തൃശൂർ: ജനാധിപത്യത്തിൻ്റെ കണികപോലുമില്ലാത്ത പ്രസ്ഥാനമാണ്‌ കോൺഗ്രസ് എന്ന എം കെ രാഘവൻ എംപിയുടെ വിമർശനത്തോട്‌ സംസ്ഥാന കോൺഗ്രസ് നേതൃത്വത്തിൻ്റെ പ്രതികരണം എന്താണ്‌ എന്ന്‌ അറിയാൻ താൽപര്യമുണ്ടെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ. വിയോജിപ്പും വിമർശനവും പറ്റാത്ത പ്രസ്ഥാനമായി കോൺഗ്രസ് അധ:പതിച്ചുവെന്നാണ്‌ രാഘവൻ്റെ വിമർശനം.
സ്ഥാനവും മാനവും വേണമെങ്കിൽ മിണ്ടാതിരിക്കണമെന്നും വാഴ്‌ത്തലും പുകഴ്‌ത്തലും മാത്രമായ ഘട്ടത്തിലാണ്‌ കോൺഗ്രസ് നിലകൊള്ളുന്നതെന്നുമാണ്‌ രാഘവൻ പറയുന്നത്‌. ഇതേക്കുറിച്ച് കോൺഗ്രസ് നേതൃത്വത്തിന് എന്ത് പറയാനുണ്ടെന്ന് അദ്ദേഹം ചോദിച്ചു.
