മന്ത്രിസഭയിൽനിന്ന്‌ മന്ത്രിമാരെ നീക്കാൻ തനിക്ക്‌ അധികാരമില്ലെന്ന്‌ ഗവർണർ ആരിഫ് മുഹമ്മദ് ഖാൻ. ധനമന്ത്രിയുടെ പ്രസ്താവന ജനങ്ങളിലെത്തിക്കാനാണ്‌ ‘പ്രീതി’ പിൻവലിച്ചതെന്നും ഗവർണർ പറഞ്ഞു. വാർത്താ ഏജൻസിയായ പിടിഐയ്ക്ക് നൽകിയ അഭിമുഖത്തിലാണ് ആരിഫ് മുഹമ്മദ് ഖാൻ്റെ പ്രസ്താവന.
നേരത്തെ ഗവർണറെ വിമർശിച്ചാൽ മന്ത്രിമാരെ പുറത്താക്കുമെന്ന് ആരിഫ് മുഹമ്മദ് ഖാൻ വ്യക്തമാക്കിയിരുന്നു. മുഖ്യമന്ത്രിക്കും മന്ത്രിസഭയ്ക്കും ഗവർണറെ ഉപദേശിക്കാൻ എല്ലാ അവകാശവുമുണ്ട്. എന്നാൽ ഗവർണർ സ്ഥാനത്തിൻ്റെ അന്തസിനെ താഴ്ത്തുന്ന മന്ത്രിമാരുടെ വ്യക്തിപരമായ പ്രസ്താവനകൾ മന്ത്രി സ്ഥാനം റദ്ദാക്കുന്നത് ഉൾപ്പെടെയുള്ള നടപടികൾ ക്ഷണിച്ചുവരുത്തും എന്നാണ് ഗവർണർ ആരിഫ് മുഹമ്മദ് ഖാൻ്റെ മുന്നറിയിപ്പ്. ഗവർണറുടെ പ്രസ്താവന രാജ്ഭവൻ പിആർഒയാണ് ഔദ്യോഗിക ട്വിറ്റർ ഹാൻഡിലിൽ പോസ്റ്റ് ചെയ്തത്.
ആരിഫ് മുഹമ്മദ് ഖാന്‍ വായിക്കേണ്ടത് ബി പി സിംഗാള്‍ കേസിലെ സുപ്രിംകോടതി വിധി
