കുഴൽപ്പണ കേസിൽ മുഴുവൻ BJP നേതാക്കൾ

രാജ്യത്തെ തന്നെ നടുക്കിയ, കൊടകര കുഴൽപ്പണക്കേസിൽ ഓരോ ദിവസം കഴിയുന്തോറും ബിജെപി നേതാക്കന്മാരുടെ പങ്ക് സ്ഫടികം പോലെ തെളിഞ്ഞുവരികയാണ്. എന്നാൽ ഇന്നലെ സംസ്ഥാന പ്രസിഡന്റ് കെ സുരേന്ദ്രൻ പത്രക്കാരെ കണ്ടപ്പോൾ ബിജെപിക്ക് ഈ കേസുമായി ഒരു ബന്ധവുമില്ല എന്ന തരത്തിലാണ് ന്യായീകരിച്ചത്. നമുക്ക് വളച്ചുകെട്ടില്ലാതെ കാര്യത്തിലേക്ക് വരാം. സത്യത്തിൽ ഈ കേസുമായി ബിജെപിക്ക് ബന്ധമൊന്നുമില്ലേ? ഈ കേസുമായി ബന്ധപ്പെട്ട് ഇതുവരെ ചോദ്യം ചെയ്തവരുടെയും ഇനി ചോദ്യം ചെയ്യാൻ പോകുന്നവരുടെയും കാര്യമെടുത്താൽ ഈ ചോദ്യത്തിനുള്ള ഉത്തരവും സുരേന്ദ്രന്റെ വാദത്തിനുള്ള മറുപടിയും കിട്ടും.