Author: T21 Media

കണ്ണൂർ: പാനൂരിൽ ആർഎസ്എസ് നേതാവിന്റെ വീട്ടിൽ നിന്ന്‌ സ്ഫോടക വസ്തുക്കൾ പോലീസ് പിടികൂടി. ആർഎസ്എസ് പ്രാദേശിക നേതാവ് വടക്കേയിൽ പ്രമോദ്, ബന്ധു വടക്കേയിൽ ശാന്ത എന്നിവരുടെ വീടുകളിൽ നിന്നാണ് 770 കിലോ സ്ഫോടക വസ്തുക്കൾ പോലീസ് പിടികൂടിയത്. ലോക്സഭാ തെരഞ്ഞെടുപ്പ് അടുത്തിരിക്കെ കണ്ണൂരിൽ ബോധപൂർവം അക്രമം നടത്താനുള്ള ആർഎസ്എസ് നീക്കമാണ് ഇതോടെ വ്യക്തമായത്. രഹസ്യവിവരത്തിന്റെ അടിസ്ഥാനത്തിലായിരുന്നു പോലീസ് പരിശോധന നടത്തിയത്. ലൈസൻസ് ഇല്ലാതെ അനധികൃതമായാണ് ഇത് സൂക്ഷിച്ചിരുന്നത്. സംഭവത്തിൽ കൊളവല്ലൂർ പോലീസ് രണ്ട് കേസുകൾ രജിസ്റ്റർ ചെയ്‌തു.

ഡൽഹി: എൻഡിഎയിൽ ചേർന്ന് മാസങ്ങൾക്ക് ശേഷം എൻ.സി.പി നേതാവ് പ്രഫുൽ പട്ടേലിനെതിരായ അഴിമതിക്കേസ് അവസാനിപ്പിച്ച് സി.ബി.ഐ. വേണ്ടത്ര തയ്യാറെടുപ്പുകൾ കൂടാതെ 15 ആഡംബര വിമാനം എയർഇന്ത്യ പാട്ടത്തിന്‌ എടുത്തതിനാൽ 2007–- 2009 കാലത്ത്‌ 840 കോടി രൂപയുടെ നഷ്ടം സംഭവിച്ചെന്നായിരുന്നു കേസ്‌. സുപ്രീംകോടതി ഉത്തരവിനെത്തുടർന്ന്‌ 2017ലാണ്‌ കേസ്‌ രജിസ്റ്റർ ചെയ്‌തത്‌. മന്ത്രിയായിരുന്ന പ്രഫുൽ പട്ടേലിനു പുറമെ വ്യോമയാന മന്ത്രാലയത്തിലെയും എയർഇന്ത്യയിലെയും ഉദ്യോഗസ്ഥരായിരുന്നു പ്രതികൾ. എട്ടു മാസത്തിനു മുൻപാണ് പട്ടേൽ എൻഡിഎ സഖ്യത്തിലുള്ള എൻസിപി അജിത് പവാർ വിഭാഗത്തിൽ ചേർന്നത്. എയർ ഇന്ത്യ വിമാനങ്ങൾ പാട്ടത്തിനെടുത്തതിലെ ക്രമക്കേടുകൾ അന്വേഷിക്കാൻ 2017 മെയിൽ സുപ്രിംകോടതിയുടെ ഉത്തരവനുസരിച്ച് സിബിഐ സിവിൽ ഏവിയേഷൻ മന്ത്രാലയത്തിലെയും എയർ ഇന്ത്യയുടെയും ഉദ്യോഗസ്ഥർക്കെതിരെ കേസ് രജിസ്റ്റർ ചെയ്യുകയായിരുന്നു. ഏഴ് വർഷത്തോളം കേസ് അന്വേഷിച്ച സിബിഐ പ്രഫുൽ പട്ടേലിനും സിവിൽ ഏവിയേഷൻ മന്ത്രാലയത്തിനും ക്ലീൻ ചിറ്റ് നൽകിക്കൊണ്ടാണ് ഇപ്പോൾ കേസ് അന്വേഷണം അവസാനിപ്പിച്ചിരിക്കുന്നത്. വലിയ തോതിലുള്ള വിമാനം ഏറ്റെടുക്കലും വിദേശ വിമാനങ്ങൾ അടക്കം…

വയനാട്: വയനാട്ടിൽ വോട്ടർമാരെ തെറ്റിദ്ധരിപ്പിച്ച്‌ യുഡിഎഫ് സ്ഥാനാർഥി രാഹുൽ ഗാന്ധി. ‘ഇന്ത്യ’ കൂട്ടായ്‌മയുടെ സ്ഥാനാർത്ഥിയാണ് എന്ന പേരിൽ ലഘുലേഖ ഇറക്കിയാണ് രാഹുൽ വോട്ടർമാരെ തെറ്റിദ്ധരിപ്പിക്കുന്നത്. ‘ഇന്ത്യ’ കൂട്ടായ്‌മയുടെ പിന്തുണയുള്ള ഐക്യജനാധിപത്യ മുന്നണി സ്ഥാനാർഥിയെന്നാണ്‌ രാഹുലിന്റെ ഒപ്പോടുകൂടി വയനാട്‌ മണ്ഡലത്തിൽ വിതരണംചെയ്യുന്ന ലഘുലേഖയിലെ അവകാശവാദം. അഞ്ചുവർഷം എംപി ആയിരുന്നിട്ടും മണ്ഡലത്തിനുവേണ്ടി ഒന്നും ചെയ്യാതിരുന്ന രാഹുൽ പരാജയഭീതിയിലാണ്‌ തെറ്റിദ്ധരിപ്പിക്കുന്ന ലഘുലേഖയുമായി രംഗത്തിറങ്ങിയതെന്ന്‌ എൽഡിഎഫ്‌ വയനാട്‌ ജില്ലാ കമ്മിറ്റി ആരോപിച്ചു. രാഹുലിന്‌ രാജ്യത്തോട്‌ ആത്മാർഥത ഉണ്ടായിരുന്നെങ്കിൽ ബിജെപിക്കെതിരെ മത്സരിക്കേണ്ടിയിരുന്നു. രാഹുൽ യുഡിഎഫിന്റെ മാത്രം സ്ഥാനാർഥിയാണ്‌, ഇന്ത്യ കൂട്ടായ്‌മയുടേതല്ലെന്നും എൽഡിഎഫ്‌ നേതാക്കൾ പറഞ്ഞു. തെരഞ്ഞെടുപ്പ്‌ വിജ്ഞാപനത്തിനുശേഷം രാഹുൽ ഇതുവരെ മണ്ഡലത്തിൽ എത്തിയിട്ടില്ല. വയനാട്ടിലെ പ്രശ്‌നങ്ങൾക്ക്‌ പരിഹാരം കാണാൻ കഴിഞ്ഞില്ലെന്ന ഏറ്റുപറച്ചിലും ലഘുലേഖയിലുണ്ട്‌. ദേശീയതലത്തിൽ ഇടതുപക്ഷത്തിന്റെ പോരാട്ടമുഖമായ എൽഡിഎഫ്‌ സ്ഥാനാർഥി ആനി രാജ ഒരുമാസത്തോളമായി പ്രചാരണത്തിൽ സജീവമാണ്‌.

കണ്ണൂർ: പയ്യാമ്പലതെ സിപിഎം നേതാക്കളുടെ സ്മൃതികുടീരങ്ങൾ അതിക്രമം. ഇ കെ നായനാർ, ചടയൻ ഗോവിന്ദൻ , കോടിയേരി ബാലകൃഷ്ണൻ, ഒ ഭരതൻ എന്നിവരുടെ സ്മൃതികുടീരങ്ങളാണ് വികൃതമാക്കിയത്. അജ്ഞാതർ കരി ഓയിൽപോലുള്ള രാസലായനി ഒഴിച്ചാണ് നാശമാക്കിയിട്ടുള്ളത്. വ്യാഴം രാവിലെയാണ്‌ നാട്ടുകാരുടെ ശ്രദ്ധയിൽപ്പെട്ടത്‌. സിപിഎം കേന്ദ്രകമ്മിറ്റിയംഗം പി കെ ശ്രീമതി, ജില്ലാ ആക്ടിങ്ങ്‌ സെക്രട്ടറി ടി വി രാജേഷ്‌, കെ പി സഹദേവൻ, വി ശിവദാസൻ എംപി, എൻ ചന്ദ്രൻ, എം പ്രകാശൻ, കെ പി സുധാകരൻ തുടങ്ങിയവർ സ്ഥലം സന്ദർശിച്ചു. ആസൂത്രിത ആക്രമണമാണെന്ന് പി കെ ശ്രീമതി പ്രതികരിച്ചു. സംഭവത്തിൽ ടൗൺ പോലീസിൽ പരാതി നൽകി.

ഇംഫാൽ: ഈസ്റ്റർ ദിനത്തിൽ മണിപ്പൂരിലെ സർക്കാർ സ്ഥാപനങ്ങൾ അവധി നിഷേധിച്ച് ബിജെപി സർക്കാർ. ഈസ്റ്റർ ദിനം പ്രവർത്തി ദിനമായിരിക്കുമെന്ന് സർക്കാർ പുറത്തുവിട്ട ഉത്തരവിൽ വ്യക്തമാക്കി. സർക്കാർ ഓഫീസുകൾ, പൊതുമേഖലാ സ്ഥാപനങ്ങൾ, സ്വയംഭരണ സ്ഥാപനങ്ങൾ, സർക്കാരിന് കീഴിലുള്ള സൊസൈറ്റികൾ തുടങ്ങിയവയ്ക്ക് ഉത്തരവ് ബാധകമായിരിക്കുമെന്നും വ്യക്തമാക്കിയിട്ടുണ്ട്. അവധി നിഷേധിച്ചതിൽ പ്രതിഷേധവുമായി വിവിധ സംഘടനകളും രംഗത്തെത്തി. ഉത്തരവ് ഉടൻ പിൻവലിക്കണമെന്ന് യുണൈറ്റഡ് ക്രിസ്ത്യൻ ഫോറം ആവശ്യപ്പെട്ടു.

പാലക്കാട്: പാലക്കാട് കോൺഗ്രസ് ഡിസിസി ജനറൽ സെക്രട്ടറി ഷൊർണൂർ വിജയൻ സിപിഎമ്മിൽ ചേർന്നു. കോൺഗ്രസ് വഴിതെറ്റി സഞ്ചരിക്കുകയാണെന്ന് നഗരസഭാംഗം കൂടിയായ ഷൊർണൂർ വിജയൻ പറഞ്ഞു. കോൺഗ്രസ് വർഗീയതയ്ക്ക് കൂട്ടുനിൽക്കുകയാണെന്നും പാലക്കാട്ടെ കോൺഗ്രസ് നേതൃത്വത്തിന് ആത്മാർത്ഥതയില്ലെന്നും ഷൊർണൂർ വിജയൻ പറഞ്ഞു.

ഇടുക്കി: സിപിഎം നേതാവ് എം എം മണിയെ അധിക്ഷേപിച്ച് കോൺഗ്രസ് നേതാവ് ഒ ആർ ശശി. കോൺഗ്രസ് ദേവികുളം മണ്ഡലം കൺവീനറാണ് ഒ ആർ ശശി. ഡീൻ കുര്യാക്കോസിന് സൗന്ദര്യം ഉണ്ടായത് മാതാപിതാക്കൾക്ക് സൗന്ദര്യം ഉള്ളതുകൊണ്ടാണ്. ഡീൻ കുര്യാക്കോസിനെ പ്രസവിച്ചത് സൂപ്പർ സ്‌പെഷ്യാലിറ്റി ആശുപത്രിയിലാണ്. എന്നാൽ എം എം മണിയെ പ്രസവിച്ചത് ഏതോ പാറമടയിലാണെന്നും ഒ ആർ ശശി പറഞ്ഞു. എംഎം മണിയെ കാണാൻ ചുട്ട കശുവണ്ടി പോലെയാണ് ഇരിക്കുന്നതെന്നും ഒ ആർ ശശി അധിക്ഷേപിച്ചു. ഇന്നലെ മൂന്നാറിൽ നടന്ന യുഡിഎഫ് കൺവെൻഷനിൽ ആയിരുന്നു ഒ ആർ ശശിയുടെ വിവാദ പരാമർശം. അദ്ദേഹത്തിന്റെ പിതാവിനെതിരെയും നിറത്തിന്റെയും ജാതിയുടെയും പേരിലുള്ള അധിക്ഷേപങ്ങളാണ് ശശി നടത്തിയത്.

തിരുവനന്തപുരം: ആറ്റിങ്ങലിൽ തെരഞ്ഞെടുപ്പ് പ്രചരണത്തിന് വിഗ്രഹത്തിന്റെ ചിത്രമുപയോഗിച്ച് ബിജെപി. ബിജെപി സ്ഥാനർത്ഥി വി മുരളീധരന്റെ തെരഞ്ഞെടുപ്പ് പ്രചരണ ബോർഡിലാണ് വിഗ്രഹത്തിന്റെ ചിത്രമുപയോഗിച്ച് ഗുരുതര ചട്ടലംഘനം നടത്തിയത്. ആറ്റിങ്ങൽ മണ്ഡലത്തിൽ വി മുരളീധരന് വേണ്ടി എൻഡിഎ സ്ഥാപിച്ച ഫ്ളക്സിലാണ് വിഗ്രഹത്തിന്റെ ചിത്രമുള്ളത്. ശ്രീ ജനാർദ്ദന സ്വാമിക്ക് പ്രണാമം എന്നെഴുതിയ ഫ്ളെക്സിൽ വിഗ്രഹചിത്രവും അതോടൊപ്പം മോദിയുടേയും വി മുരളീധരന്റെയും ചിത്രങ്ങളുമാണുള്ളത്. ഭാരതത്തിന്റെ വല്യേട്ടന്‌ ഒരു വോട്ട് , വി മുരളീധരനെ വിജയിപ്പിക്കുക എന്നും ബോർഡിലുണ്ട്.

കണ്ണൂർ: പി കെ ഇന്ദിരയ്‌ക്ക്‌ എതിരായി വ്യാജ വാർത്ത പ്രസിദ്ധീകരിച്ചതിന്‌ മലയാള മനോരമക്ക് കനത്ത തിരിച്ചടി. പി കെ ഇന്ദിരയ്‌ക്ക്‌ പത്ത്‌ ലക്ഷം രൂപ നഷ്‌ടപരിഹാരം നൽകാൻ കണ്ണൂർ സബ്‌കോടതി ഉത്തരവിട്ടു. നഷ്‌ടപരിഹാരത്തുക ആറ്‌ ശതമാനം പലിശയും കോടതിച്ചെലവും സഹിതം നൽകണമെണും കണ്ണൂർ സബ്‌കോടതി പുറപ്പെടുവിച്ച ഉത്തരവിൽ ആവശ്യപ്പെട്ടു. ഇ പി ജയരാജൻ വ്യവസായ മന്ത്രിയായിരിക്കെ ‘മന്ത്രി ജയരാജന്റെ ഭാര്യ ക്വാറന്റൈൻ ലംഘിച്ച്‌ എത്തി ലോക്കർ തുറന്നു’ എന്ന തലക്കെട്ടിൽ 2020 സപ്‌തംബർ 14 ന്‌ മനോരമ പ്രസിദ്ധീകരിച്ച വാർത്തയാണ്‌ കേസിന്‌ ആധാരം. ‘ലൈഫ്‌ മിഷൻ കമ്മീഷൻ കിട്ടിയത്‌ മന്ത്രി പുത്രനും’ എന്ന തലക്കെട്ടിൽ സപ്‌തംബർ 13ന്‌ മനോരമ മറ്റൊരു വാർത്ത നൽകിയിരുന്നു. ഈ വാർത്ത വന്നതിനെ തുടർന്ന്‌ മന്ത്രിയുടെ ഭാര്യ ഇന്ദിര കേരള ബാങ്ക്‌ കണ്ണൂർ ബ്രാഞ്ചിലെത്തി ലോക്കർ ഇടപാട്‌ നടത്തിയത്‌ ഇ ഡി അന്വേഷിക്കുന്നു എന്നായിരുന്നു 14ന്‌ നൽകിയ വാർത്ത. ലോക്കറിൽ നിന്നും പേരക്കുട്ടിയുടെ സ്വർണം ജന്മദിനാവശ്യത്തിന്‌ എടുക്കാനായിരുന്നു…

ദില്ലി: കോൺഗ്രസ് ഭരിക്കുന്ന ഹിമാചലൽ പ്രദേശിൽ കൂറുമാറ്റത്തെ തുടർന്ന് സ്പീക്കർ അയോഗ്യരാക്കിയ 6 കോൺഗ്രസ്‌ എംഎൽഎമാരും മൂന്ന് സ്വതന്ത്ര എംഎൽഎമാരും ബിജെപിയിൽ ചേർന്നു. രാജ്യസഭാ തെരഞ്ഞെടുപ്പിൽ ബിജെപിക്ക് അനുകൂലമായി വോട്ട് ചെയ്ത ഒൻപത് എംഎൽഎമാരാണ് കേന്ദ്ര മന്ത്രി അനുരാഗ് താക്കുറിന്റെ സാന്നിധ്യത്തിൽ ബിജെപി അംഗത്വം സ്വീകരിച്ചത്. ഇന്ദർ ദത്ത് ലഖൻപാൽ, ദേവീന്ദർ കുമാർ ഭൂട്ടോ, രജീന്ദർ റാണ, രവി ഠാക്കൂർ, ചൈതന്യ ശർമ്മ, സുധീർ ശർമ്മ എന്നീ കോൺഗ്രസ് എംഎൽഎമാരും, കിഷൻ ലാൽ ഠാക്കൂർ, കുഷാർ സിങ്, ആശിഷ് ശർമ്മ എന്നീ സ്വതന്ത്ര എംഎൽഎമാരുമാണ് ബിജെപിയിൽ ചേർന്നത്.