കളിക്കിറങ്ങാതെ മുന്‍നിരക്കാര്‍ സഭയില്‍ അടവുകള്‍ പാളി പ്രതിപക്ഷം

യുഡിഎഫ് ഗൗരവമെന്ന് പറയുന്ന വിഷയത്തില്‍ സഭാ ഇടപെടല്‍ നടത്തിയതെല്ലാം രണ്ടാം നിര നേതാക്കള്‍. സഭയിലെ ഇടപെടല്‍ ഒരു പ്രത്യേക കല തന്നെയാണ്. അവിടെ അനുഭവ സമ്പത്ത് കുറഞ്ഞ നേതാക്കളാണ് യുഡിഎഫിന് വേണ്ടി അണിനിരന്നത്. സതീശനൊഴികെ യുഡിഎഫിന്റെ ഒരു മുന്‍നിര നേതാവ് പോലും ഈ വിഷയത്തില്‍ നിയമസഭ പോലൊരു വേദിയില്‍ സംസാരിച്ചില്ല എന്നത് മുന്‍നിര നേതാക്കള്‍ തന്നെ ഇപ്പോഴത്തെ വിവാദത്തിന് വലിയ വില കൊടുക്കുന്നില്ല എന്നതിന്റെ തെളിവാണ്.