വിജയിയുടെ ഏറ്റവും പുതിയതായി ഇറങ്ങാനുള്ള ചിത്രമാണ് വാരിസ്. ആരാധകരും ഒന്നടങ്കം അക്ഷമയോടെ കാത്തിരിക്കുകയും ചെയ്യുന്ന ചിത്രം കൂടിയാണ് ഇത്. ചിത്രത്തിന്റെ ഓരോ അപ്‌ഡേറ്റ്‌സും പ്രേക്ഷകർ ഇരുകൈയും നീട്ടി സ്വീകരിക്കാറുണ്ട്. നേരത്തെ പുറത്തിറങ്ങിയ ചിത്രത്തിലെ ഗാനങ്ങളും തരംഗം തീർത്തിരുന്നു. എസ് തമന്റെ സംഗീത സംവിധാനത്തിലുള്ള ചിത്രത്തിലെ ‘രഞ്ജിതമേ’, ‘തീ ദളപതി’, ‘സോൾ ഓഫ് വാരിസ്’, ‘ജിമിക്കി പൊണ്ണ്’, ‘വാ തലൈവാ’ എന്നീ ഗാനങ്ങൾ ആണ് പുറത്ത് വിട്ടത്.
ഇപ്പോൾ ചിത്രത്തിന്റ റണ്ണിംഗ് ടൈമിനെ കുറിച്ചുള്ള വാർത്തയാണ് പുറത്ത് വരുന്നത്. ‘വാരിസി’ന്റെ റണ്ണിംഗ് ടൈം രണ്ട് മണിക്കൂറും 43 മിനിറ്റുമാണ് എന്നാണ് പുറത്തുവരുന്ന വിവരം.
കാർത്തിക് പളനിയാണ് ചിത്രത്തിന്റെ ഛായാഗ്രാഹണം നിർവഹിക്കുന്നത്. പ്രവീൺ കെ എൽ ചിത്രസംയോജനം നിർവഹിക്കുന്ന ചിത്രം പൊങ്കൽ റിലീസായിട്ടായിരിക്കും തിയറ്ററുകളിൽ എത്തുക. ശ്രീ വെങ്കടേശ്വര ക്രിയേഷൻസിൻറെ ബാനറിൽ ദിൽ രാജുവും ശിരീഷും ചേർന്നായിരിക്കും ചിത്രത്തിൻറെ നിർമ്മാണം. ഈ നിർമ്മാണ കമ്പനിയുടെ ആദ്യ തമിഴ് ചിത്രം കൂടിയാണിത്.
വാരിസ് ഫാമിലി എൻറർടെയ്‌നർ വിഭാഗത്തിൽ പെടുന്ന ചിത്രമാണ്. വിജയ്ക്ക് പുറമേ രശ്മിക മന്ദാന, ശരത് കുമാർ, പ്രകാശ് രാജ്, ശ്യാം, പ്രഭു, ജയസുധ, ശ്രീകാന്ത്, ഖുശ്ബു, സംഗീത കൃഷ്ണ തുടങ്ങിയ വൻ താരനിര തന്നെയാണ് ചിത്രത്തിൽ അണിനിരക്കുന്നത്. വിജയ്‌യുടെ അറുപത്തിയാറാം ചിത്രമാണ് ഇത്. തമിഴിലും തെലുങ്കിലുമായിട്ടാണ് ചിത്രം എത്തുക.
#Varisu runtime — 2hrs 43mins.
— LetsCinema (@letscinema) December 29, 2022
