ബംഗാൾ: പശ്ചിമ ബംഗാളിലെ സഹകരണ തെരഞ്ഞെടുപ്പിൽ നേട്ടമുണ്ടാക്കി സിപിഎം. തെഹട്ട അഗ്രികൾച്ചറൽ ഡെവലപ്മെന്റ് കോ-ഓപ്പറേറ്റീവ് സൊസൈറ്റിയുടെ തെരഞ്ഞെടുപ്പാണ് കഴിഞ്ഞ ഞായറാഴ്ച നടന്നത്. തെരഞ്ഞെടുപ്പിൽ ടിഎംസിയെ പരാജയപ്പെടുത്തി. ബിജെപി ഒരു സീറ്റുപോലും നേടാൻ കഴിയാതെ ദയനീയ തോൽവി ഏറ്റുവാങ്ങി. 72-ൽ 66 സീറ്റും നേടിയാണ് സിപിഎം വിജയിച്ചത്. ത്രിണമൂൽ കോൺഗ്രസിന് 6 സീറ്റ് മാത്രമാണ് നേടാനായത്.
സ്വതന്ത്രവും സമാധാനപരവുമായ തെരഞ്ഞെടുപ്പ് നടന്നാൽ ഫലം എന്തായിരിക്കുമെന്ന് വോട്ടർമാർ കാണിച്ചുതന്നതായി സിപിഎം ദക്ഷിണ മേഖലാ കമ്മിറ്റി സെക്രട്ടറി സുബോധ് ബിശ്വാസ് പറഞ്ഞു. കഴിഞ്ഞ തെഹട്ട കാർഷിക സഹകരണ തെരഞ്ഞെടുപ്പിലും സിപിഎം വിജയിച്ചിരുന്നു.
