പ്രശസ്ത തെന്നിന്ത്യൻ താരം സുനൈന നായികയാകുന്ന റെജീന എന്ന ചിത്രത്തിലെ ആദ്യം ഗാനം അണിയറ പ്രവർത്തകർ പുറത്ത് വിട്ടു. ‘ഓരോ മൊഴി ഓരോ മിഴി’ എന്നാരംഭിക്കുന്ന ഗാനത്തിന് വരികൾ എഴുതിയിരിക്കുന്നത് ഹരിനാരായണൻ ബി കെ ആണ്. സതീഷ് നായർ ഈണമിട്ടിരിക്കുന്ന ഗാനം ആലപിച്ചിരിക്കുന്നത് ശങ്കർ മഹാദേവൻ ആണ്.
സ്റ്റാർ, പൈപ്പിൻ ചുവട്ടിലെ പ്രണയം എന്നീ ചിത്രങ്ങൾക്കു ശേഷം ഡോമിൻ ഡിസിൽവ രചനയും സംവിധാനവും നിർവ്വഹിക്കുന്ന ചിത്രം ത്രില്ലർ രൂപത്തിലാണ് ഒരുക്കിയിരിക്കുന്നത്. നിവാസ് അധിതൻ, റിതു മന്ത്ര, അനന്ദ് നാഗ്, ബോക്‌സർ ധീന, വിവേക് പ്രസന്ന, ബാവ ചെല്ലദുരൈ, ഗജരാജ്, രഞ്ജൻ, പശുപതി രാജ്, അപ്പാനി ശരത്ത്, ജ്ഞാനവേൽ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
മലയാളത്തിന് പുറമെ തമിഴ്, തെലുങ്ക്, ഹിന്ദി ഭാഷകളിലും ചിത്രം പ്രേക്ഷകർക്കു മുന്നിൽ എത്തും. നേരത്തെ പുറത്തിറക്കിയ ചിത്രത്തിന്റെ ഫസ്റ്റ് ലുക്ക് ഏറെ പ്രേക്ഷകശ്രദ്ധ ആകർഷിച്ചിരുന്നു. യെല്ലോ ബിയർ പ്രൊഡക്ഷൻ എൽ എൽ പി യുടെ ബാനറിൽ നിർമ്മിക്കുന്ന റെജീനക്ക് വേണ്ടി മറ്റു ഗാനങ്ങൾ സിദ്ധ് ശ്രീറാം, രമ്യാ നമ്പീശൻ, വൈക്കം വിജലക്ഷ്മി, റിമി ടോമി എന്നിവരാണ് ആലപിച്ചിരിക്കുന്നത്.
പവി കെ പവൻ ആണ് ചിത്രത്തിൻറെ ഛായാഗ്രാഹകൻ. എഡിറ്റിംഗ് ടോബി ജോൺ , പ്രൊഡക്ഷൻ ഡിസൈനർ കുമാർ ഇടക്കര, വസ്ത്രാലങ്കാരം ഏകൻ, സംഘട്ടനം ആർ ശക്തി ശരവണൻ, ഡോമിൻ ഡിസിൽവ, കൊറിയോഗ്രഫി വിജി മാസ്റ്റർ, ഡോമിൻ ഡിസിൽവ. പി ആർ ഒ- സി കെ അജയ് കുമാർ.
