50-ാമത് കേരള സംസ്ഥാന ചലച്ചിത്ര പുരസ്‌കാരങ്ങൾ വാരിക്കൂട്ടിയ വാസന്തി എന്ന ചിത്രത്തിൻ്റെ ട്രെയിലർ പുറത്തിറക്കി. മികച്ച ചിത്രം, മികച്ച സ്വഭാവ നടി, മികച്ച തിരക്കഥ എന്നിവയ്ക്കുള്ള പുരസ്‌കാരങ്ങളാണ് വാസന്തിയെ തേടിയെത്തിയത്. അതിജീവനത്തിൻ്റെ കഥപറയുന്ന വാസന്തയിൽ കേന്ദ്രകഥാപാത്രമായി എത്തിയത് പ്രേക്ഷക പ്രിയങ്കരി സ്വാസിക വിജയം ആണ്. റഹ്മാൻ ബ്രദേഴ്‌സ് എന്ന പേരിൽ അറിയപ്പെടുന്ന ഷിനോയ്, സജാസ് റഹ്മാൻ എന്നിവരാണ് ചിത്രം ഒരുക്കിയത്.
സ്വാസികയെ കൂടാതെ ശബരീഷ്, സിജു വിൽസൺ, വിനോദ് തോമസ് എന്നിവരാണ് ചിത്രത്തിലെത്തിയ മറ്റ് കഥാപാത്രങ്ങൾ. വാസന്തിയുടെ 20 വയസ് മുതൽ 35 വയസ് വരെയുള്ള യാത്രയാണ് ചിത്രത്തിൽ പറയുന്നത്. നടൻ സിജു വിൽസൺ തന്നെയാണ് ചിത്രം നിർമിച്ചിരിക്കുന്നതും. അഭിലാഷ് ശങ്കർ ആണ് ചിത്രത്തിന് ക്യാമറ ഒരുക്കിയിരിക്കുന്നത്.
സൗണ്ട് ഡിസൈൻ ആൻഡ് മ്യൂസിക് രാജേഷ് മുരുകൻ, പ്രൊഡക്ഷൻ ഡിസൈൻ ശ്രീജിത്ത് ശ്രീ, അഭിലാഷ് ബാലൻ, കോസ്റ്റിയൂം സുനിത, സൗണ്ട് മിക്സ് ഗണേഷ് മാരാർ, കളറിസ്റ്റ് ലിജു പ്രഭാകർ, സ്റ്റിൽ ഫോട്ടോഗ്രഫി രാജേഷ് നടരാജൻ, അനൂപ് കുരുവിള, പ്രൊഡക്ഷൻ സപ്പോർട്ട് ജദീർ ജംഗോ, രതീഷ് രാമചന്ദ്രൻ, ഷറഫുദ്ദീൻ എന്നിവരാണ് ചിത്രത്തിൻ്റെ അണിയറയിൽ പ്രവർത്തിച്ചിരിക്കുന്നത്.
