കെഎസ്ആർടിസിക്ക് 103 കോടി രൂപ അനുവദിക്കാൻ ഹൈക്കോടതി നിർദേശം

കെഎസ്ആർടിസി ജീവനക്കാർക്ക് ശമ്പളവും ബോൺസും നൽകാനായി സർക്കാർ 103 കോടി രൂപ അനുവദിക്കണമെന്ന് നിർദേശിച്ച് ഹൈക്കോടതി. ശമ്പള വിതരണത്തിന് മുൻഗണന നൽകണമെന്ന ജീവനക്കാരുടെ ആവശ്യം പരിഗണിച്ചാണ് ഹൈക്കോടതിയുടെ ഈ നിർദേശം. ജൂലൈ, ഓഗസ്റ്റ് മാസങ്ങളിലെ ശമ്പളം നൽകുന്നതിന് 50 കോടി വീതവും ബോണസ് നൽകുന്നതിനായി മൂന്നു കോടിയും അനുവദിക്കണമെന്നാണ് കോടതി നിർദേശിച്ചത്. ശമ്പളം നല്‍കാന്‍ പത്തുദിവസത്തെ സാവാകാശം വേണമെന്ന് സര്‍ക്കാര്‍ അഭിഭാഷകന്‍ കോടതിയെ അറിയിച്ചെങ്കിലും ഇത് അംഗീകരിക്കാനാവില്ലെന്ന് കോടതി വ്യക്തമാക്കി. ജീവനക്കാര്‍ക്ക് ശമ്പളം നല്‍കാന്‍ 103 കോടിരൂപ അടിയന്തരമായി അനുവദിക്കണമെന്നും ജസ്റ്റിസ് ദേവന്‍ രാമചന്ദ്രന്‍ ഉത്തരവിട്ടു.