ജനകീയ സിനിമകളുടെ തിരക്കഥാകൃത്തും സംവിധായകനുമായ റാഫിയുടെ പുതിയ ചിത്രം നാദിര്‍ഷായുടെ കൂടെ. രണ്ട് ഹിറ്റ് മേക്കേര്‍സ് ഒന്നിക്കുമ്പോള്‍ പ്രേക്ഷകരുടെ പ്രതീക്ഷകളും വാനോളം ഉയരുകയാണ്.
കലന്തൂർ എന്റർടൈൻമെന്റ്സിന്റെ ബാന്നറിൽ നാദിർഷാ സംവിധാനം ചെയ്യുന്ന ചിത്രത്തിന് റാഫിയാണ് തിരക്കഥ ഒരുക്കുന്നത്. ഹ്യൂമർ ത്രില്ലെർ ഗണത്തിലുള്ള ചിത്രമാണ് ഒരുങ്ങുന്നതെന്ന് നാദിര്‍ഷാ ഇതിനകം സൂചന നല്‍കിയിട്ടുണ്ട്.
സിനിമയിലെ തന്‍റെ ഗുരുക്കന്മാരുടെ സ്ഥാനത്താണ് റാഫിയെന്ന് നാദിര്‍ഷാ പലപ്പോഴും പറയാറുണ്ട്. രണ്ട് പേരുടെയും സിനിമകള്‍ ജനപ്രീതിനേടിയിട്ടുള്ളതുമാണ്.
മലയാളത്തിലെ പ്രശസ്ത താരങ്ങൾക്കൊപ്പം പുതുമുഖങ്ങളും കേന്ദ്ര കഥാപാത്രമായിവരും. 2023 ലാണ് ചിത്രീകരണം ആരംഭിക്കുക.
