പശുവിനെ ലൈം​ഗികമായി പീഡിപ്പിച്ചു; സർക്കാർ ഉദ്യോഗസ്ഥൻ പിടിയിൽ

വിസ്യനഗരം: പശുവുമായി ലൈംഗിക ബന്ധത്തിൽ ഏർപ്പെട്ടെന്നാരോപിച്ച് റിട്ടയേർഡ് സർക്കാർ ഉദ്യോഗസ്ഥനായ 62കാരനെ ചൊവ്വാഴ്ച പൊലീസ് അറസ്റ്റ് ചെയ്തു. ആന്ധ്രപ്രദേശിലെ വിസ്യനഗരം ജില്ലയിലെ രാജം റൂറൽ പോലീസ് സ്റ്റേഷൻ പരിധിയിലാണ് കേസിന് ആസ്പദമായ സംഭവം നടന്നിരിക്കുന്നത്. കാഞ്ചരം ഗ്രാമത്തിൽ ദിവസങ്ങൾക്ക് മുമ്പ് നടന്ന സംഭവത്തിൻ്റെ വീഡിയോ വൈറലായതോടെയാണ് സംഭവം പുറത്തറിഞ്ഞത്. സംഭവത്തിൽ ലാൻഡ് ആൻഡ് സർവേ വകുപ്പ് അസി. ഡയറക്ടറായി വിരമിച്ച പി രാമകൃഷ്ണയെ അറസ്റ്റ് ചെയ്തതായി പൊലീസ് പറഞ്ഞു. കഴിഞ്ഞ കുറച്ച് വർഷങ്ങളായി പശുക്കളെയും വളർത്തു നായ്ക്കളെയും ഇയാൾ ലൈം​ഗികമായി ഉപദ്രവിക്കുന്നുണ്ടെന്ന് അന്വേഷണത്തിൽ കണ്ടെത്തി.
പരാതിയെ തുടർന്ന് ഐപിസി 377 വകുപ്പും മൃഗങ്ങൾക്കെതിരെയുള്ള അതിക്രമങ്ങളുമായി ബന്ധപ്പെട്ട മറ്റ് വകുപ്പുകളും ചാർജ് ചെയ്തിട്ടുണ്ടെന്ന് രാജം റൂറൽ പോലീസ് ഉദ്യോഗസ്ഥൻ ഡി നവീൻ കുമാർ പറഞ്ഞു. .