സൈനു ചാവക്കാടന്റെ സംവിധാനത്തിൽ ഒരുങ്ങുന്ന പോയിന്റ് റേഞ്ച് എന്ന ചിത്രത്തിന്റെ ചിത്രീകരണം പൂർത്തിയായി. കോഴിക്കോട് ,പോണ്ടിച്ചേരി എന്നിവിടങ്ങളിലായിരുന്നു ചിത്രീകരണം. ശരത് അപ്പാനി, റിയാസ്ഖാൻ, ഹരീഷ് പേരടി, ചാർമിള, മുഹമ്മദ് ഷാരിക്, സനൽ അമാൻ, ഷഫീക് റഹിമാൻ, ജോയി ജോൺ ആന്റണി,ആരോൾ ഡി ഷങ്കർ, രാജേഷ് ശർമ,അരിസ്റ്റോ സുരേഷ്, ബിജു കരിയിൽ ( ഗാവൻ റോയ്), പ്രേംകുമാർ വെഞ്ഞാറമൂട്, ഡയാന ഹമീദ്, സുമി സെൻ, ഫെസ്സി പ്രജീഷ് തുടങ്ങി മലയാളത്തിലേയും തമിഴിലേയും പ്രമുഖ താരങ്ങൾ ആണ് ചിത്രത്തിൽ അണിനിരക്കുന്നത്.
മിഥുൻ സുബ്രന്റെ കഥയ്ക്ക് ബോണി അസ്സനാർ ആണ് ചിത്രത്തിന്റെ തിരക്കഥ രചന നിർവ്വഹിക്കുന്നത്. ടോൺസ് അലക്‌സാണ് ചിത്രത്തിന്റെ ഛായാഗ്രഹണവും ചിത്രസംയോജനവും നിർവഹിക്കുന്നത്. സഹനിർമ്മാണം സുധീർ 3ഉ ക്രാഫ്റ്റ്. ചിത്രത്തിലെ ഗാനങ്ങൾ രചിച്ചിരിക്കുന്നത് ഫ്രാൻസിസ് ജിജോയും, അജയ് ഗോപാലും, അജു സാജനും ചേർന്നാണ്.
ഇവരുടെ വരികൾക്ക് പ്രദീപ് ബാബു, ബിമൽ പങ്കജ്, സായി ബാലൻ എന്നിവർ ചേർന്നാണ് ഈണം പകർന്നിരിക്കുന്നത്. പ്രൊഡക്ഷൻ കൺട്രോളർ : ഹോച്ചിമിൻ കെ സി, കലാസംവിധാനം: ഷെരീഫ് CKDN. ഡിഎം പ്രൊഡക്ഷൻ ഹൗസിന്റെ ബാനറിൽ ഷിജി മുഹമ്മദും തിയ്യാമ്മ പ്രൊഡക്ഷൻസും ചേർന്നു നിർമ്മിക്കുന്ന ആക്ഷൻ ത്രില്ലർ ചിത്രമായ പോയിന്റ് റേഞ്ച് മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലായിട്ടാണ് റിലീസിനൊരുങ്ങുന്നത്.
