‘എല്ലാം സെറ്റാണ്’ എന്ന ചിത്രത്തിനു വേണ്ടി വിനീത് ശ്രീനിവാസനും സിതാര കൃഷ്ണകുമാറും ഒരുമിച്ചു പാടിയ ‘പെണ്ണൊരുത്തി’ ഗാനം ശ്രദ്ധേയമാകുന്നു. മഹേഷ് ഗോപാൽ ആണ് വരികൾ കുറിച്ചത്. വരികൾ കുറിച്ച പാട്ടാണിത്. പി.എസ്.ജയഹരി ഈണമൊരുക്കിയിരിക്കുന്നു. സിതാരയും വിനീതും ആദ്യമായി ഒരുമിക്കുന്ന യുഗ്മഗാനമെന്ന പ്രത്യേകതയും ഈ ഗാനത്തിനുണ്ട്.
ഗാനം ഇതിനകം ശ്രദ്ധ നേടിക്കഴിഞ്ഞു. മികച്ച പ്രതികരണങ്ങളാണ് ഗാനത്തിന് ലഭിക്കുന്നത്. പാട്ടിൻ്റെ സ്റ്റുഡിയോ വേർഷനാണ് ഇപ്പോൾ പുറത്തിറങ്ങിയത്. വൈകാതെ വീഡിയോ ഗാനവും പുറത്ത് വരുന്നതാണ്. ഈ ഗാനത്തിനായുള്ള കാത്തിരിപ്പിലാണ് പ്രേക്ഷകരും. വിനു ശ്രീധർ സംവിധാനം ചെയ്യുന്ന ചിത്രമാണ് ‘എല്ലാം സെറ്റാണ്’.
ആംസ്റ്റർഡാം മൂവീസ് ഇന്റർനാഷനലിൻ്റെ ബാനറിൽ രേഷ്മ ചിത്രം നിർമിക്കുന്നത്. ബിപിൻ ജോസ്, സുമേഷ് ചന്ദ്രൻ, ഷൈജോ അടിമാലി, അനീഷ് ബാൽ, അനന്തു, സ്‌നേഹ, ചൈത്ര പ്രവീൺ, രേഷ്മ രഞ്ജിത് തുടങ്ങിയവരാണ് ചിത്രത്തിൽ കേന്ദ്രകഥാപാത്രത്തിലെത്തുന്നത്.
