ന്യൂഡൽഹി: ബിബിസി ഡോക്യുമെന്ററി ഇന്ത്യ: ദി മോദി ക്വസ്റ്റ്യൻ പ്രദർശിപ്പിക്കാനിരിക്കെ ജാമിയ മിലിയ ഇസ്ലാമിയ സർവ്വകലാശാലയിലെ എസ്എഫ്ഐ യൂണിറ്റ് സെക്രട്ടറി അസീസ് ഷെരീഫിനേയും പ്രവർത്തകരേയും ഡൽഹി പോലീസ് അറസ്റ്റ് ചെയ്തു. യൂണിറ്റ് സെക്രട്ടറി അസീസ് ഷെരീഫ്, നിവേദ്യ പി.ടി, അഭിരാം, തേജസ് തുടങ്ങിയവരെയാണ് ഡൽഹി പോലീസ് കസ്റ്റഡിയിൽ എടുത്തത്. അസീസിനെ സുഖ്‌ദേവ് വിഹാർ പോലീസ് സ്റ്റേഷനിലേക്ക് കൊണ്ടുപോയി. നിവേദ്യയെ സെക്യൂരിറ്റി ഗാർഡുകൾ മർദിച്ചെന്നും ആരോപണമുണ്ട്.
ബിബിസി ഡോക്യുമെൻററി ഇന്ത്യ : ദി മോദി ക്വസ്റ്റ്യൻ പ്രദർശിപ്പിക്കാനിരിക്കെയാണ് നടപടി. ഇന്ന് വെെകിട്ട് 6നാണ് ഡോക്യുമെൻററി പ്രദർശനം തീരുമാനിച്ചിരുന്നത്.
