കൊച്ചി: മഹാരാജാസിൽ എസ്എഫ്ഐ വിജയത്തിൽ ആവേശം പകർന്ന് രക്തസാക്ഷി അഭിമന്യുവിന്റെ സഹോദരൻ. വിജയാഹ്ളാദ പ്രകടനത്തിൽ ഉച്ചത്തിൽ മുദ്രാവാക്യം വിളിക്കുന്ന അഭിമന്യുവിൻ്റെ സഹോദരൻ പരിജിത്തിൻ്റെ വീഡിയോ സാമൂഹികമാധ്യമങ്ങളിൽ വൈറലാണ്. മഹാരാജാസിൽ മുഴുവൻ സീറ്റിലേക്കും വൻ ഭൂരിപക്ഷത്തിലാണ് എസ്എഫ്ഐ സ്ഥാനാർത്ഥികൾ വിജയിച്ചത്.
ടി എസ്‌ ശ്രീകാന്താണ്‌ ചെയർമാൻ. എം ആതിര (വൈസ്‌ ചെയർപേഴ്‌സൺ), എസ്‌ എസ്‌ റൂബി (ജനറൽ സെക്രട്ടറി), കെ നവനീത്‌, കെ കെ അമൽ (യുയുസിമാർ), ബി പ്രകൃതി, വി വിപഞ്ചിക (വനിതാ പ്രതിനിധികൾ), കെ എസ്‌ ശ്രീഹരി (ആർട്‌സ്‌ ക്ലബ്‌ സെക്രട്ടറി), തമീം റഹ്മാൻ (മാഗസിൻ എഡിറ്റർ).
എറണാകുളം ജില്ലയിൽ തെരഞ്ഞെടുപ്പ്‌ നടന്ന 48ൽ 40 കോളേജുകളിലും എസ്എഫ്ഐ വിജയിച്ചു. 17 കോളേജുകളിൽ എതിരില്ലാതെയാണ്‌ എസ്എഫ്ഐ വിജയിച്ചത്.
