പത്തിന് ശേഷം പാടിയാൽ പണിയാകും

ട്രെയിൻ യാത്രികർ പാലിക്കേണ്ട പുതിയ ഉത്തരവ് ഇന്ത്യൻ റെയിൽവേ പുറപ്പെടുവിച്ചു. പുതിയ ഉത്തരവ് രാത്രികാല യാത്രികർക്കാണ് ബാധകമാകുക. രാത്രി 10 മുതൽ രാവിലെ 6 വരെ ഉച്ചത്തിൽ പാട്ടുവെക്കുന്നതും, ഫോണിൽ ഉറക്കെ സംസാരിക്കുന്നതും, കൂട്ടംകൂടി സംസാരിക്കുന്നതുമാണ് വിലക്കിയത്. ഉത്തരവ് ലംങ്കിക്കുന്നവർക്കെതിരെ നടപടികൾ കൈക്കൊള്ളും. രാത്രി ഇയർഫോണിൽ പാട്ടുകേൾക്കുന്നതിന് തടസമില്ല. രാത്രി 10 മുതൽ രാവിലെ 6 വരെ കംപാർട്മെന്റുകളിലെ പ്ലഗ് പോയിന്റുകൾ പ്രവർത്തന രഹിതമാണെന്നും ഉറപ്പുവരുത്തും. രാത്രികാല ബഹളങ്ങൾ സംബന്ധിച്ച് റെയിൽവേയ്ക്ക് ഒരുപാട് പരാതികൾ ലഭിച്ച സാഹചര്യത്തിലാണ് പുതിയ നടപടി. യാത്രക്കാരെ ബുന്ധിമുട്ടിക്കാതെയാണ് ജീവനക്കാർ ജോലി ചെയ്യേണ്ടതെന്ന നിർദ്ദേശവുമുണ്ട്.