മനോരമ നുണ ഫാക്ടറി വീണ്ടും വിഷം തുപ്പുന്നു

കീഴേത്, കിഴക്കേത് എന്നറിയാത്ത ഈ ലേഖകൻ്റെ പേര് ഷില്ലർ സ്റ്റീഫൻ എന്നാണ്. കഷ്ടപ്പെട്ട് ബുദ്ധിമുട്ടി നെടുമുടി വേണു സ്റ്റൈലിൽ വളച്ചൊടിച്ചും വക്രീകരിച്ചുമൊക്കെ എങ്ങനെയെങ്കിലും സിപിഎമ്മിനെയും പിണറായിയെയും കുറ്റപ്പെടുത്താൻ നടത്തുന്ന പെടാപ്പാടു നോക്കൂ. സർക്കാർ ഓഫീസുകളിൽ ഇ ഓഫീസ് സംവിധാനം നൽകാൻ ഇന്ത്യയിൽ ഒരു ഏജൻസിയ്ക്കേ അധികാരമുള്ളൂ. അത് എൻഐസിയ്ക്കാണ്. കേരളത്തിലാകട്ടെ, സെക്രട്ടേറിയറ്റിൽ ഇ ഓഫീസ് നിലവിൽ വന്നത് 2012ലും. അതിനു മുമ്പ് ഉണ്ടായിരുന്ന ഡിജിറ്റൽ ഡോക്യുമെൻ്റ് ഫയൽ സിസ്റ്റം അഥവാ ഡിഡിഎഫ്എസിൻ്റെയും സോഫ്റ്റുവെയറുണ്ടാക്കിയത് നാഷനൽ ഇൻഫർമാറ്റിക്സ് സെന്റർ തന്നെയാണ്.