Author: T21 Media

ദില്ലി: പാചക വാതകത്തിന് 200 രൂപ സബ്‌സിഡി നൽകുമെന്ന പ്രധാനമന്ത്രി നരേന്ദ്ര മോദിയുടെ പ്രഖ്യാപനം ലോകസഭാ തെരഞ്ഞെടുപ്പ്‌ മുന്നിൽ കണ്ടുള്ള നാടകം. ബിജെപി കേന്ദ്രത്തിൽ അധികാരമേറ്റശേഷം ഗാർഹിക പാചക വാതക സിലിണ്ടറിന് 800 രൂപയാണ് വർധിപ്പിച്ചത്. കോവിഡിൻ്റെ മറവിൽ സബ്സിഡി നിഷേധിച്ചു. കോവിഡിനു ശേഷവും ജനങ്ങളുടെ മുറവിളി ചെവിക്കൊണ്ടില്ല. മാത്രമല്ല, അടിക്കടി വില കയറ്റി ജനങ്ങളെ കൊള്ളയടിച്ചു. രക്ഷാബന്ധൻ ദിനത്തിലാണ് മോദി 200 രൂപ സബ്സിഡി പ്രഖ്യാപിച്ചത്. അഞ്ച്‌ സംസ്ഥാനങ്ങളിൽ നിയമസഭാ തെരഞ്ഞെടുപ്പും നടക്കാൻ പോവുകയാണ്. അന്താരാഷ്ട്ര വിപണിയിൽ ക്രൂഡോയിൽ വില കഴിഞ്ഞ ഏഴുമാസമായി ശരാശരി 80 ഡോളറിൽ തുടരുമ്പോഴും അനങ്ങാത്ത സർക്കാരാണ്‌ തെരഞ്ഞെടുപ്പ് അടുത്തെത്തിയപ്പോൾ ഇളവ്‌ പ്രഖ്യാപിച്ചത്‌. പാചകവാതകത്തിന്‌ നൽകിയിരുന്ന സബ്‌സിഡി 2021 ജൂണിലാണ്‌ മോദി സർക്കാർ പിൻവലിച്ചത്‌. കോവിഡ്‌ കാലത്തെ അടച്ചിടലിനെ തുടർന്ന്‌   ഇടിഞ്ഞ ക്രൂഡോയിൽ വില പടിപടിയായി ഉയർന്ന ഘട്ടത്തിലായിരുന്നു ഇത്. 2022 സെപ്‌തംബറിൽ വീണ്ടും ഇടിഞ്ഞ്‌ 90 ഡോളറിന്‌ താഴെയെത്തി. കഴിഞ്ഞ മാർച്ചിൽ 68 ഡോളറായി.…

106 കോടിയുടെ റെക്കോഡ് വിൽപ്പനയുമായി കൺസ്യൂമർ ഫെഡ്. സഹകരണ സംഘങ്ങൾ നടത്തിയ 1500 ഓണച്ചന്തകളിലൂടെയും 175 ത്രിവേണി സൂപ്പർമാർക്കറ്റുകളിലൂടെയുമാണ് ഈ നേട്ടം. സംസ്ഥാനതല ചന്തകൾക്കുപുറമെ ജില്ലാതലത്തിലും ഗ്രാമീണ തലത്തിലും ചന്തകൾ നടത്തിയാണ്‌ പത്തുദിവസം വിപണിയിൽ ഇടപെട്ടത്‌. 10 മുതൽ 40 ശതമാനംവരെ വിലക്കുറവിൽ നിത്യോപയോഗ സാധനങ്ങൾ ലഭ്യമാക്കി. അരി ഉൾപ്പെടെ 13 ഇനങ്ങൾ സബ്‌സിഡി നിരക്കിൽ വിതരണംചെയ്‌തു. വിപണിയിൽ 1100 വിലവരുന്ന 13 ഇനങ്ങൾ 462 രൂപയ്‌ക്കാണ്‌ വിറ്റത്‌. കിലോയ്ക്ക് 45–-55 വരെ വിലയുള്ള അരി 25 രൂപയ്ക്കാണ് നൽകിയത്‌. 20 ലക്ഷം കുടുംബങ്ങളിലേക്കായി 6000 ടൺ അരിയാണ് ഓണച്ചന്തകളിലൂടെ എത്തിച്ചത്‌. പഞ്ചസാര (1200 ടൺ), ചെറുപയർ (500 ടൺ), ഉഴുന്ന് (525 ടൺ), കടല (470 ടൺ), വൻപയർ (430 ടൺ), തുവര (425 ടൺ), മുളക് (450 ടൺ), മല്ലി (380 ടൺ) വെളിച്ചെണ്ണ (12 ലക്ഷം പാക്കറ്റ്‌) എന്നിങ്ങനെയാണ്‌ ഓണക്കാല വിൽപ്പന. 106 കോടിയിൽ 50 കോടി…

തിരുവനന്തപുരം: ധീരജ് കൊലക്കേസ് പ്രതിയായ നിഖൽ പൈലിയെ ന്യായീകരിച്ച് മുതിർന്ന കോൺഗ്രസ് നേതാവ് തിരുവഞ്ചൂർ രാധാകൃഷ്ണൻ. നിഖൽ പൈലി കുറ്റക്കാരനല്ലെന്നും കോടതി വിധി വരുന്നത് വരെ കുറ്റക്കാരനെന്ന് പറയാനാകില്ലെന്നും അദ്ദേഹം പറഞ്ഞു. ഓരോ തെരഞ്ഞെടുപ്പിൽ ഓരോരുത്തരും വരും പോകും. ആയിരക്കണക്കിന് ആളുകൾ വരാറുണ്ട്. കോടതി വിധിക്കുന്നതിന് മുന്നെ നമുക്ക് വിധി പ്രഖ്യാപിക്കാനാകുമോ. കേസ് കോടതിയിൽ കിടക്കുകയാണ്. എല്ലാം പോലീസും കോടതിയും നോക്കേണ്ടതാണെന്നും തിരുവഞ്ചൂർ പറഞ്ഞു. അതേസമയം കൊലപാതക സംഘത്തെ ഉപയോഗിച്ചാണ് യുഡിഎഫ് വോട്ടു പിടിയ്‌ക്കുന്നത് എന്ന് എൽഡിഎഫ്‌ സ്ഥാനാർഥി ജെയ്ക് സി തോമ്സ് ആരോപിച്ചു. കൊലപാതകികളെ സ്വീകരിക്കുന്ന നിലപാടാണോ യുഡിഎഫിനെന്ന് നേതാക്കൾ വ്യക്തമാക്കണം. പുതുപ്പള്ളിയിലെ പ്രബുദ്ധരായ ജനം ഇതു തിരിച്ചറിയുമെന്നും ജെയ്ക് വ്യക്തമാക്കി.

പുതുപ്പള്ളി: പുതുപ്പള്ളി ഉപതെരഞ്ഞെടുപ്പിൽ കൊലപാത സംഘത്തെ ഉപയോ​ഗിച്ചാണ് യുഡിഎഫ് പ്രചരണം നടത്തുന്നതെന്ന് എൽഡിഎഫ് സ്ഥാനാർത്ഥി ജെയ്‌ക് സി തോമസ്. കൊലക്കേസ് പ്രതി നിഖിൽ പൈലി യുഡിഎഫ് പ്രചരണത്തിനെത്തിയ സംഭവത്തിൽ പ്രതികരിക്കുകയായിരുന്നു ജെയ്‌‌ക്‌. “കൊലപാതക സംഘത്തെ ഉപയോഗിച്ചാണ് യുഡിഎഫ് വോട്ടു പിടിയ്‌ക്കുന്നത്. കൊലപാതകികളെ സ്വീകരിക്കുന്ന നിലപാടാണോ യുഡിഎഫിനെന്ന് നേതാക്കൾ വ്യക്തമാക്കണം. പുതുപ്പള്ളിയിലെ പ്രബുദ്ധരായ ജനം ഇതു തിരിച്ചറിയും” ജെയ്ക് വ്യക്തമാക്കി. ഇടുക്കി പൈനാവ്‌ എൻജിനീയറിങ്‌ കോളേജിലെ എസ്‌എഫ്‌ഐ പ്രവർത്തകൻ ധീരജിനെ കുത്തിക്കൊലപ്പെടുത്തിയ കേസിലെ മുഖ്യപ്രതിയായ നിഖിൽ പൈലിയാണ് പുതുപ്പള്ളിയിൽ നേതാക്കൾക്കൊപ്പം പ്രചാരണരംഗത്തുള്ളത്. ചാണ്ടി ഉമ്മനൊപ്പവും യൂത്ത്‌ കോൺഗ്രസ്‌ സംസ്ഥാന നേതാക്കളായ കെ എസ്‌ ശബരിനാഥൻ, റിജിൽ മാക്കുറ്റി എന്നിവർക്കൊപ്പവും ഇരിക്കുന്ന നിഖിൽ പൈലിയുടെ ചിത്രം സമൂഹമാധ്യമങ്ങളിൽ പ്രചരിച്ചിരുന്നു. എന്നാൽ നിഖിൽപൈലി പ്രചരണത്തിന് വന്നതിൽ എന്താണ് തെറ്റെന്നും നിഖിൽ കുറ്റക്കാരനെന്ന് തെളിഞ്ഞിട്ടില്ലെന്നുമായിരുന്നു യുഡിഎഫ് സ്ഥാനാർത്ഥി ചാണ്ടി ഉമ്മൻ്റെ ന്യായീകരണം.

തിരുവനന്തപുരം: ജനാധിപത്യ സംവാദങ്ങളുടെ പ്രാധാന്യം കേരളത്തിലെ യുഡിഎഫ് നേതാക്കൾക്ക് ഇനിയെങ്കിലും ബോധ്യമാകുമെന്നു കരുതാമെന്ന് സിപിഎം കേന്ദ്ര കമ്മിറ്റി അംഗം ഡോ. ടി.എം തോമസ് ഐസക്. പുതുപ്പള്ളിയിലെ വികസനത്തെക്കുറിച്ചു ചർച്ച ചെയ്യാൻ വന്ന കെ.സി. വേണുഗോപാലിന് എറണാകുളം ജില്ലയിലെ കാര്യങ്ങൾ പറഞ്ഞു പോകേണ്ടി വന്നതു തന്നെ പുതുപ്പള്ളിയിലെ വികസനമുരടിപ്പ്‌ അദ്ദേഹത്തിനും ബോധ്യമുള്ള കാര്യമാണ് എന്ന് വ്യക്തമാണെന്നും അദ്ദേഹം ഫേസ്ബുക്കിൽ കുറിച്ചു. ഫേസ്ബുക്ക് കുറിപ്പ്: പുതുപ്പള്ളിയിൽ മണ്ഡലത്തിന്റെ വികസനം ചർച്ച ചെയ്യാനായി ഇടതുമുന്നണി സ്ഥാനാർഥി യുഡിഎഫ് സ്ഥാനാർത്ഥിയെ ക്ഷണിച്ചുവെങ്കിലും യുഡിഎഫ് അതിനെ പരിഹസിക്കുകയും ഒഴിഞ്ഞു മാറുകയുമായിരുന്നു. ഒടുവിൽ വികസനം ചർച്ച ചെയ്യാൻ കോൺഗ്രസിന്റെ മുതിർന്ന നേതാവ് കെ.സി. വേണുഗോപാൽ തന്നെ വന്നതിൽ ഏറെ സന്തോഷം തോന്നുന്നു. ജനാധിപത്യ സംവാദങ്ങളുടെ പ്രാധാന്യം കേരളത്തിലെ യുഡിഎഫ് നേതാക്കൾക്ക് ഇനിയെങ്കിലും ബോധ്യമാകുമെന്നു കരുതാം. പുതുപ്പള്ളിയിലെ വികസനത്തെക്കുറിച്ചു ചർച്ച ചെയ്യാൻ വന്ന കെ.സി. വേണുഗോപാലിന് എറണാകുളം ജില്ലയിലെ കാര്യങ്ങൾ പറഞ്ഞു പോകേണ്ടി വന്നതു തന്നെ പുതുപ്പള്ളിയിലെ വികസനമുരടിപ്പ്‌ അദ്ദേഹത്തിനും ബോധ്യമുള്ള…

സംസ്ഥാന സർക്കാർ നാലുവർഷത്തിനിടയിൽ വിളിച്ചുചേർത്ത പാർലമെന്റ്‌ അംഗങ്ങളുടെ ഒരു യോഗത്തിൽ പോലും കെ സുധാകരൻ എംപി പങ്കെടുത്തില്ല. സംസ്ഥാനത്തിന്റ വികസനപ്രശ്‌നങ്ങൾ പാർലമെന്റിൻ്റെയും കേന്ദ്ര സർക്കാരിൻ്റെയും ശ്രദ്ധയിൽ പെടുത്തുന്നതിൻ്റെ ഭാഗമായി വിളിച്ച യോഗങ്ങളാണ് സുധാകരൻ ബഹിഷ്കരിച്ചത്‌. 2019 മുതൽ 2023 വരെയുള്ള ഒരു യോഗത്തിലും പങ്കെടുത്തില്ല. പൊതുപ്രവർത്തകനായ എം വിജയകുമാരൻ നൽകിയ വിവരാവകാശ അപേക്ഷയ്‌ക്ക്‌ പബ്ലിക്‌ ഇൻഫർമേഷൻ ഓഫീസർ നൽകിയ മറുപടിയിലാണ്‌ ഇക്കാര്യമുള്ളത്‌. ഇതുവരെ എംപിമാരുടെ 11 സമ്മേളനമാണ്‌ സർക്കാർ വിളിച്ചത്‌. എംപി എന്നനിലയിൽ പാർലമെന്റിലും ദേശീയ, സംസ്ഥാന ശരാശരിയേക്കാൾ വളരെ താഴെയാണ്‌ സുധാകരൻ്റെ സാന്നിധ്യം. എംപി സ്ഥാനത്ത്‌ നാലുവർഷം പിന്നിട്ടപ്പോൾ പാർലമെന്റിൽ ഹാജർനില 49 ശതമാനമാണ്‌. ദേശീയ ശരാശരി 79. കേരളത്തിൽനിന്നുള്ള എംപിമാരുടെ ശരാശരി 84 ശതമാനവും. ചർച്ചകളിൽ പങ്കെടുത്ത കണക്കിലും സുധാകരൻ പിന്നിലാണ്‌. 17 ചർച്ചയിലാണ്‌ ആകെ പങ്കാളിത്തം. ദേശീയ ശരാശരി 42.7 കേരളത്തിൽനിന്നുള്ള ഇതര എംപിമാരുടേത്‌ 71.4. സ്വകാര്യബിൽ അവതരണത്തിലും സുധാകരൻ വട്ടപ്പൂജ്യമാണ്‌. ദേശീയ ശരാശരി 1.5 ശതമാനവും…

തിരുവനന്തപുരം: അനന്തപുരിയുടെ നിരത്തില്‍ പായാന്‍ 60 ഇലക്ട്രിക് ബസുകള്‍ നിരത്തിലിറക്കി. തിരുവനന്തപുരം നഗരസഭയുടെ സ്മാര്‍ട്ട് സിറ്റി പദ്ധതിയില്‍ ഉള്‍പ്പെടുത്തിയാണ് ബസുകള്‍ ഒരുക്കിയിരിക്കുന്നത്. 60 ഇലക്ട്രിക് ബസ്സുകളുടെയും, ഹൈബ്രിഡ് ഹൈടെക് ബസ്സുകളുടെയും ഫ്‌ളാഗ് ഓഫ് മുഖ്യമന്ത്രി പിണറായി വിജയന്‍ നിര്‍വ്വഹിച്ചു. ഉദ്ഘാടന യാത്രയില്‍ മുഖ്യമന്ത്രി പിണറായി വിജയനും യാത്രക്കാരനായി. തിരുവനന്തപുരം നഗരത്തിലെ പൊതു ഗതാഗത സൗകര്യങ്ങള്‍ കൂടുതല്‍ ആധുനികമാക്കുന്നതിന്റെ ഭാഗമായി 104 കോടി ചെലവില്‍ 113 ഇലക്ട്രിക് ബസുകളാണ് വാങ്ങുന്നത്. ഇതില്‍ ആദ്യഘട്ടമായാണ് അറുപത് ബസുകള്‍ ഇന്ന് കൈമാറിയത്. തിരുവനന്തപുരം സ്മാര്‍ട്ട് സിറ്റി ലിമിറ്റഡ് വികസിപ്പിച്ച മാര്‍ഗദര്‍ശി ആപ്പ് പൊതു ഗതാഗത സംവിധാനത്തിന് മുതല്‍ക്കൂട്ടാവും. കണ്ട്രോള്‍ റൂം ഡാഷ്‌ബോര്‍ഡില്‍ ബസുകളുടെ തത്സമയ ട്രാക്കിംഗ്, ബസ് ഷെഡ്യൂളിംഗ്, ക്രൂ മാനേജ്‌മെന്റ്, ഓവര്‍സ്പീഡ് ഉള്‍പ്പെടെയുള്ള ബസ് നിരീക്ഷണ സൗകര്യങ്ങളുണ്ട്. ബസ് വിവരങ്ങള്‍, അടുത്തുള്ള ബസ് സ്റ്റോപ്പുകള്‍, യാത്രാ പ്ലാനര്‍ തുടങ്ങിയവയെല്ലാം ആപ്പിലൂടെ പൊതുജനങ്ങള്‍ക്ക് അറിയാനാകും. സിറ്റി സര്‍ക്കുലര്‍ ബസുകളുടെ തത്സമയ സഞ്ചാര വിവരം അറിയാനുള്ള എന്റെ…

തിരുവനന്തപുരം: ആവശ്യമായ രേഖകള്‍ എത്തിച്ച മുഴുവന്‍ ആശ്വാസ കിരണം പദ്ധതി ഗുണഭോക്താക്കള്‍ക്കും 13 മാസത്തെ ധനസഹായം ഒരുമിച്ച് ഓണനാളുകള്‍ക്ക് മുന്നോടിയായി അക്കൗണ്ടുകളില്‍ എത്തിച്ചതായി മന്ത്രി ആര്‍ ബിന്ദു. ഓരോ ഗുണഭോക്താവിനും 7800 രൂപ വീതമാണ് ലഭിക്കുക. ധനസഹായം എത്തിക്കാന്‍ 15 കോടി രൂപ വിനിയോഗിച്ചതായി മന്ത്രി ഫേസ്ബുക്കിലൂടെ അറിയിച്ചു. ലൈഫ് സര്‍ട്ടിഫിക്കറ്റ്, ബാങ്ക് അക്കൗണ്ട്, ആധാര്‍ വിവരങ്ങള്‍ എന്നിവ കൈമാറിയ വിവിധ ജില്ലകളിലുള്ളവര്‍ക്കാണ് പദ്ധതി ആനുകൂല്യം നല്‍കിയത്.

ലഖ്‌നൗ: ഉത്തര്‍പ്രദേശില്‍ മുസ്ലിം വിദ്യാര്‍ത്ഥിയ ഇതര മതവിഭാഗത്തില്‍പ്പെട്ട കുട്ടികളെ തല്ലിച്ച സംഭവത്തില്‍ അധ്യാപികയായ തൃപ്ത ത്യാഗിക്കെതിരെ കേസെടുത്തു. മര്‍ദ്ദനമേറ്റ കുട്ടിയുടെ പിതാവ് നല്‍കിയ പരാതിയാണ് പോലീസ് നടപടി. സഹപാഠികളെ കൊണ്ട് തന്റെ കുട്ടിയെ ഒരു മണിക്കൂറോളം തല്ലിയതായി പിതാവ് ആരോപിച്ചു. സഹപാഠികള്‍ വിദ്യാര്‍ത്ഥിയെ തല്ലുന്നതിന്റെ വീഡിയോ സോഷ്യല്‍മീഡിയയില്‍ വ്യാപകമായി പ്രചരിച്ചിരുന്നു. അധ്യാപിക തൃപ്ത ത്യാഗിയുടെ നിര്‍ദേശത്തെ തുടര്‍ന്നാണ് കുട്ടികളുടെ മര്‍ദ്ദനം. മുഖത്തടിക്കാനായിരുന്നു അധ്യാപിക പ്രോത്സാഹിപ്പിച്ചിരുന്നത്. പതുക്കെ അടിക്കുന്ന കുട്ടികളോട് വേദനിപ്പിക്കും വിധത്തില്‍ അടിക്കാനും തൃപ്ത ആക്രോശിക്കുന്നതും വീഡിയയില്‍ നിന്നും വ്യക്തമാണ്. അതേസമയം സംഭവം വിവാദമായതോടെ പുതിയ ന്യായീകരണവുമായി തൃപ്ത ത്യാഗിയും രംഗത്ത് വന്നു. താന്‍ ഭിന്നശേഷിക്കാരിയാണെന്നും ശാരീരിക പരിമിതികള്‍ ഉള്ളതുകൊണ്ടാണ് വിദ്യാര്‍ത്ഥികളോട് അടിക്കാന്‍ പറഞ്ഞതെന്നുമാണ് തൃപ്തയുടെ വാദം.

ഇടുക്കി പൈനാവ്‌ എൻജിനീയറിങ്‌ കോളേജിലെ എസ്‌എഫ്‌ഐ പ്രവർത്തകൻ ധീരജിനെ കുത്തിക്കൊലപ്പെടുത്തിയ കേസിലെ മുഖ്യപ്രതി നിഖിൽ പൈലി കോൺഗ്രസ് നേതാക്കൾക്കൊപ്പം പുതുപ്പള്ളി തെരഞ്ഞെടുപ്പ് പ്രചാരണത്തിൽ. പാമ്പാടിയിലെ മുഖ്യതെരഞ്ഞെടുപ്പ്‌ കമ്മിറ്റി ഓഫീസ്‌ കേന്ദ്രീകരിച്ചാണ്‌ പ്രവർത്തനം. യൂത്ത്‌ കോൺഗ്രസ്‌ സംസ്ഥാന നേതാക്കളായ കെ എസ്‌ ശബരിനാഥൻ, റിജിൽ മാക്കുറ്റി എന്നിവർക്കൊപ്പമിരിക്കുന്ന ചിത്രം നിഖിൽ പൈലിതന്നെ സമൂഹമാധ്യമങ്ങളിൽ പങ്കിട്ടു. ധീരജിനെ ഒറ്റക്കുത്തിന്‌ കൊന്ന കേസിലെ പ്രതികളെ ‘സ്വന്തം കുട്ടികൾ’ എന്നും കൊല്ലപ്പെട്ട ധീരജിനെ ‘മരണം ഇരന്നുവാങ്ങിയവൻ’ എന്നുമാണ്‌ കെപിസിസി പ്രസിഡന്റ് കെ സുധാകരനും കോൺഗ്രസും വിശേഷിപ്പിച്ചത്‌. കൊലക്കേസിൽ പ്രതിയായ ശേഷമാണ്‌ യൂത്ത്‌ കോൺഗ്രസ്‌ ഔട്ട്‌റീച്ച്‌ സെൽ വൈസ്‌ ചെയർമാനായി നിഖിൽ പൈലിയെ നിയമിച്ചത്‌. ഔട്ട്‌റീച്ച്‌ സെൽ ദേശീയ ചെയർമാൻ ചാണ്ടി ഉമ്മനാണ്‌ ഭാരവാഹികളുടെ പട്ടിക പുറത്തിറക്കിയത്‌. യൂത്ത് കോൺഗ്രസ് വാഴത്തോപ്പ് മണ്ഡലം പ്രസിഡന്റ് നിഖിൽ പൈലി, ഇടുക്കി മണ്ഡലം വൈസ് പ്രസിഡന്റ് ജെറിൻ ജോജോ, കെഎസ്‌യു ജില്ലാ സെക്രട്ടറി കട്ടപ്പന സ്വദേശി ജിതിൻ ഉപ്പുമാക്കൽ, ഇടുക്കി നിയോജക…