നാനി-മൃണാൾ താക്കൂർ കൂട്ടുകെട്ട്; പുതിയ ചിത്രം പ്രഖ്യാപിച്ചു

തെലുങ്ക് പ്രേക്ഷകരുടെ പ്രിയപ്പെട്ട താരങ്ങളിൽ ഒരാളായ നാനിയുടെ പുതിയ ചിത്രം പ്രഖ്യാപിച്ചു. ‘നാനി 30’ എന്ന വിളിപ്പേരിലായിരിക്കും ചിത്രം താൽക്കാലികമായി അറിയപ്പെടുന്നത്. നവാഗതനായ ഷൗര്യൂവ് ആണ് സംവിധാനം. ചിത്രത്തിന്റെ ആദ്യ ഗ്ലിംപ്‌സും പുറത്തുവിട്ടു.

‘സീതാ രാമം’ എന്ന സൂപ്പർ ഹിറ്റ് ചിത്രത്തിലൂടെ രാജ്യമൊട്ടാകെ ആരാധകരെ നേടിയ മൃണാൾ താക്കൂറാണ് നാനിയുടെ നായികയായി എത്തുന്നത്. ഇതാദ്യമായിട്ടാണ് നാനിയും മൃണാൾ താക്കൂറും ഒന്നിച്ച് വെള്ളിത്തിരയിൽ എത്തുന്നത്. ചിത്രത്തിന്റെ കൂടുതൽ വിവരങ്ങൾ അണിയറ പ്രവർത്തകർ പുറത്തുവിട്ടിട്ടില്ല.

മോഹൻ ചെറുകുറി, ഡോ. വിജേന്ദ്ര റെഡ്ഡി. മൂർത്തി കെ എസ് എന്നിവരാണ് ചിത്രം നിർമിക്കുന്നത്. നാനി നായകനായി എത്തുന്ന ‘ദസറ’ എന്ന ചിത്രമാണ് റിലീസിന് തയ്യാറായിക്കൊണ്ടിരിക്കുന്നത്. ശ്രീകാന്ത് ഒഡേലയാണ് നാനിയുടെ ചിത്രം സംവിധാനം ചെയ്യുന്നത്. സത്യൻ സൂര്യൻ ഐഎസ്എസിയാണ് ഛായാഗ്രാഹകൻ. കീർത്തി സുരേഷാണ് ചിത്രത്തിലെ നായിക.

NANI – MRUNAL THAKUR: NANI30 FIRST GLIMPSE UNVEILS… #Nani and #MrunalThakur team up for the first time for #Nani30 [not titled yet]… Debutant #Shouryuv directs the #Telugu film… #FirstGlimpse [with #English subtitles]… pic.twitter.com/TaKN8Txu2U

— taran adarsh (@taran_adarsh) January 1, 2023