ഒന്നാം ഏകദിനത്തിൽ വെസ്റ്റിൻഡീസിനെതിരേ ഇന്ത്യക്ക് 3 റൺസ് വിജയം

പോർട്ട് ഓഫ് സ്പെയിൻ: വെസ്റ്റിൻഡീസിനെതിരായ ഒന്നാം ഏകദിനത്തിൽ ഇന്ത്യക്ക് 3 റൺസ് വിജയം. ഇന്ത്യ ഉയർത്തിയ 309 റൺസ് വിജയലക്ഷ്യത്തിലേക്ക് ബാറ്റെടുത്ത വെസ്റ്റിൻഡീസിന് ആറു വിക്കറ്റ് നഷ്ടത്തിൽ 305 റൺസിലെത്താനേ സാധിച്ചുള്ളൂ. ടോസ്‌ നേടിയ വെസ്റ്റിൻഡീസ് ക്യാപ്‌റ്റൻ നിക്കോളാസ്‌ പുരാൻ ഇന്ത്യയെ ബാറ്റിങ്ങിന്‌ അയക്കുകയായിരുന്നു. ധവാൻ–ഗിൽ സഖ്യം ഇന്ത്യക്കായി അനായാസം ബാറ്റ്‌ വീശി. ക്യാപ്‌റ്റൻ ധവാൻ 99 പന്തിൽ 97 റണ്ണടിച്ചപ്പോൾ ഗിൽ (53 പന്തിൽ 64) പിന്തുണ നൽകി. ഓപ്പണിങ്‌ കൂട്ടുകെട്ടിൽ ഇരുവരും 119 റൺ ചേർത്തു. വിക്കറ്റ്‌ കീപ്പറായി ടീമിൽ ഇടംപിടിച്ച സഞ്ജു സാംസൺ (18 പന്തിൽ 12) മങ്ങി. മറുപടി ബാറ്റിങ്ങിന്‌ ഇറങ്ങിയ വെസ്റ്റിൻഡീസിന് വേണ്ടി കൈൽ മിൽസ് (68 പന്തിൽ 75), ഷമാർ ബ്രൂക്‌സ് (61 പന്തിൽ 46), ബ്രണ്ടൻ കിങ് (66 പന്തിൽ 54) എന്നിവരുടെ ഇന്നിങ്‌സുകൾ വിൻഡീസിന് വിജയപ്രതീക്ഷ നൽകിയെങ്കിലും വിജയത്തിലേക്ക് എത്തിക്കാൻ സാധിച്ചില്ല. അവസാന ഓവറിൽ വെസ്റ്റിൻഡീസിന് ജയിക്കാൻ 15 റൺസ് വേണമെന്നിരിക്കെ 11 റൺസ് മാത്രം വിട്ട്കൊടുത്ത് കൃത്യതയോടെ പന്തെറിഞ്ഞ മുഹമ്മദ് സിറാജാണ് ഇന്ത്യയ്ക്ക് ജയമൊരുക്കിയത്. ഇന്ത്യയ്ക്കായി സിറാജ്, ശാർദുൽ താക്കൂർ, യുസ്‌വേന്ദ്ര ചാഹൽ എന്നിവർ രണ്ടു വിക്കറ്റ് വീതം വീഴ്ത്തി.