ഋഷഭ് ഷെട്ടി സംവിധാനം ചെയ്ത കന്നഡ ചിത്രമാണ് കാന്താര. മൊഴിമാറ്റം ചെയ്ത് എത്തിയ ചിത്രം ബോക്സ് വൻ വിജയമാണ് തീർത്തത്. സെപ്റ്റംബർ 30 നാണ് കാന്താരയുടെ കന്നഡ പതിപ്പ് എത്തിയത്. വിജയത്തിന് ശേഷം ഹിന്ദി, തെലുങ്ക്, തമിഴ്, മലയാളം എന്നിവയിലും ചിത്രം എത്തി. ബാഹുബലി 2, കെജിഎഫ് 2, ആർആർആർ, 2 പോയിൻറ് സിറോ, ബാഹുബലി, പുഷ്പ എന്നീ ചിത്രങ്ങളുള്ള ലിസ്റ്റിൽ കാന്താര സ്വന്തമാക്കിയത് 7-ാം സ്ഥാനം ആണ്.
കെജിഎഫ് ചാപ്റ്റർ 1 നെയും ചിത്രം മറികടന്നുവെന്ന നേട്ടവും കാന്താരയ്ക്കുണ്ട്. ഇപ്പോൾ ഈ വിജയത്തിന് പിന്നാലെ ചിത്രം ഒടിടിയിലേയ്ക്ക് എത്തുകയാണ്. നവംബർ 24ന് ആമസോൺ പ്രൈമിലെത്തുന്നതാണ്. 19-ാം നൂറ്റാണ്ട് പശ്ചാത്തലമാക്കുന്ന ചിത്രത്തിൻ്റെ കഥ നടക്കുന്നത് കുന്താപുരയിലാണ്.
സപ്തമി ഗൌഡ, കിഷോർ, അച്യുത് കുമാർ, പ്രമോദ് ഷെട്ടി, ഷനിൽ ഗുരു, പ്രകാശ് തുമിനാട്, മാനസി സുധീർ, നവീൻ ഡി പടീൽ, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രൻ ഷെട്ടി, പുഷ്പരാജ് ബൊല്ലാറ തുടങ്ങിയവരാണ് ചിത്രത്തിൽ പ്രധാന വേഷങ്ങളിലെത്തുന്നത്. കേരളത്തിലും മികച്ച പ്രതികരണമാണ് ചിത്രം നേടിയത്. ഒക്ടോബർ 20 ന് 121 തിയറ്ററുകളിലാണ് കേരളത്തിൽ കാന്താര മലയാളം പതിപ്പ് എത്തിയത്.
