മമ്മൂട്ടിയും ജ്യോതികയും ഒന്നിക്കുന്ന കാതൽ എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസമാണ് എത്തിയത്. മെഗാ സ്റ്റാർ മമ്മൂട്ടിയാണ് ഫസ്റ്റ് ലുക്ക് തൻ്റെ ഫേസ്ബുക്കിലൂടെ പങ്കുവെച്ചത്. ഹിറ്റടിച്ച റോഷാക്കിന് ശേഷം മമ്മൂട്ടിക്കമ്പനി തന്നെയാണ് ചിത്രം നിർമ്മിക്കുന്നത്. ജിയോ ബേബിയാണ് കാതലിൻ്റെ സംവിധാനം. ദുൽഖർ സൽമാൻ്റെ വേഫെറെർ ആണ് വിതരണം നിർവഹിക്കുന്നത്. ഇപ്പോൾ ചിത്രത്തിന് തൻ്റെ ആശംസകൾ അറിയിച്ചിരിക്കുകയാണ് തമിഴകത്തെ സൂപ്പർ താരവും ജ്യോതികയുടെ ഭർത്താവുമായ സൂര്യ.
കാതലിൻ്റെ ഫസ്റ്റ് ലുക്ക് പോസ്റ്റർ പങ്കുവെച്ചാണ് താരം ഇരുവർക്കും ആശംസകൾ നേർന്നിരിക്കുന്നത്. ‘സിനിമയുടെ കഥയും അതിനായി ജിയോ ബേബിയും മമ്മൂട്ടിക്കമ്പനിയും എടുക്കുന്ന ഒരോ നീക്കങ്ങളും ഏറെ മികച്ചതാണെന്നും മമ്മൂക്കയ്ക്കും ജ്യോതികയ്ക്കും എല്ലാ ആശംസകളും.’ താരം കുറിച്ചു. ജ്യോതികയ്ക്ക് പിറന്നാൾ ആശംസകൾ നേർന്നാണ് സൂര്യ ട്വീറ്റ് അവസാനിപ്പിക്കുന്നത്. കാതലിൻ്റെ ചിത്രീകരണം ഒക്ടോബർ 20ന് കൊച്ചിയിൽ ആരംഭിക്കും.
12 വർഷങ്ങൾക്കു ശേഷം ജ്യോതിക മലയാള സിനിമയിലേക്ക് തിരിച്ചെത്തുന്നുവെന്ന പ്രത്യേകത കൂടി കാതലിന് ഉണ്ട്. കാതലിൻ്റെ തിരക്കഥ നിർവഹിച്ചിരിക്കുന്നത് ആദർശ് സുകുമാരനും പോൾസൺ സ്‌കറിയയുമാണ്. എക്‌സിക്യൂട്ടിവ് പ്രൊഡ്യൂസർ: ജോർജ് സെബാസ്റ്റ്യൻ, ഛായാഗ്രഹണം: സാലു കെ. തോമസ്, എഡിറ്റിങ്: ഫ്രാൻസിസ് ലൂയിസ്.
സംഗീതം: മാത്യൂസ് പുളിക്കൻ, ആർട്ട്: ഷാജി നടുവിൽ, ലൈൻ പ്രൊഡ്യൂസർ: സുനിൽ സിങ്, പ്രൊഡക്ഷൻ കൺട്രോളർ: ഡിക്‌സൺ പൊടുത്താസ്സ്, സൗണ്ട് ഡിസൈൻ: ടോണി ബാബു MPSE, ഗാനരചന: അലീന, വസ്ത്രലങ്കാരം: സമീറാ സനീഷ്, മേക്ക് അപ്പ്: അമൽ ചന്ദ്രൻ, കോ ഡയറക്ടർ: അഖിൽ ആനന്ദൻ, ചീഫ് അസ്സോസിയേറ്റ് ഡയറക്ടർ: മാർട്ടിൻ എൻ ജോസഫ്, കുഞ്ഞില മാസിലാമണി, സ്റ്റിൽസ്: ലെബിസൺ ഗോപി, ഡിസൈൻ: ആൻ്റണി സ്റ്റീഫൻ, പിആർഓ: പ്രതീഷ് ശേഖർ.
From day one, this film’s idea & every step taken by Dir JeoBaby & team @MKampanyOffl is so good!! Wishing @mammukka , Jo n team the best for @kaathalthecore . Happy happy birthday Jo!!! pic.twitter.com/SnavBrjGGm
— Suriya Sivakumar (@Suriya_offl) October 18, 2022
