Author: T21 Media

കണ്ണൂർ: ലോക്സഭാ തെരഞ്ഞെടുപ്പ് പ്രചരണത്തിൽ എൽഡിഎഫ് സജീവമായിയെന്ന് കൺവീനർ ഇ പി ജയരാജൻ. പ്രതീക്ഷയോടെയാണ് എൽഡിഎഫ് ഈ തെരഞ്ഞെടുപ്പിനെ കാണുന്നത്. ജനങ്ങൾ എൽഡിഎഫിന് ഒപ്പമാണ്, യുഡിഎഫിന് ഇതുവരെ സ്ഥാനാർത്ഥികളെ പ്രഖ്യാപിക്കാനായിട്ടില്ലെന്നും ഇ പി ജയരാജൻ പറഞ്ഞു. ചിലർ ഒരു ദിവസം മത്സരിക്കുമെന്ന് പറയുന്നു. അടുത്ത ദിവസം ഇല്ലയെന്ന് പറയുന്നു. മുസ്ലീം ലീഗ് വലിയ പ്രതിസന്ധിയിലാണ് അകപ്പെട്ടിരിക്കുന്നത്. മുസ്ലീം ലീഗിനെ കോൺഗ്രസ് പരിഹസിക്കുകയാണെന്നും മൃദു ഹിന്ദുത്വ അജണ്ടയുടെ ഭാഗമാണ് ലീഗിനോടുള്ള പരിഹാസമെന്നും ഇ പി ജയരാജൻ പറഞ്ഞു. സുധാകരന്റെ നിലപാട് മാറ്റം മുസ്ലീം ലീഗിനോടുള്ള വഞ്ചനയാണ്, കണ്ണൂരിൽ മത്സരിക്കുമെന്ന് പറഞ്ഞത് ലീഗിനെ ഒഴിവാക്കാനാണെന്നും ഇപി പറഞ്ഞു.

കൊൽക്കത്ത: സന്ദേശ്‌ഖാലി ലൈംഗിക അതിക്രമ കേസിൽ തൃണമൂൽ കോൺഗ്രസ്‌ നേതാവ്‌ ഷാജഹാൻ ഷെയ്‌ഖ്‌ അറസ്‌റ്റിൽ. 55 ദിവസം ഒളിവിൽ കഴിഞ്ഞശേഷമാണ്‌ പോലീസ് അറസ്റ്റ് ചെയ്തത്. റേഷൻ അഴിമതി കേസിൽ ഷാജഹാൻ്റെ വസതിയിൽ പരിശോധനയ്ക്ക് എത്തിയ ഇഡി സംഘത്തെ തൃണമൂൽ അണികൾ ആക്രമിച്ചതിന് പിന്നാലെയാണ് ഇദ്ദേഹം ഒളിവിൽ പോയത്. നോർത്ത് 24 പർഗാനാസിലെ മിനാഖാനിൽ നിന്നാണ് ഷാജഹാൻ ഷെയ്ഖിനെ ബംഗാൾ പോലീസ് അറസ്റ്റു ചെയ്തത്. ഇയാളെ ഇന്ന് ഉച്ചയ്ക്ക് ബാസിർഘട്ട് കോടതിയിൽ ഹാജരാക്കുമെന്ന് പോലീസ് അറിയിച്ചു. സാമ്പത്തിക തട്ടിപ്പ്‌, ഭൂമി തട്ടിയെടുക്കൽ കേസുകളിലും കുറ്റാരോപിതനാണ്‌. ഷാജഹാൻ്റെ അറസ്‌റ്റിനായി നടന്ന പ്രതിഷേധങ്ങൾ വൻ സംഘർഷങ്ങളിലേക്ക്‌ വഴിമാറിയിരുന്നു. കേന്ദ്ര ഏജൻസികളായ സിബിഐയ്‌ക്കോ ഇഡിക്കോ ഷാജഹാൻ ഷെയ്‌ഖിനെ അറസ്‌റ്റ്‌ ചെയ്യാമെന്ന്‌ ഇന്നലെ കൽക്കട്ട ഹൈക്കോടതി പറഞ്ഞിരുന്നു. ഷാജഹാനെ സംരക്ഷിക്കുന്നുവെന്ന്‌ ആരോപിച്ച്‌ മമതാ ബാനർജിക്കെതിരെയും ശക്തമായ ജനവികാരം ഉണ്ടായിരുന്നു. ഷാജഹാൻ്റെ വീട്ടിൽ പരിശോധനക്കെത്തിയ ഇഡി ഉദ്യോഗസ്ഥരെ തൃണമൂൽ അണികൾ മർദിച്ച ജനുവരി അഞ്ചുമുതൽ സന്ദേശ്ഖാലി സംഘർഷഭരിതമാണ്. റേഷൻ വിതരണ…

തിരുവനന്തപുരം: സംസ്ഥാനത്ത് ക്യാമ്പസ് വ്യവസായ പാർക്കുകൾ സ്ഥാപിക്കാൻ മന്ത്രിസഭായോഗം തീരുമാനിച്ചു. ഇതോടനുബന്ധിച്ച് ക്യാമ്പസ് ഇൻഡസ്ട്രിയൽ പാർക്ക് സ്കീം – 2024 അംഗീകരിച്ചു. സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളിൽ ഉപയോഗശൂന്യമായി കിടക്കുന്ന സ്ഥലങ്ങളിലാണ് ക്യാമ്പസ് വ്യവസായ പാർക്കുകൾ ആരംഭിക്കുക. വ്യവസായ ആവശ്യത്തിനായി സ്ഥല ലഭ്യതയുടെ ദൗർലഭ്യം പരിഹരിക്കുന്നതിന് സർക്കാർ ആവിഷ്കരിച്ച നവീന പദ്ധതിയാണ് ക്യാമ്പസ് വ്യവസായ പാർക്ക്. ഉന്നതവിദ്യാഭ്യാസ സ്ഥാപനങ്ങളോടനുബന്ധിച്ച് ഇവ ആരംഭിക്കുന്നത് വഴി വിദ്യാർത്ഥി സമൂഹത്തിൽ വ്യവസായ സംരംഭകത്വം വളർത്താനും വ്യവസായ സ്ഥാപനങ്ങളും വിദ്യാഭ്യാസ സ്ഥാപനങ്ങളും തമ്മിലുള്ള ബന്ധം ശക്തിപ്പെടുത്തുന്നതിനും കഴിയും. വിദ്യാഭ്യാസ സ്ഥാപനങ്ങളിൽ നടക്കുന്ന ഗവേഷണ പ്രവർത്തനങ്ങളിലൂടെ പുതുതായി കണ്ടെത്തുന്ന ഉൽപ്പന്നങ്ങളുടെ വ്യാവസായിക ഉത്പാദനം വേഗത്തിൽ ആരംഭിക്കുന്നതിനുള്ള സംവിധാനം കൂടി ആവിഷ്കരിക്കും. മന്ത്രിസഭായോഗ തീരുമാനങ്ങൾ ഡ്രൈവിംഗ് ലൈസൻസ് അച്ചടി തുകയിലെ കുടിശ്ശിക അനുവദിക്കും ഡ്രൈവിംഗ് ലൈസൻസ്, രജിസ്ട്രേഷൻ സർട്ടിഫിക്കറ്റ് എന്നിവ അച്ചടിച്ച് വിതരണം ചെയ്തതിലുള്ള കുടിശ്ശിക നൽകാൻ തീരുമാനിച്ചു. ഐടിഐ ലിമിറ്റഡ് ബാംഗ്ലൂരിന് നൽകാനുള്ള 8.66 കോടി രൂപയും സി-ഡിറ്റിന്…

ന്യൂഡൽഹി: ഹിമാചൽ പ്രദേശിലെ പ്രതിസന്ധി രൂക്ഷമാക്കി സുഖ്‌വീന്ദർ സിങ്‌ സുഖു മന്ത്രിസഭയിൽ നിന്ന് വിക്രമാദിത്യ സിങ്ങ് രാജി വെച്ചു. മുൻ മുഖ്യമന്ത്രി വീരഭദ്ര സിങിൻ്റെ മകനാണ് വിക്രമാദിത്യ സിങ്. മുഖ്യമന്ത്രിയെ മാറ്റണമെന്ന് വിമത എംഎൽഎമാർ ആവശ്യപ്പെട്ടതിന് പിന്നാലെയാണ് വിക്രമാദിത്യ സിങ്ങ് രാജി വെച്ചിരിക്കുന്നത്. രാജിക്ക് പിന്നാലെ മുഖ്യമന്ത്രിക്കും സർക്കാരിനും എതിരെ രൂക്ഷ വിമർശനമാണ് വിക്രമാദിത്യ സിങ് നടത്തിയത്. കഴിഞ്ഞ ഒരു വർഷം എംഎൽഎമാരുടെ സ്വരം അടിച്ചമർത്തിയെന്നും എംഎൽഎമാരെ അവഗണിച്ചുവെന്നും വിക്രമാദിത്യ സിങ് ആരോപിച്ചു. അതിൻ്റെ ഫലമാണ് നിലവിലെ പ്രതിസന്ധിയെന്നും അദ്ദേഹം കുറ്റപ്പെടുത്തി. ഇന്നലെ നടന്ന രാജ്യസഭാ തിരഞ്ഞെടുപ്പിൽ ഭരണകക്ഷിയായ കോൺഗ്രസിന്റെ സ്ഥാനാർഥിയായ മുതിർന്ന നേതാവ് അഭിഷേക് മനു സിങ് വി ബിജെപിയുടെ ഹർഷ് മഹാജനോട് പരാജയപ്പെട്ടിരുന്നു. ആറ്‌ കോൺഗ്രസ്‌ എംഎൽഎമാർ കൂറുമാറി വോട്ടുചെയ്‌തതോടെയാണ് ബിജെപി സ്ഥാനാർഥി അട്ടിമറി ജയം സ്വന്തമാക്കിയത്. ഹിമാചൽ പ്രദേശിലെ സർക്കാരിനെതിരായി വൈകാതെ അവിശ്വാസപ്രമേയം കൊണ്ടുവരുമെന്ന്‌ പ്രതിപക്ഷ നേതാവ്‌ ജയ്‌റാം ഠാക്കൂർ പ്രതികരിച്ചു. രാജ്യസഭാ തെരഞ്ഞെടുപ്പിൽ തോറ്റ സാഹചര്യത്തിൽ…

ന്യൂഡൽഹി: ഹിമാചൽ പ്രദേശിലെ രാജ്യസഭാ തെരഞ്ഞെടുപ്പിൽ ബിജെപിക്ക്‌ അട്ടിമറി ജയം. ആറ്‌ കോൺഗ്രസ്‌ എംഎൽഎമാർ കൂറുമാറി വോട്ടുചെയ്‌തതോടെയാണ് ബിജെപി സ്ഥാനാർഥി അട്ടിമറി ജയം സ്വന്തമാക്കിയത്. ഹിമാചൽ പ്രദേശിലെ സർക്കാരിനെതിരായി വൈകാതെ അവിശ്വാസപ്രമേയം കൊണ്ടുവരുമെന്ന്‌ പ്രതിപക്ഷ നേതാവ്‌ ജയ്‌റാം ഠാക്കൂർ പ്രതികരിച്ചു. രാജ്യസഭാ തെരഞ്ഞെടുപ്പിൽ തോറ്റ സാഹചര്യത്തിൽ മുഖ്യമന്ത്രി സുഖ്‌വീന്ദർ സുഖു രാജിവെയ്‌ക്കണമെന്നും ഠാക്കൂർ പറഞ്ഞു. ഹിമാചലിലെ ഒഴിവുവന്ന ഏക രാജ്യസഭാ സീറ്റിലേക്ക്‌ കോൺഗ്രസിന്റെ മനു അഭിഷേക്‌ സിങ്‌വിയും ബിജെപിയുടെ ഹർഷ്‌ മഹാജനുമാണ്‌ മൽസരിച്ചത്‌. 68 അംഗ നിയമസഭയിൽ കോൺഗ്രസ്‌ 40, ബിജെപി 25, സർക്കാരിനെ പിന്തുണയ്‌ക്കുന്ന മൂന്ന്‌ സ്വതന്ത്രർ എന്നിങ്ങനെയാണ്‌ കക്ഷിനില. ആറ്‌ കോൺഗ്രസ്‌ എംഎൽഎമാരും സുഖു സർക്കാരിനെ പിന്തുണച്ചിരുന്ന മൂന്ന്‌ സ്വതന്ത്ര എംഎൽഎമാരും ബിജെപി സ്ഥാനാർത്ഥിക്ക്‌ വോട്ടുചെയ്‌തതോടെ സിങ്‌വിയ്‌ക്കും മഹാജനും 34 വോട്ട്‌ വീതമെന്ന നിലയിലായി. നറുക്കെടുപ്പിൽ മഹാജൻ ജയിച്ചു. ബിജെപി സ്ഥാനാർത്ഥിയായി ജയിച്ച മഹാജൻ കോൺഗ്രസ്‌ മുൻ വർക്കിങ്‌ പ്രസിഡന്റും മുൻമന്ത്രിയുമാണ്‌. കഴിഞ്ഞ സെപ്‌തംബറിലാണ്‌ കോൺഗ്രസ്‌ വിട്ട്‌ ബിജെപിയിൽ…

ഹൈദരാബാദ്: ഹൈദരബാദിലെ പഞ്ചനക്ഷത്ര ഹോട്ടലിൽ കൊക്കെയ്ൻ പാർട്ടി നടത്തിയ ബിജെപി നേതാവിൻ്റെ മകനടക്കം പത്തു പേർ അറസ്റ്റിൽ. ആന്ധ്രാ പ്രദേശ് മുൻ മുഖ്യന്ത്രിയുടെ കൊച്ചുമകനും പ്രമുഖ ബിജെപി നേതാവ് ജി യോ​ഗാനന്ദിൻ്റെ മകനുമായ ഗജ്ജല വിവേകാനന്ദിനെ(37) യാണ് പോലീസ് അറസ്റ്റ് ചെയ്തത്. ശനിയാഴ്ച രാത്രി ഗച്ചിബൗളിയിലെ പഞ്ചനക്ഷത്ര ഹോട്ടലിൽ നടന്ന പാർട്ടിക്കിടെയാണ് സംഘം കൊക്കെയ്ൻ ഉപയോഗിച്ചത്. കൺസ്ട്രക്ഷൻ കമ്പനിയായ മഞ്ജീര ഗ്രൂപ്പിൻ്റെ ഡയറക്ടറാണ് വിവേകാനന്ദ്. പോലീസിന് രഹസ്യവിവരം ലഭിച്ചതിനെത്തുടർന്ന് അന്വേഷണം നടത്തുമ്പോഴാണ് സംഘം പിടിയിലായത്. മാരക ലഹരിമരുന്നുകൾ ഇവരിൽ നിന്നും പിടിച്ചെടുത്തു. താനാണ് പഞ്ചനക്ഷത്ര ഹോട്ടലിൽവെച്ച് ഈ പാർട്ടി നടത്തിയതെന്ന് ചോദ്യംചെയ്യലിൽ വിവേകാനന്ദ് പോലീസിനോട് സമ്മതിച്ചിട്ടുണ്ട്.

ഗുവാഹത്തി: അസമിലെ ക്രിസ്ത്യൻ മിഷനറി സ്‌കൂളുകൾക്ക് നേരെ തീവ്രഹിന്ദു സംഘടനയുടെ ആക്രമണം. സ്‌കൂളുകളിൽ യേശുവിന്റെയും മറിയത്തിന്റെയും പ്രതിമകൾ സ്ഥാപിച്ചുവെന്നും, വിദ്യാഭ്യാസ സ്ഥാപനങ്ങളിൽ നിന്ന് എല്ലാ മതചിഹ്നങ്ങളും മതപരമായ വേഷവിധാനങ്ങളും പൂർണ്ണമായും ഒഴിവാക്കണമെന്നും ആവശ്യപ്പെട്ടാണ് ആക്രമണം. തീവ്രഹിന്ദു സംഘടനയായ സാൻമിലിറ്റോ സനാതൻ സമാജാണ് ഇത്തരം ആവശ്യങ്ങൾ ആഹ്വാനം ചെയ്യുകയും ആക്രമണം അഴിച്ചുവിടുകയും ചെയ്തത്. അസമിലെ ഗുവാഹത്തിയിലും സംസ്ഥാനത്തിന്റെ മറ്റു ഭാഗങ്ങളിലുമായി മിഷനറി സ്‌കൂളുകളിലും ചാപ്പലുകളിലുമായാണ് മത നിരോധനത്തിനുള്ള ആഹ്വാനം. ഗുവാഹത്തിയിലെ ക്രിസ്ത്യൻ മിഷനറി സ്‌കൂളുകളായ ഡോൺ ബോസ്‌കോ, സെൻ്റ് മേരീസ് എന്നിവിടങ്ങളിൽ ക്രിസ്ത്യൻ വിരുദ്ധ പോസ്റ്ററുകൾ ഇപ്പോൾ തന്നെ പതിപ്പിച്ചു. നെഹ്‌റു പാർക്കിലും ദിഗാലിപുഖുരിയിലും പോസ്റ്ററുകൾ പതിച്ചിട്ടുണ്ട്. “സ്‌കൂളുകളെ മതം പ്രചരിപ്പിക്കാനുള്ള സ്ഥാപനമായി ഉപയോഗിക്കുന്നത് നിർത്താനുള്ള അവസാന മുന്നറിയിപ്പ്, സ്‌കൂൾ പരിസരത്ത് നിന്ന് യേശുക്രിസ്തുവിനെയും മറിയത്തെയും കുരിശിനെയും നീക്കം ചെയ്യുക, ഭരണഘടനാ വിരുദ്ധമായ ഇത്തരം പ്രവർത്തനങ്ങൾ അവസാനിപ്പിക്കണം” എന്നിങ്ങനെയൊക്കെയാണ് അസമീസ് ഭാഷയിലുള്ള പോസ്റ്ററുകൾ.

റാഞ്ചി: ലോക്സഭാ തെരഞ്ഞെടുപ്പ് അടുത്തിരിക്കെ കോൺഗ്രസിൽ നിന്ന് ബിജെപിയിലേക്കുള്ള ഒഴുക്ക് തുടരുന്നു. ജാർഖണ്ഡിലെ കോൺ​ഗ്രസ് എംപി ​ഗീ​ത കോഡയാണ് ഒടുവിൽ കോൺഗ്രസ് വിട്ട് ബിജെപിയിൽ ചേർന്നത്. ജാർഖണ്ഡിലെ ഏക കോൺഗ്രസ് എംപിയായിരുന്നു ഗീത കോഡ. ബിജെപി സംസ്ഥാന അധ്യക്ഷൻ ബാബുലാൽ മറാണ്ടിയുടെ സാന്നിധ്യത്തിലാണ് പാർട്ടി പ്രവേശനം. സിങ്ഭൂം മണ്ഡലത്തിൽ നിന്നുളള എംപി ഗീത കോഡ, മുൻ മുഖ്യമന്ത്രി മധു കോഡയുടെ ഭാര്യയാണ്. 2019ലെ ലോക്‌സഭാ തെരഞ്ഞെടുപ്പിൽ സംസ്ഥാനത്ത പതിനാല് സീറ്റുകളിൽ പന്ത്രണ്ട് എണ്ണവും എൻഡിഎ സഖ്യം നേടിയിരുന്നു. കഴിഞ്ഞ തെരഞ്ഞെടുപ്പിൽ ബിജെപി സ്ഥാനാർഥിയെ 72,000 വോട്ടുകൾക്കാണ് ഗീത പരാജയപ്പെടുത്തയത്. നേരത്തെ രണ്ടുതവണ എംഎൽഎയായ ഗീത 2018ലാണ് കോൺഗ്രസിൽ ചേർന്നത്.

അഗർത്തല: പശ്ചിമ ബംഗാളിലെ സിലിഗുരിയിലെ മൃഗശാലയിലെ സിംഹങ്ങൾക്ക് അക്ബറും സീതയുമെന്ന് പേര് നൽകിയ ഉദ്യോഗസ്ഥാനെ സസ്‌പെൻഡ് ചെയ്ത് ത്രിപുര സർക്കാർ. ത്രിപുര വനം, വന്യജീവി, ഇക്കോടൂറിസം പ്രിൻസിപ്പൽ ചീഫ് കൺസർവേറ്റർ പ്രബിൻ ലാൽ അഗർവാളിനെയാണ് സസ്‌പെൻഡ് ചെയ്തത്. മതവികാരം വ്രണപ്പെടുത്തുന്നുവെന്ന് കാണിച്ച് വിഎച്ച്പി കൽക്കട്ട ഹൈക്കോടതിയെ സമീപിച്ചിരുന്നു. ഇതിന് പിന്നാലെയാണ് ത്രിപുര സർക്കാർ ഇതുമായിബന്ധപ്പെട്ട ഐഎഫ്എസ് ഉദ്യോഗസ്ഥനെതിരെ നടപടിയെടുത്തിരിക്കുന്നത്. 1994 ബാച്ച് ഐഎഫ്എസ് ഉദ്യോഗസ്ഥനായ അഗർവാൾ ത്രിപുരയുടെ ചീഫ് വൈൽഡ് ലൈഫ് വാർഡനായി സേവനമനുഷ്ഠിക്കുകയായിരുന്നു. സിംഹങ്ങൾക്ക് അക്ബർ, സീത എന്ന് പേരിട്ടത് ശരിയായില്ലെന്ന് കൽക്കട്ട ഹൈക്കോടതി പറഞ്ഞിരുന്നു. വിവാദങ്ങൾ ഒഴിവാക്കേണ്ടതായിരുന്നെന്നും സിംഹങ്ങൾക്ക് മറ്റെന്തെങ്കിലും പേര് നൽകണമെന്നും കോടതി നിരീക്ഷിക്കുകയും ചെയ്തിരുന്നു. മൃഗങ്ങൾക്ക് ദൈവത്തിന്റെ പേരാണോ ഇടുന്നതെന്നും സിംഹങ്ങൾക്ക് ദേശീയ നായകന്മാരുടെ പേര് നൽകുമോയെന്നും കോടതി ചോദിച്ചു.

തിരുവനന്തപുരം: സംസ്ഥാന സിവിൽ സപ്ലൈസ്‌ കോർപറേഷന്‌ 203.9 കോടി രൂപ അനുവദിച്ചതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. നെല്ല്‌ സംഭരണത്തിന് സംസ്ഥാന സബ്‌സിഡിയായി 195.36 കോടി രൂപയും, കൈകാര്യ ചെലവുകൾക്കായി 8.54 കോടി രൂപയുമാണ്‌ അനുവദിച്ചത്‌. നെല്ല്‌ സംഭരണത്തിനുള്ള കേന്ദ്ര സർക്കാരിന്റെ താങ്ങുവില സഹായ കുടിശിക അനുവദിക്കാത്ത സാഹചര്യത്തിലാണ് സംസ്ഥാനം അടിയന്തിരമായി തുക ലഭ്യമാക്കിയത്‌. നേരത്തെ രണ്ടു തവണയായി 380 കോടി രൂപയും നൽകിയിരുന്നു. കേന്ദ്രത്തിന്റെ താങ്ങുവില സഹായത്തിൽ മൂന്നുവർഷത്തെ 763 കോടി രൂപ കുടിശികയുണ്ട്‌. ഈവർഷത്തെ 388.81 കോടി രുപയും, കഴിഞ്ഞവർഷത്തെ 351.23 കോടി രൂപയും ലഭിക്കാനുണ്ട്‌. 2021–-22ലെ 23.11 കോടി രൂപയും കുടിശികയാണ്‌. കേന്ദ്ര സർക്കാർ വിഹിതത്തിന്‌ കാത്തുനിൽക്കാതെ, നെല്ല്‌ സംഭരിക്കുമ്പോൾതന്നെ കർഷകർക്ക് വില നൽകുന്നതാണ്‌ കേരളത്തിലെ രീതി. സംസ്ഥാന സബ്‌സിഡിയും ഉറപ്പാക്കി നെല്ലിന്‌ ഏറ്റവും ഉയർന്ന തുക ലഭ്യമാക്കുന്നതും കേരളത്തിലാണ്‌. മറ്റ്‌ സംസ്ഥാനങ്ങളിൽ കേന്ദ്ര സർക്കാർ താങ്ങുവില നൽകുമ്പോൾ മാത്രമാണ്‌ കർഷകന്‌ നെൽവില ലഭിക്കുന്നത്‌.…