ഇളയ ദളപതി വിജയിയുടെ അണിയറയിൽ ഒരുങ്ങുന്ന ചിത്രമാണ് വാരിസ്. പൊങ്കലിനാണ് ചിത്രം പ്രേക്ഷകർക്ക് മുൻപിലെത്തുന്നത്. അജിത്ത് നായകനാകുന്ന തുണിവ് എന്ന ചിത്രവും ഇതേ ദിവസത്തിൽ തന്നെയാണ് പുറത്തിറങ്ങുന്നത്. താരയുദ്ധമാണ് ഇത്തവണ പൊങ്കലിന് തമിഴ് അരങ്ങേറുന്നത്. അതുകൊണ്ട് തന്നെ ആരാധകരും ആവേശത്തിലാണ്. ഇപ്പോൾ വാരിസിന്റെ ലൊക്കേഷൻ ദൃശ്യങ്ങളാണ് വൈറലാകുന്നത്.
ഹെലികോപ്റ്റർ ഉൾപ്പെടെയുള്ള വമ്പൻ സെറ്റിൽ നിന്ന് ആരാധകരെ കൈവീശിക്കൊണ്ട് നിൽക്കുന്ന വിജയിയുടെ ദൃശ്യങ്ങളാണ് പുറത്ത് വന്നിരിക്കുന്നത്. ശ്രീ വെങ്കടേശ്വര ക്രിയേഷൻസ് ബാനറിൽ രാജു ശ്രീരിഷ് ആണ് ചിത്രം നിർമ്മിക്കുന്നത്. ദേശീയ അവാർഡ് ജേതാവായ വംശി പൈഡി പള്ളിയാണ് സംവിധാനം. തെന്നിന്ത്യൻ താരസുന്ദരി രശ്മിക മന്ദനായാണ് ചിത്രത്തിൽ നായികയായി എത്തുന്നത്.
പ്രഭു, ശരത് കുമാർ, പ്രകാശ് രാജ്, ജയസുധ, ശ്രീകാന്ത്, ഷാം, യോഗി ബാബു, സംഗീത, സംയുക്ത തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നു. ഹരി, ആശിഷോർ സോളമൻ എന്നിവർക്ക് സംവിധായകൻ വംശിയും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. റീലിസിന് മുമ്പ് തന്നെ തിയറ്റർ, ഒടിടി, സാറ്റ്‌ലൈറ്റ്, മ്യൂസിക് തുടങ്ങിയ അവകാശങ്ങൾ വിറ്റ് വിജയ് ചിത്രം 200 കോടി ബിസിനെസ് ക്ലബിൽ ഇടം നേടിയെന്നാണ് കോളിവുഡ് ഇൻഡസ്ട്രി അനലിസ്റ്റുകൾ നൽകുന്ന വിവരം.
#Varisu Leaked #Thalapathy67𓃵 #Thalapathy #VarisuPongal pic.twitter.com/ah6VPVITOB
— Moviesmatinee (@moviesmatinee24) November 14, 2022
