മനോജ് കാന സംവിധാനം ചെയ്യുന്ന ‘ഖെദ്ദ’ കാണുന്നവർക്ക് ഖത്തർ ലോകകപ്പ് കാണാൻ അവസരം ഒരുക്കുന്നു. അക്ബർ ട്രാവൽസ് ആണ് വേറിട്ട അവസരം ഒരുക്കുന്നത്. ഡിസംബർ 10നുള്ള ഷോ വരെയാണ് അവസരം. ഡിസംബർ 12 ന് വിജയികളെ പ്രഖ്യാപിക്കുന്നതാണ്. ഖെദ്ദ വെള്ളിയാഴ്ചയാണ് തീയേറ്ററുകളിലേയ്ക്ക് എത്തുന്നത്. ചിത്രം കാണാനുള്ള ടിക്കെറ്റെടുത്ത് അതിൻ്റെ പുറകിൽ സ്വന്തം പേരും മൊബൈൽ ഫോൺ നമ്പറും എഴുതി തിയേറ്ററിൽ വെച്ചിട്ടുള്ള പ്രത്യേക ബോക്‌സിൽ നിക്ഷേപിക്കുക.
ആശാ ശരത്തും മകൾ ഉത്തര ശരത്തും ആണ് ചിത്രത്തിൽ കേന്ദ്ര കഥാപാത്രങ്ങളായി എത്തുന്നത്. ഉത്തര ശരത്ത് ആദ്യമായി ബിഗ് സ്‌ക്രീനിലേയ്ക്ക് എത്തുന്ന ചിത്രം കൂടിയാണിത്. ‘ഖെദ്ദ’ ഒരു കെണി രീതിയാണ്. അധികമാർക്കും പരിചിതമല്ലാത്ത ഒരു കെണി. ഖെദ്ദ പ്രണയത്തിൽ പെട്ടു പോകുന്നവരുടെ ജീവിതമാണ് പറയുന്നത്. മാതൃത്വം, സ്‌നേഹം, പ്രണയം തുടങ്ങിയ സുധീർ കരമന, സുദേവ് നായർ, സരയു, ജോളി ചിറയത്ത്,കബനി, ബാബു കിഷോർ തുടങ്ങിയവരും പ്രധാന വേഷങ്ങളിൽ എത്തുന്നുണ്ട്.
ചിത്രത്തിൻ്റെ കഥയും തിരക്കഥയും ഒരുക്കിയിരിക്കുന്നതും മനോജ് കാനയാണ്. ബെൻസി പ്രൊഡക്ഷൻസിൻ്റെ ബാനറിൽ കെ.വി അബ്ദുൾ നാസർ ആണ് ചിത്രം നിർമ്മിക്കുന്നത്. ചിത്രത്തിൻ്റെ ഛായാഗ്രഹണം പ്രതാപ് പി നായർ, എഡിറ്റിംഗ് മനോജ് കണ്ണോത്ത്, സംഗീതം ശ്രീവൽസൻ ജെ മേനോൻ, ഗാനരചന മനോജ് കുറൂർ,കോസ്റ്റ്യൂം അശോകൻ ആലപ്പുഴ, മേക്കപ്പ് പട്ടണം ഷാ, സുബിൻ ലളിത, ആർട്ട് രാജേഷ് കൽപ്പത്ത്, പ്രൊഡക്ഷൻ കൺട്രോളർ ഹരി വെഞ്ഞാറമൂട്, അസോസിയേറ്റ് ഡയറക്ടർ ഉമേഷ് അംബുജേന്ദ്രൻ, സൗണ്ട് ഡിസൈൻ റോബിൻ കുഞ്ഞുകുട്ടി, മനോജ് കണ്ണോത്ത്. നൃത്തം ബിജു ധ്വനിതരംഗ്. സ്റ്റിൽസ് വിനീഷ് ഫ്‌ലാഷ് ബാക്ക്, പി ആർ ഒ മഞ്ജു ഗോപിനാഥ്, തുടങ്ങിയവരാണ് ചിത്രത്തിൻ്റെ അണിയറയിൽ പ്രവർത്തിച്ചിരിക്കുന്നത്.
https://www.facebook.com/watch/?v=681694123521684
