‘തലയിൽ കുറച്ച് മുടിയില്ല എന്നെയുള്ളൂ, ഭയങ്കര ബുദ്ധിയാണ്’ നടൻ ജൂഡ് ആന്റണിയെ കുറിച്ച് മെഗാസ്റ്റാർ മമ്മൂട്ടി പറഞ്ഞ വാക്കുകളാണ് ഇത്. ജൂഡ് ആന്റണിയുടെ ഏറ്റവും പുതിയ ചിത്രമായ 2018 ന്റെ ടീസർ ലോഞ്ച് വേളയിലാണ് മമ്മൂട്ടിയുടെ പരാമർശം. ടീസർ കണ്ടിട്ട് വലിയ സന്തോഷം തോന്നിയെന്നും ജൂഡ് ആന്തണിയുടെ തലയിൽ കുറച്ചു മുടി കുറവുണ്ടെന്നെയുള്ളൂ തലയിൽ ബുദ്ധിയുണ്ടെന്നുമാണ് താരം പറഞ്ഞത്.
ഈ പരാമർശത്തിന് പിന്നാലെ നിരവധി പേർ നടനെതിരെ വിമർശനവുമായി രംഗത്ത് വന്നു. ബോഡിഷെയിമിംഗ് നടത്തിയെന്നായിരുന്നു ഉയർന്ന വിമർശനം. ഇതോടെയാണ് പ്രതികരണവുമായി ജൂഡ് ആന്റണി തന്നെ പരസ്യമായി രംഗത്ത് വന്നത്. മമ്മൂക്ക എന്റെ മുടിയെക്കുറിച്ചു പറഞ്ഞത് ബോഡി ഷെമിങ് ആണെന്ന് പൊക്കിപ്പിടിച്ചുക്കൊണ്ടു വരുന്നവരോട് . എനിക്ക് മുടി ഇല്ലാത്തതിൽ ഉള്ള വിഷമം എനിക്കോ എന്റെ കുടുംബത്തിനോ ഇല്ല .
ഇനി അത്രേം concern ഉള്ളവർ മമ്മൂക്കയെ ചൊറിയാൻ നിക്കാതെ എന്റെ മുടി പോയതിന്റെ കാരണക്കാരായ ബാംഗ്ലൂർ കോര്പറേഷൻ വാട്ടർ , വിവിധ ഷാംപൂ കമ്പനികൾ ഇവർക്കെതിരെ ശബ്ദമുയർത്തുവിൻ . ഞാൻ ഏറെ ബഹുമാനിക്കുന്ന ആ മനുഷ്യൻ ഏറ്റവും സ്‌നേഹത്തോടെ പറഞ്ഞ വാക്കുകളെ ദയവു ചെയ്തു വളച്ചൊടിക്കരുതെന്ന് ജൂഡ് ആന്റണി ഫേസ്ബുക്കിലൂടെ കുറിച്ചു.
മുടിയില്ലാത്തതിൽ അഹങ്കരിക്കുന്ന ഒരുവൻ എന്ന് എഴുതികൊണ്ടാണ് താരം കുറിപ്പ് അവസാനിപ്പിക്കുന്നത്. 2018എന്ന ചിത്രത്തിന്റെ ടീസർ പ്രേക്ഷകരെ ത്രില്ലടിപ്പിക്കുന്നതും പല ഓർമകളിലേയ്ക്കും തള്ളി വിടുന്നതും കൂടിയായിരുന്നു. മഹാപ്രളയത്തെ മലയാള മണ്ണ് അതിജീവിച്ചതാണ് 2018 ൽ പ്രമേയമാകുന്നത്.
https://www.facebook.com/700660798/posts/pfbid01AnWkyQzFK286XQP3KFVsfjyiqtPoQDgobV8QMPpzcpv1hWZQ6YZ5rjvMvkxBhtUl/?mibextid=Nif5oz
