’ പദ്ധതിയിൽ നിർമ്മിച്ച മുപ്പത് ഇ-ഗാർബേജ് ഓട്ടോറിക്ഷകൾ നാളെ (ജനുവരി 11) ഫ്ലാഗ് ഓഫ് ചെയ്യുമെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു അറിയിച്ചു. കോഴിക്കോട് വെസ്റ്റ്ഹിൽ ഗവൺമെന്റ് പോളിടെക്‌നിക് കോളേജിൽ വൈകിട്ട് നാലിന് മന്ത്രി ഡോ. ആർ ബിന്ദു ഫ്ലാഗ് ഓഫ് നിർവ്വഹിക്കും. ഇന്ത്യയിലാദ്യമായാണ് ഇത്രയും വാഹനങ്ങൾ ഒരുമിച്ചു ഒരു ക്യാമ്പസ്സിൽ നിന്നും നിർമ്മിച്ചു നൽകുന്നതെന്ന് മന്ത്രി ഡോ. ബിന്ദു പറഞ്ഞു. ഉന്നതവിദ്യാഭ്യാസ വകുപ്പിന് കീഴിലുള്ള സാങ്കേതികവിദ്യാഭ്യാസ ഡയറക്ട്രേറ്റിന്റെ ആഭിമുഖ്യത്തിൽ ‘പഠനത്തോടൊപ്പം സമ്പാദ്യം’ പദ്ധതിയായാണ് കോഴിക്കോട് പോളിടെക്‌നിക് കോളേജിലെ വിദ്യാർത്ഥികൾ ഈ ഓട്ടോറിക്ഷകൾ അസംബിൾ ചെയ്തത്. ഖരമാലിന്യ ശേഖരണത്തിന് വേണ്ടി പ്രത്യേകം രൂപകല്പന ചെയ്തതാണിവ. കോയമ്പത്തൂർ ആസ്ഥാനമായി പ്രവർത്തിക്കുന്ന ഇലക്ട്രിക് ഓട്ടോറിക്ഷ നിർമ്മാണക്കമ്പനിയായ ആക്സോൺ വെഞ്ചേഴ്‌സ് പ്രൈവറ്റ് ലിമിറ്റഡിന്റെ സഹായത്തോടുകൂടി ആരംഭിച്ച ക്യാമ്പസ്‌ ഇൻഡസ്ട്രി യൂണിറ്റിന്റെ നേതൃത്വത്തിലായിരുന്നു നിർമ്മാണം. ആക്‌സിയോൺ വെഞ്ചേഴ്‌സ് 2022 ഒക്‌ടോബർ 31ന് പോളിടെക്നിക്ക് കോളേജുകളിൽ ഇൻഡസ്ട്രി ഓൺ…