ഹോംബാലേ ഫിലിംസ് നിർമ്മിക്കുന്ന തമിഴ് ചിത്രം രഘുതാത്തയുടെ സ്‌കെച്ച് പോസ്റ്റർ പുറത്തു വിട്ടു. സുമൻ കുമാർ സംവിധാനം നിർവ്വഹിക്കുന്ന ചിത്രത്തിൽ മലയാളത്തിൻ്റെ പ്രിയപ്പെട്ട നടി കീർത്തി സുരേഷ് ആണ്. ഒരു ഗ്രാമത്തിലെ കർഷക രഘുതാത്ത എന്ന അടിക്കുറിപ്പോടെയാണ് കീർത്തി ചിത്രത്തിൻ്റെ സ്‌കെച്ച് പോസ്റ്റർ പങ്കുവെച്ചത്. കീർത്തിയെയാണ് പോസ്റ്ററിൽ സ്‌കെച്ച് ചെയ്തിരിക്കുന്നത്. വിപ്ലവം വീട്ടിൽ വെച്ചാണ് തുടങ്ങുന്നതെന്നാണ് പോസ്റ്ററിലെ വാക്യം.
ഇന്ത്യൻ സിനിമയെ ഇളക്കി മറിച്ച കന്നഡ ചിത്രം കെ.ജി.എഫ് പ്രൊഡ്യൂസ് ചെയ്തത് ഹോംബാലേയാണ്. പ്രഭാസ് നായകനാവുന്ന സലാർ, കാന്താര തുടങ്ങിയ പാൻ ഇന്ത്യൻ ചിത്രങ്ങൾ പ്രൊഡ്യൂസ് ചെയ്ത ഹോംബാലേ കന്നഡ ഇൻഡസ്ട്രിയെ അടക്കി വാഴുകയാണ്.
ഇതിന് പിന്നാലെയാണ് ഹോംബാല തമിഴിലേയ്ക്കും ചുവടുവെയ്ക്കുന്നത്. ഹോംബാലെയുടെ ബാനറിൽ പുറത്തിറങ്ങിയ അവസാന ചിത്രമായ കാന്താര വലിയ കളക്ഷനാണ് ഉണ്ടാക്കിയത്. റിഷഭ് ഷെട്ടി നായകനായ ചിത്രം സെപ്റ്റംബർ 30നാണ് കർണാടകയിൽ റിലീസ് ചെയ്തത്. കേരളത്തിലും മികച്ച പ്രതികരണമാണ് ചിത്രത്തിന് ലഭിച്ചത്.
https://www.facebook.com/ActressKeerthySuresh/posts/pfbid0WQp8VamjkdggdUCDW2sfBWoN7s2KjkpNEESmnrVkJTth7Mf3r6S3QW9k1Aa8t7dpl
