പവർ സ്റ്റാർ രാം ചരൺ നായകനാവുന്ന പുതിയ പാൻ ഇന്ത്യൻ ചിത്രം പ്രഖ്യാപിച്ചു. ഉപ്പേന എന്ന ബ്ലോക്ക്ബസ്റ്റർ ചിത്രം സംവിധാനം ചെയ്ത ബുച്ചി ബാബു സനയുടെ അടുത്ത ചിത്രം കൂടിയാണിത്. പ്രമുഖ പ്രൊഡക്ഷൻ ഹൗസായ മൈത്രി മൂവി മേക്കേഴ്സ് അവതരിപ്പിക്കുന്ന ചിത്രം വെങ്കട സതീഷ് കിലാരു ആണ് നിർമിക്കുന്നത്.
വൃദ്ധി സിനിമാസിൻ്റെയും സുകുമാർ റൈറ്റിംഗ്‌സിൻ്റെയും ബാനറുകളിൽ ആണ് ചിത്രം ഒരുങ്ങുന്നത്. അതേസമയം, പാൻ ഇന്ത്യൻ ചിത്രമായി ഒരുങ്ങുന്ന പുതിയ ചിത്രത്തിൻ്റെ പേര് അണിയറ പ്രവർത്തകർ പുറത്തുവിട്ടിട്ടില്ല. വൈകാതെ പുറത്ത് വിടുമെന്നാണ് ലഭിക്കുന്ന വിവരം. മൈത്രി മൂവി മേക്കേഴ്സ് അവതരിപ്പിക്കുന്ന ചിത്രത്തിലെ മറ്റ് അണിയറ പ്രവർത്തകരെ വരും ദിവസങ്ങളിൽ പ്രഖ്യാപിക്കും.
ഒരു സ്‌പോർട്‌സ് ഡ്രാമയായാണ് ചിത്രം ഒരുങ്ങുന്നതെന്നാണ് ലഭിക്കുന്ന വിവരം. ‘ആവേശമുണ്ട്! ബുച്ചി ബാബു സനയ്ക്കും മുഴുവൻ ടീമിനുമൊപ്പം പ്രവർത്തിക്കാൻ കാത്തിരിക്കുന്നു.’ എന്നാണ് ചിത്രം പ്രഖ്യാപിച്ച് രാം ചരൺ ട്വിറ്ററിൽ കുറിച്ചത്. RRR എന്ന വമ്പൻ വിജയത്തിലൂടെ ബ്ലോക്ക്ബസ്റ്റർ നേടിയ രാം ചരൺ നിലവിൽ ശങ്കർ ഒരുക്കുന്ന പുതിയ ബിഗ് ബഡ്ജറ്റ് ചിത്രത്തിൽ അഭിനയിച്ചുവരികയാണ്.
Sometimes, Revolt becomes a necessity ❤️🔥
Mega Power Star @AlwaysRamCharan & Sensational director @BuchiBabuSana team up for a powerful subject and a Pan India entertainer 💥 #RamCharanRevolts 🔥
Produced by @vriddhicinemas & @SukumarWritings
Presented by @MythriOfficial pic.twitter.com/SisvkrbJo8
— Mythri Movie Makers (@MythriOfficial) November 28, 2022
