പൃഥ്വിരാജ്, ആസിഫ് അലി, അപർണ്ണ ബാലമുരളി എന്നിവരെ കേന്ദ്ര കഥാപാത്രങ്ങളാക്കി ഷാജി കൈലാസ് സംവിധാനം ചെയ്ത ‘കാപ്പ’യുടെ ട്രെയിലർ പുറത്ത് വിട്ടു. ഇരുവരും തീപാറുന്ന പോരാട്ടമാണ് ചിത്രത്തിൽ കാഴ്ചവെച്ചിരിക്കുന്നതെന്നാണ് ട്രെയിലർ നൽകുന്ന സൂചന. ജിനു വി ഏബ്രഹാം, ഡോൾവിൻ കുര്യാക്കോസ്, ദിലീഷ് നായർ എന്നിവരുടെ പങ്കാളിത്തത്തിൽ ആരംഭിച്ച തിയറ്റർ ഓഫ് ഡ്രീംസ്, ഫെഫ്ക റൈറ്റേഴ്സ് യൂണിയന്റെ സഹകരണത്തിലാണ് നിർമ്മിച്ചത്.
ചിത്രത്തിൽ കോട്ട മധുവമായിട്ടാണ് പൃഥ്വിരാജ് എത്തുന്നത്. ജി.ആർ. ഇന്ദുഗോപന്റെതാണ് തിരക്കഥ. തിരുവനന്തപുരം നഗരത്തിലെ അധോലോകത്തിന്റെ കഥ പറയുന്ന ഇന്ദുഗോപന്റെ പ്രശസ്ത നോവൽ ‘ശംഖുമുഖി’യാണ് ചിത്രത്തിന്റെ പ്രമേയമാകുന്നത്. ക്രിസ്മസ് റിലീസ് ആയി ഡിസംബർ 22നാണ് സരിഗമയും തിയറ്റർ ഓഫ് ഡ്രീംസും ചേർന്നാണ് ചിത്രം തിയറ്ററുകളിൽ എത്തിക്കുന്നത്.
അപർണ ബാലമുരളിയാണ് ചിത്രത്തിൽ നായിക വേഷത്തിൽ എത്തുന്നത്. തിരുവനന്തപുരത്തെ ലോക്കൽ ഗുണ്ടകളുടെ പശ്ചാത്തലത്തിലാണ് കാപ്പയുടെ കഥ പറയുന്നത്. അന്ന ബെൻ, ദിലീഷ് പോത്തൻ, ജഗദീഷ്, നന്ദു എന്നിവരും ചിത്രത്തിൽ കേന്ദ്രകഥാപാത്രത്തിലെത്തുന്നുണ്ട്.
