ഷാഹിദ് കപൂർവിജയ് സേതുപതി എന്നിവർ കേന്ദ്ര കഥാപാത്രങ്ങളാകുന്ന വെബ് സീരിസ് ഫർസിയുടെ ട്രെയിലർ പുറത്ത് വിട്ടു. രാജ് ആൻഡ് ഡികെ സംവിധാനം ചെയ്യുന്ന സീരിസിൽ കള്ളക്കടത്തുകാരനായി ഷാഹിദ് എത്തുമ്പോൾ പൊലീസിന്റെ വേഷത്തിൽ സേതുപതി അവതരിക്കുന്നു.
റാഷി ഖന്ന, കെ കെ മേനോൻ, ഭുവൻ അരോറ, റെജിന കസാന്ദ്ര എന്നിവരാണ് മറ്റ് താരങ്ങൾ. ഹിന്ദിയിലും സ്വന്തം ശബ്ദത്തിൽ തന്നെയാണ് വിജയ് സേതുപതി ഡബ്ബ് ചെയ്തത്. ഫാമിലി മാൻ എന്ന ഹിറ്റിനുശേഷം രാജ് ആൻഡ് ഡികെ സംവിധാനം ചെയ്യുന്ന വെബ് സീരിസ് കൂടിയാണിത്. ഫെബ്രുവരി 10 മുതലാണ് ആമസോൺ പ്രൈം വഴി സീരിസ് സ്ട്രീം ചെയ്യുന്നത്.
സണ്ണി എന്ന ആർട്ടിസ്റ്റ് ആയാണ് ഷാഹിദ് കപൂർ എത്തുന്നത്. ഈ ജീവിതത്തിനിടയിൽ ഒരിക്കൽ വ്യാജ നോട്ട് നിർമ്മാണത്തിന്റെ ലോകത്തേക്ക് എത്തുന്നു. എളുപ്പത്തിൽ കണ്ടുപിടിക്കാൻ പറ്റാത്ത ഒരു കറൻസി മാതൃക സൃഷ്ടിക്കുകയും ചെയ്യുകയാണ് സണ്ണി. അന്വേഷണത്തിന് മുൻ മാതൃകകളൊന്നും ആശ്രയിക്കാത്ത ടാസ്‌ക് ഫോഴ്‌സ് ഓഫീസർ മൈക്കൾ എന്ന കഥാപാത്രത്തെയാണ് സിരീസിൽ വിജയ് സേതുപതി അവതരിപ്പിക്കുന്നത്.
രാജ്, ഡികെ എന്നിവർക്കൊപ്പം സീത ആർ മേനോൻ, സുമൻ കുമാർ എന്നിവർ ചേർന്നാണ് സിരീസിന്റെ രചന. ഡി2ആർ ഫിലിംസിന്റെ ബാനറിൽ രാജും ഡികെയും ചേർന്നാണ് ചിത്രത്തിന്റെ നിർമ്മാണം.
