കഷ്‌ടം കോൺഗ്രസേ..എല്ലാം കറങ്ങിത്തിരിഞ്ഞ്‌ സ്വന്തം നെഞ്ചിൽ പതിക്കുകയാണല്ലോ

തുടക്കം മുതൽ കോൺഗ്രസാവശ്യപ്പെട്ട വിശദീകരണ യോഗങ്ങൾക്കിന്ന് കോൺഗ്രസുതന്നെ വിലങ്ങുതടിയാകുന്നത് എന്നോർക്കണം. കെ–റെയിൽ വിശദീകരണ യോഗങ്ങൾ മുഖ്യമന്ത്രിയും മറ്റുമന്ത്രിമാരും നേരിട്ട് വിളിച്ചുചേർക്കുന്നതും വിഷയത്തിന്റെ ഗൗരവം കൊണ്ടാണ്. ജില്ലകൾതോറുമുള്ള വിശദീകരണ യോഗങ്ങൾ കെ-റെയിലമായി ബന്ധപ്പെട്ട ജനത്തിന്റെ സംശയങ്ങൾ ദൂരീകരിക്കാൻ അത്യന്താപേക്ഷിതമാണ്. മാത്രവുമല്ല ഓരോ വിശദീകരണ യോഗങ്ങളിലൂടെയും ജനകീയാഭിപ്രായ സമാഹരണം കൂടിയാണ് സർക്കാർ ലക്ഷ്യമിടുന്നത്. ജനങ്ങളുടെ താൽപ്പര്യമനുസരിച്ച് പദ്ധതിയിൽ മാറ്റങ്ങൾ വരുത്താൻ സർക്കാർ തയ്യാറാണെന്ന് പറഞ്ഞത് ഈ ഘട്ടത്തിൽ കൂടുതൽ പ്രസക്തമാവുകയാണ്. അതുകൊണ്ട് ജനകീയ താല്പര്യങ്ങൾക്കനുസരിച്ചു പദ്ധതി മുന്നോട്ടുപോകാൻ ജനാഭിപ്രായം കൂടിയേതീരു.