സംരംഭകവർഷം പദ്ധതി ആരംഭിച്ച് 235 ദിവസത്തിനുള്ളിൽ തൊഴിൽ നൽകിയത് 2 ലക്ഷത്തിലധികം ആളുകൾക്ക്. ഒരു വർഷം കൊണ്ട് ഒരുലക്ഷം സംരംഭങ്ങൾ ആരംഭിക്കാനാണ് പദ്ധതി ലക്ഷ്യമിട്ടതെങ്കിലും അതിനേക്കാൾ ഉയർന്ന നേട്ടം കൈവരിക്കാൻ നമുക്ക് സാധിക്കുമെന്നാണ് ഇപ്പോഴത്തെ കണക്കുകൾ വ്യക്തമാക്കുന്നതെന്ന് വ്യവസായ വകുപ്പ് മന്ത്രി പി രാജീവ്. നിക്ഷേപ സൗഹൃദമായ കേരളം പുതുചരിത്രം രചിക്കുകയാണ് സംരംഭക വർഷം പദ്ധതിയിലൂടെ. സർക്കാരിൻ്റെ ഭാഗത്തുനിന്നുണ്ടായിട്ടുള്ള നിക്ഷേപസൗഹൃദ നടപടികൾ സംരംഭകത്വത്തിലേക്ക് കാലെടുത്തു വെക്കുന്നതിന് ശങ്കിച്ചുനിന്നവരെയും പദ്ധതിയുടെ ഭാഗമാക്കാൻ സഹായിച്ചിട്ടുണ്ടെന്ന് മന്ത്രി ഫേസ്ബുക്കിൽ ഫേസ്ബുക്കിൽ കുറിച്ചു.
‘കേവലം 8 മാസങ്ങൾക്കുള്ളിൽ സംരംഭക വർഷം പദ്ധതി തകർത്ത റെക്കോർഡുകൾ നിരവധിയാണ്. സംരംഭങ്ങളുടെ എണ്ണത്തിലും നിക്ഷേപത്തിൻ്റെ കാര്യത്തിലും തൊഴിലവസരങ്ങളുടെ കാര്യത്തിലുമെല്ലാം സമാനതകളില്ലാത്ത നേട്ടമാണ് പദ്ധതി കൈവരിച്ചിരിക്കുന്നത്. പദ്ധതി ആരംഭിച്ച് 235 ദിവസമാകുമ്പോൾ 2 ലക്ഷത്തിലധികമാളുകൾക്ക് തൊഴിൽ നൽകാൻ സാധിച്ചത് ഉജ്വലമായ നേട്ടമാണ്. 5655.69 കോടി രൂപയുടെ നിക്ഷേപം കേരളത്തിലേക്ക് കടന്നുവന്നതിനൊപ്പം 92000 സംരംഭങ്ങളും പദ്ധതിയുടെ ഭാഗമായി ആരംഭിച്ചിട്ടുണ്ട്.’
‘ഒരു വർഷം കൊണ്ട് ഒരുലക്ഷം സംരംഭങ്ങൾ ആരംഭിക്കാനാണ് പദ്ധതി ലക്ഷ്യമിട്ടതെങ്കിലും അതിനേക്കാൾ ഉയർന്ന നേട്ടം കൈവരിക്കാൻ നമുക്ക് സാധിക്കുമെന്നാണ് ഇപ്പോഴത്തെ കണക്കുകൾ വ്യക്തമാക്കുന്നത്. നിക്ഷേപ സൗഹൃദമായ കേരളം പുതുചരിത്രം രചിക്കുകയാണ് സംരംഭക വർഷം പദ്ധതിയിലൂടെ. ഈ കാലയളവിനുള്ളിൽ മലപ്പുറം, എറണാകുളം, തൃശ്ശൂർ ജില്ലകളിൽ ഒൻപതിനായിരത്തിലധികം സംരംഭങ്ങൾ ആരംക്കാൻ സാധിച്ചിട്ടുണ്ട്. ഈ മൂന്ന് ജില്ലകളിലും ഇരുപതിനായിരം വീതം തൊഴിലവസരങ്ങളും സൃഷ്ടിക്കപ്പെട്ടിട്ടുണ്ട്. മറ്റ് ജില്ലകളിലും മികച്ച മുന്നേറ്റമാണ് പദ്ധതിയിലൂടെ ഉണ്ടായിട്ടുള്ളത്. സർക്കാരിൻ്റെ ഭാഗത്തുനിന്നുണ്ടായിട്ടുള്ള നിക്ഷേപസൗഹൃദ നടപടികൾ സംരംഭകത്വത്തിലേക്ക് കാലെടുത്തു വെക്കുന്നതിന് ശങ്കിച്ചുനിന്നവരെയും പദ്ധതിയുടെ ഭാഗമാക്കാൻ സഹായിച്ചിട്ടുണ്ട്. കേവലം 235 ദിവസം കൊണ്ട് 2 ലക്ഷം തൊഴിലവസരങ്ങൾ സൃഷ്ടിക്കാൻ സാധിച്ചെങ്കിൽ അവശേഷിക്കുന്ന 130 ദിവസങ്ങൾക്കുള്ളിൽ കേരളത്തിൻ്റെ വ്യാവസായിക ചരിത്രത്തിൽ സമാനതകളില്ലാത്ത നേട്ടം സംരംഭക വർഷം കൈവരിക്കുമെന്നാണ് സർക്കാർ പ്രതീക്ഷിക്കുന്നത്.’
200 ദിവസത്തിനുള്ളില്‍ 75000 സംരംഭങ്ങള്‍, ചരിത്രമെഴുതി വ്യവസായ വകുപ്പ്
സംരംഭക വർഷം പദ്ധതി; 6 മാസം കൊണ്ട് 4256 കോടിയുടെ നിക്ഷേപവും ഒന്നര ലക്ഷത്തോളം പേർക്ക് തൊഴിലും
