ചെങ്ങന്നൂർ : സംസ്ഥാന സർക്കാരിനെയും മന്ത്രി സജി ചെറിയാനെയും പ്രശംസിച്ച് കോൺഗ്രസ് നേതാവ് കൊടിക്കുന്നിൽ സുരേഷ് എം പി.
ചെങ്ങന്നൂർ വിദ്യാഭ്യാസ സമുച്ചയത്തിൻ്റെ ഉദ്ഘാടന വേദിയിലായിരുന്നു കൊടിക്കുന്നിലിൻ്റെ പ്രശംസ.
പുതിയ റോഡുകൾ, പാലങ്ങൾ, ജില്ലാ ആശുപത്രി കെട്ടിടം, സർക്കാർ ഓഫീസുകൾ അടക്കം ചെങ്ങന്നൂർ വികസനത്തിൽ വളരെ മുന്നേറുന്ന സാഹചര്യമാണെന്നും വികസന കാര്യങ്ങളിൽ മന്ത്രി സജി ചെറിയാനോടൊപ്പം എത്താൻ ആർക്കും കഴിയില്ലെന്നും അദ്ദേഹം പറഞ്ഞു. താൻ ഒന്നു ശ്രമിച്ചു നോക്കിയെങ്കിലും കഴിഞ്ഞില്ല. കേരളത്തിൽ ഏറ്റവും കൂടുതൽ വികസനം നടക്കുന്ന മണ്ഡലങ്ങളിൽ ഒന്നായി ചെങ്ങന്നൂർ മാറി. സംസ്ഥാനത്ത് ഏറ്റവും കൂടുതൽ പദ്ധതി ഉദ്ഘാടനങ്ങൾ നടക്കുന്നത് ചെങ്ങന്നൂരാണെന്നും കൊടിക്കുന്നിൽ പറഞ്ഞു.
നടക്കില്ലെന്നു കരുതിയ കാര്യങ്ങളാണ് ഇപ്പോൾ നടക്കുന്നതെന്നും കൊടിക്കുന്നിൽ പറഞ്ഞു.
ചെങ്ങന്നൂർ മുൻ എംഎൽഎയുംനിലവില്‍ കുണ്ടറ എംഎല്‍എയും കോണ്‍ഗ്രസ് നേതാവുമായ പി സി വിഷ്ണുനാഥിനെ വേദിയിലിരുത്തിയായിരുന്നു എംപിയുടെ പ്രസംഗം.
