ഞാൻ ടീമിലുണ്ടായിരുന്നെങ്കിൽ വിരാടിന്റെ കീഴിൽ ഇന്ത്യ ലോകകപ്പ് നേടുമായിരുന്നു; ശ്രീശാന്ത്

2015, 2019, 2021 ലോകകപ്പുകളിൽ താനുണ്ടായിരുന്നെങ്കിൽ വിരാട് കോഹ്‌ലിക്ക് കീഴിൽ ഇന്ത്യ കപ്പെടുക്കുമായിരുന്നുവെന്ന് മുൻ ഇന്ത്യൻ ക്രിക്കറ്റർ ശ്രീശാന്ത്. ഷെയർ ചാറ്റ് ഓ‍ഡിയോ ചാറ്റ് റൂം സംവാദ​ത്തിൽ പങ്കെടുത്തുകൊണ്ടാണ് ശ്രീശാന്ത് സംസാരിച്ചത്. 2011 ലോകകപ്പ് ജയിച്ച ടീമിലെ അം​ഗമായിരുന്നു ശ്രീശാന്ത്. 2007-ലെ ടി20 ലോകകപ്പ് നേടിയ ടീമിലും ശ്രീശാന്ത് അം​ഗമായിരുന്നു. 2019 ഏകദിന ലോകകപ്പിലും 2021 ടി20 ലോകകപ്പിലും വിരാട് കോഹ്‌ലിക്ക് കീഴിൽ ഇന്ത്യ കളിച്ചിരുന്നു. സഞ്‍ജു സാംസൺ സച്ചിൻ ബേബി എന്നിവർ മികച്ച പ്രകടനമാണ് കാഴ്ചവെക്കുന്നതെന്നും ശ്രീശാന്ത് പറഞ്ഞു.