നടൻ അനൂപ് മേനോൻ കേന്ദ്രകഥാപാത്രത്തിലെത്തുന്ന ഏറ്റവും പുതിയ ചിത്രം തിമിംഗലവേട്ടയുടെ ചിത്രീകരണത്തിന് തുടക്കമായി. തികച്ചും ലളിതമായ ചടങ്ങിൽ നിർമ്മാതാവ് സജിമോൻ, കെ.ജി.പുരുഷോത്തമൻ ,ജയൻ (രജപുത്രാ ഔട്ട് ഡോർ യൂണിറ്റ്, ) റോണക്‌സ് സേവ്യർ, അരുൺ മനോഹർ, കണ്ണൻ ആതിരപ്പള്ളി, അരുൺ മനോഹർ എന്നിവർ ചേർന്ന് ഈ ചടങ്ങ് പൂർത്തീകരിച്ചു. തുടർന്ന് സജിമോൻ സ്വിച്ചോൺ കർമ്മവും അനൂപ് മേനോൻ ഫസ്റ്റ് ക്ലാപ്പും നൽകി. ഇതോടെയാണ് തിമിംഗലവേട്ട എന്ന ചിത്രത്തിന്റെ ചിത്രീകരണത്തിന് തുടക്കമായത്.
തിരുവന്തപുരം കോവളത്തുള്ള ഒരു റിസോർട്ടിലാണ് ചിത്രീകരണം നടത്തുന്നത്. രാകേഷ് ഗോപൻ സംവിധാനം ചെയ്യുന്ന ഈ ചിത്രം വി.എം.ആർ.ഫിലിംസിന്റെ ബാനറിൽ സജിമോനാണ് നിർമ്മിക്കുന്നത്. ജനാധിപത്യചേരിയിൽ വിശ്വസിക്കുന്ന, രാഷ്ട്രീയ രംഗത്ത് വലിയ സ്വപ്നങ്ങളുള്ള ജയരാമൻ എന്ന യുവജനനേതാവായാണ് അനൂപ് മേനോൻ ചിത്രത്തിൽ പ്രത്യക്ഷപ്പെടുന്നത്.
തലസ്ഥാന നഗരിയിലെ രാഷ്ട്രീയ സംഭവങ്ങൾ തികച്ചും നർമ്മമുഹൂർത്തങ്ങളാണ് ചിത്രത്തിൽ പ്രമേയമാകുന്നത്. തികഞ്ഞ പൊളിറ്റിക്കൽ സ്റ്റയർ രൂപത്തിൽ അവതരിപ്പിക്കുന്ന ഈ ചിത്രത്തിൽ കലാഭവൻ ഷാജോണും, ബൈജു സന്തോഷും പ്രധാന വേഷത്തിലെത്തുന്നുണ്ട്. കൂടാതെ, വിജയരാഘവൻ, രമേഷ് പിഷാരടി, മണിയൻ പിള്ള രാജു, നന്ദു, കോട്ടയം രമേഷ്, ബാലചന്ദ്രൻ ചുള്ളിക്കാട്, ബൻസി മാത്യു, രാജ്കുമാർ ,മനോജ് (കെ.പി.എ.സി) പി.പി.കുഞ്ഞിക്കണ്ണൻ ഉണ്ണി ചിറ്റൂർ, മാഷ് (ന്നാ താൻ കേസ് കൊട് ഫെയിം) എന്നിവരും ചിത്രത്തിൽ അണിനിരക്കുന്നു.
ഹരി നാരായണന്റെ വരികൾക്ക് നൗഫൽ അബ്ദുള്ള എഡിറ്റിംഗ്യം നിർവഹിക്കുന്നു. കലാസംവിധാനം – കണ്ണൻ ആതിരപ്പള്ളി, മേക്കപ്പ് – റോണക്‌സ് സ്റ്റേർ ,കോസ്റ്റ്യം – ഡിസൈൻ – അരുൺ മനോഹർ. ഫിനാൻസ് കൺട്രോളർ-സന്തോഷ് ബാലരാമപുരം. ലൊക്കേഷൻ മാനേജർ സന്തോഷ് അരുവിപ്പുറം’ പ്രൊഡക്ഷൻ എക്‌സികുട്ടീവ് -ഹരി കാട്ടാക്കട, പ്രൊഡക്ഷൻ കൺട്രോളർ- എസ്.മുരുകൻ തുടങ്ങിയവരാണ് ചിത്രത്തിന്റെ അണിയറ പ്രവർത്തകർ.
