താമര വിരിഞ്ഞത് കൈക്കുമ്പിളിൽ; തകർന്നടിഞ്ഞ് കോൺഗ്രസ്

വെള്ളവും വളവും നൽകി താമരയെ രാജ്യത്തെല്ലായിടത്തും വിരിയിയിപ്പിക്കുന്നത് കോൺഗ്രസാണെന്ന് ഊട്ടിയുറപ്പിക്കുകയാണ് ഗുജറാത്ത് തെരഞ്ഞെടുപ്പ്. 2017ൽ 77 സീറ്റു നേടിയ കോൺഗ്രസിന് 5 വർഷങ്ങൾക്കിപ്പുറം കിട്ടിയത് വെറും 17 സീറ്റാണ്. നഷ്ടമായത് അറുപത് സീറ്റുകളും. കൈപ്പത്തിയിൽ മത്സരിച്ചവരെല്ലാം ഗുജറാത്തിൽ തകർന്നടിഞ്ഞപ്പോൾ കോൺഗ്രസ് വിട്ട് ബിജെപിയിലെത്തിയ മഹാഭൂരിപക്ഷം നേതാക്കളും വിജയിച്ചത് റെക്കോർഡ് ഭൂരിപക്ഷത്തിലാണ്.