ന്യൂഡൽഹി: ലോക്സഭക്ക് പകരം രാജ്യസഭയിൽ മാറി കയറി കെപിസിസി പ്രസിഡന്റ് കെ സുധാകരൻ. പാര്‍ലമെന്‍റിന്‍റെ ശീതകാല സമ്മേളനത്തിന് എത്തിയതായിരുന്നു സുധാകരൻ. രാജ്യസഭയിലേക്ക് എത്തിയ എം.പി ലോക്സഭാംഗമാണെന്ന് പെട്ടെന്ന് സുരക്ഷ ഉദ്യോഗസ്ഥർക്കും മനസ്സിലായില്ല. രാജ്യസഭയിൽ കയറി ഇരിപ്പിടം അന്വേഷിക്കുന്നതിനിടയിൽ ജെബി മേത്തർ എം.പിയെ കണ്ടപ്പോഴാണ് സഭ മാറിപ്പോയെന്ന് സുധാകരൻ തിരിച്ചറിഞ്ഞത്.
പാര്‍ലമെന്‍റിന്‍റെ പ്രധാന കവാടത്തിൽ നിന്ന് ലോക്സഭയിലേക്ക് പോകണമെങ്കിൽ വലത്തോട്ടും രാജ്യസഭയിലേക്ക് പോകണമെങ്കിൽ ഇടത്തോട്ടും നടക്കണം. പാര്ലമെന്റിലേക്കുള്ള വരവ് വല്ലപ്പോഴും മാത്രമായാൽ ഇത്തരം സംശയങ്ങളുണ്ടാകുമെന്ന് കോൺഗ്രസ് എം പിമാർ തന്നെ അടക്കംപറയുന്നു.
