തീയേറ്ററുകളിൽ ആവേശം തീർത്ത ചിത്രമാണ് കാർത്തി നായകനായി എത്തിയ ചിത്രമാണ് സർദാർ. ഒരു സ്‌പൈ ആയിട്ടാണ് കാർത്തി ചിത്രത്തിൽ എത്തിയത്. പി.എസ് മിത്രൻ സംവിധാനം ചെയ്ത ചിത്രത്തിൽ റാഷി ഖന്ന, മലയാളി താരം രജിഷ വിജയൻ എന്നിവരാണ് നായികമാരായി എത്തിയത്. ഇപ്പോൾ വൻ വിജയം തീർത്ത സർദാറിന് രണ്ടാം ഭാഗം ഒരുങ്ങുകയാണ്. കാർത്തി തന്നെയാണ് സർദാർ 2 അണിയറയിൽ ഒരുങ്ങുന്നതായി പ്രഖ്യാപിച്ചത്.
സർദാറിൻ്റെ വിജയാഘോഷത്തിലാണ് താരം പ്രഖ്യാപനം നടത്തിയത്. സർദാർ എന്നാൽ പേർഷ്യൻ ഭാഷയിൽ പടതലവൻ എന്നാണു പൊരുൾ. ഒരു സ്‌പൈ (ചാരൻ) ത്രില്ലർ സിനിമയാണ് സർദാർ. ചാര പ്രവർത്തി എന്നത് നാടു വിട്ട് നാടു നടക്കുന്ന, ദേശ രഹസ്യങ്ങൾ ചോർത്താൻ നടത്തുന്ന പ്രവർത്തിയാണെന്നാണ് നമ്മൾ മനസ്സിലാക്കി വെച്ചിരിക്കുന്നത്. എന്നാൽ നമുക്കു ചുറ്റും ധാരാളം ചരൻമാരുണ്ട്.
രാജ്യത്തിൻ്റെ സുരക്ഷാ ( മിലിട്ടറി) രഹസ്യങ്ങൾ ചോർത്തുന്ന ജോലി മാത്രമല്ല ചാര പ്രവർത്തി എന്ന് വെളിപ്പെടുത്തുന്ന പ്രമേയത്തിൻ്റെ ചലച്ചിത്ര ആവിഷ്‌കാരമാണ് ‘ സർദാർ ‘ ചുങ്കെ പാണ്ഡെ, യൂകി സേതു, ദിനേശ് പ്രഭാകർ, മുനിഷ് കാന്ത്, യോഗ് ജേപ്പീ, മൊഹമ്മദ്അലി ബൈഗ്, ഇളവരശ്, മാസ്റ്റർ ഋത്വിക്, അവിനാഷ്, ബാലാജി ശക്തിവേൽ, ആതിരാ പാണ്ടിലക്ഷ്മി എന്നിവരാണ് മറ്റു പ്രധാന അഭിനേതാക്കൾ. ജി. വി. പ്രകാശ് കുമാർ സംഗീതസംവിധാനം നിർവഹിക്കുന്നു. ജോർജ്ജ് സി വില്യംസാണ് ഛായഗ്രാഹകൻ. ദിലീപ് സബ്ബരായനാണ് അതി സാഹസികമായ ആക്ഷൻ രംഗങ്ങൾ ഒരുക്കുന്ന സ്റ്റണ്ട് മാസ്റ്റർ. ഷോബി പോൾരാജാണ് നൃത്ത സംവിധാനം.
