മക്ബൂൽ സൽമാനെ നായകനാക്കി സൂരജ് സുകുമാരൻ നായർ സംവിധാനം ചെയ്ത ‘റൂട്ട് മാപ്പ്’ എന്ന ചിത്രം സൈനപ്ലേ ഒടിടിയിൽ പ്രദർശനത്തിനെത്തി. ലോക്ഡൗൺ പശ്ചാത്തലമാക്കി കഥ പറയുന്ന ‘റൂട്ട്മാപ്പ്’ കോവിഡ് നിയന്ത്രണങ്ങൾ പാലിച്ച് തിരുവനന്തപുരത്തും ചെന്നൈയിലുമായിട്ടാണ് ചിത്രീകരണം പൂർത്തിയാക്കിയത്.
പത്മശ്രീ മീഡിയ ഹൗസിന്റെ ബാനറിൽ ശബരി നാഥ് നിർമ്മിക്കുന്ന ഈ ചിത്രത്തിൽ ആനന്ദ് മന്മഥൻ, ഷാജു ശ്രീധർ, നോബി, ഗോപു കിരൺ, സിൻസീർ, ശ്രുതി റോഷൻ, നാരായണൻ കുട്ടി, ജോസ്, സജീർ സുബൈർ, ലിൻഡ, അപർണ, ഭദ്ര തുടങ്ങിയവരാണ് പ്രധാനമായും വേഷമിടുന്നത്.
കോവിഡ് കാലത്ത് രണ്ടു ഫ്ളാറ്റുകളിലായി നടക്കുന്ന ചില സംഭവങ്ങൾ പ്രമേയമാക്കി അവതരിപ്പിക്കുന്ന ഈ ചിത്രത്തിന്റെ തിരക്കഥ സംഭാഷണം അരുൺ കായംകുളം ആണ് നിർവ്വഹിക്കുന്നത്. ആഷിഖ് ബാബു ഛായാഗ്രഹണം നിർവ്വഹിക്കുന്നു. പ്രശാന്ത് കർമ്മ, അശ്വിൻ വർമ്മ എന്നിവർ ചേർന്ന് സംഗീതം പകരുന്നു. എഡിറ്റർ- കൈലാഷ് എസ് ഭവൻ.
