ഉത്തേജക മരുന്ന് ഉപയോഗം; കോമണ്‍വെല്‍ത്ത് ഗെയിംസിൽ ഇന്ത്യൻ താരം പിടിയിൽ

കോമൺവെൽത്ത് ഗെയിംസിൽ ഒരു ഇന്ത്യൻ കായിക താരംകൂടി ഉത്തേജക മരുന്ന് ഉപയോഗിച്ചെന്ന് കണ്ടെത്തി. ഒരാഴ്ചക്കിടെ ഉത്തേജക മരുന്ന് പരിശോധനയിൽ പരാജയപ്പെടുന്ന മൂന്നാമത്തെ ഇന്ത്യൻ താരമാണിത്. വനിതകളുടെ 4×100 മീറ്റർ റിലേ ടീമിലെ അംഗമാണ് ദേശീയ ഉത്തേജക വിരുദ്ധ ഏജൻസി നടത്തിയ പരിശോധനയിൽ പിടിക്കപ്പെട്ടത്. ഇതിനുമുൻപ് ധനലക്ഷ്മി, ഐശ്വര്യ ബാബു എന്നിവരാണ് ഉത്തേജക മരുന്ന് പരിശോധനയിൽ പരാജയപ്പെട്ട ഇന്ത്യൻ താരങ്ങൾ. ധനലക്ഷ്മി 4×100 മീറ്റർ റിലേ ടീമിലെ അംഗമായിരുന്നു. ഐശ്വര്യ ബാബു ട്രിപ്പിൾ ജമ്പിൽ ദേശീയ റെക്കോഡുകാരിയാണ്.