സൂപ്പർ സ്റ്റാർ അജിത്തിന്റെ പുതിയ ചിത്രം തുനിവിന്റെ വരവിനായി കാത്തിരിപ്പിലാണ് ആരാധകർ. കുറച്ചു ദിവസം മുൻപ് എത്തിയ തുനിവിന്റെ ട്രെയിലർ സോഷ്യൽമീഡിയയിൽ തരംഗമായിരുന്നു. അജിത്തും കേരളത്തിന്റെ ലേഡീ സൂപ്പർ സ്റ്റാറും ഒന്നിക്കുന്ന ചിത്രം പൊങ്കലിനാണ് തീയേറ്ററിൽ എത്തുന്നത്. എച്ച് വിനോദിന്റേത് തന്നെയാണ് തിരക്കഥയും.
പ്രമുഖ നിർമാണ കമ്പനിയായ ലൈക്ക പ്രൊഡക്ഷൻസ് ചിത്രത്തിന്റെ ഡിസ്ട്രിബ്യൂഷൻ റൈറ്റ്‌സ് സ്വന്തമാക്കി അധികം വൈകും തന്നേ ഒരു അപ്‌ഡേറ്റിനെ കുറിച്ച് അറിയിക്കുന്നതിനായി സ്‌കൈഡൈവിംഗ് സംഘടിപ്പിച്ചിരുന്നു. ഇപ്പോൾ പൊങ്കൽ റിലീസായി അജിത്ത് നായകനായ ചിത്രം എത്തുമെന്ന് അറിയിച്ച് വീണ്ടും സ്‌കൈഡൈവിംഗ് നടത്തി ആകാശത്ത് പോസ്റ്റർ പാറിച്ചിരിക്കുകയാണ് പ്രവർത്തകർ. സംഭവത്തിന്റെ വീഡിയോ ഇപ്പോൾ സൈബറിടത്തും വൈറലാവുകയാണ്.
ലൈക്ക പ്രൊഡക്ഷൻസ് ഇപ്പോൾ പങ്കുവെച്ചിരിക്കുന്നത്. ഈ മാസം 11ന് ആണ് ചിത്രത്തിന്റെ റിലീസ്. ‘തുനിവി’ന്റെ ഓടിടി പാർട്ണറെയും ഇതിനകം തന്നെ പ്രഖ്യാപിച്ചിച്ചിട്ടുണ്ട്. നെറ്റ്ഫ്‌ലിക്‌സിലാണ് ചിത്രം സ്ട്രീം ചെയ്യുക. തിയറ്ററർ റീലിസീന് ശേഷമാകും ഒടിടിയിൽ ചിത്രം സ്ട്രീം ചെയ്ത് തുടങ്ങുക. ബോണി കപൂറാണ് ചിത്രം നിർമിക്കുന്നത്.
