പോലീസും ദളിത് രാഷ്ട്രീയവും കോർത്തിണക്കി ത്രില്ലർ പശ്ചാത്തലത്തിൽ ഒരുങ്ങുന്ന ചിത്രം ഭാരത സർക്കസ് റിലീസിനൊരുങ്ങുന്നു. ബിനു പപ്പു, ഷൈൻ ടോം ചാക്കോ, സംവിധായകൻ എം.എ നിഷാദ് തുടങ്ങിയവർ കേന്ദ്രകഥാപാത്രങ്ങളാകുന്ന ചിത്രം ഡിസംബർ 9നാണ് പ്രദർശനത്തിനെത്തുന്നത്. സുധീർ കരമന,ജാഫർ ഇടുക്കി, പ്രജോദ് കലാഭവൻ,സുനിൽ സുഖദ,ജയകൃഷ്ണൻ ,പാഷാണം ഷാജി, ആരാധ്യ ആൻ, മേഘ തോമസ്, അഭിജ ശിവകല, ദിവ്യ എം.നായർ, മീര നായർ, അനു നായർ, ജോളി ചിറയത്ത്, ലാലി പി .എം തുടങ്ങിയവരാണ് ചിത്രത്തിലെ മറ്റു താരങ്ങൾ.
പോലീസ് സ്റ്റേഷനിലേക്ക് എന്ത് പരാതിയുമായിട്ടാണ് ലക്ഷ്മണൻ കാണി എന്ന ആദിവാസി എത്തുന്നത്, നിയമ സംവിധാനം എങ്ങിനെയാണ് അയാളോട് പെരുമാറുന്നത് ഈ ചോദ്യങ്ങളാണ് സിനിമയിലുടനീളം പറയുന്നത്. നേരത്തെ പുറത്തിറങ്ങിയ ട്രെയിലർ പ്രേക്ഷകരിൽ ആവേശം ഉണർത്തിയിരുന്നു. മികച്ച പ്രതികരണമാണ് ട്രെയിലറിന് ലഭിച്ചത്. ബെസ്റ്റ് വേ എന്റർടെയ്ൻമെന്റിൻ്റെ ബാനറിൽ അനൂജ് ഷാജിയാണ് ചിത്രം നിർമിച്ചത്. ചിത്രത്തിലെ നേരത്തെ തന്നെ പുറത്തിറക്കിയ പി.എൻ.ആർ കുറുപ്പിൻ്റെ കവിത പുലയാടി മക്കൾ ഏറെ ശ്രദ്ധ നേടിയിരുന്നു.
ഈ കവിതയുടെ റീമിക്സാണ് സിനിമയിൽ ഉപയോഗിച്ചിട്ടുള്ളത്. ഭാരത സർക്കസിൻ്റെ തിരക്കഥ രചിച്ചിരിക്കുന്നത് മുഹാദ് വെമ്പായം ആണ്. ബിനു കുര്യൻ ഛായാഗ്രഹണവും ബിജിബാൽ സംഗീതവും നിർവഹിക്കുന്നു. എഡിറ്റർ- വി.സാജൻ, പ്രൊഡക്ഷൻ കൺട്രോളർ- ദീപക് പരമേശ്വരൻ, ഗാനരചന- ബി.കെ ഹരിനാരായണൻ, കവിത- പിഎൻആർ കുറുപ്പ്.
കലാസംവിധാനം- പ്രദീപ്, മേക്കപ്പ്- റോണക്സ് സേവ്യർ, കോസ്റ്റ്യൂം- അരുണ് മനോഹർ, കോ-ഡയറക്ടർ- പ്രകാശ് കെ. മധു, സൗണ്ട് ഡിസൈൻ- ഡാൻ, പ്രൊഡക്ഷൻ എക്സികുട്ടീവ്- നസീർ കാരന്തൂർ, സ്റ്റിൽസ്- നിദാദ്, ഡിസൈൻ- കോളിൻസ് ലിയോഫിൽ- പി.ആർ.ഒ- എ.എസ് ദിനേശ്. മാർക്കറ്റിംഗ് ആന്റ് പി.ആർ സ്ട്രാറ്റജി- കണ്ടന്റ് ഫാക്ടറി. സോഷ്യൽ മീഡിയ ബ്രാന്റിംഗ്- ഒബ്സ്‌ക്യൂറ. ഷോബിസ് സ്റ്റുഡിയോസാണ് ചിത്രത്തിൻ്റെ വിതരണം. തുടങ്ങിയവരാണ് ചിത്രത്തിൻ്റെ അണിയറയിൽ പ്രവർത്തിച്ചിരിക്കുന്നത്.
