മലയാളി പ്രേക്ഷകരിലും ആവേശം തീർക്കാൻ റിഷഭ് ഷെട്ടിയുടെ കന്നഡ ചിത്രം കാന്താരയുടെ മലയാളം പതിപ്പ് ഒക്ടോബർ 20ന് തീയ്യേറ്ററുകളിലേയ്ക്ക്. ചിത്രത്തിൻ്റെ ട്രെയിലർ പുറത്ത് വിട്ടു. പൃഥ്വിരാജ് പ്രൊഡക്ഷൻസ് ആണ് ബ്രഹ്മാണ്ഡ ചിത്രം തീയേറ്ററുകളിൽ എത്തിക്കുന്നത്. റിഷഭ് ഷെട്ടി രചനയും സംവിധാനവും നിർവഹിച്ച ചിത്രത്തിൽ അദ്ദേഹം തന്നെയാണ് നായകനും.
കെജിഎഫ് നിർമാതാക്കളായ ഹൊംബാലെ ഫിലിംസ് നിർമിച്ച് സെപ്റ്റംബർ 30 ന് റിലീസ് ചെയ്ത ചിത്രം 11 ദിവസം കൊണ്ട് കർണാടകത്തിൽ നിന്ന് 58- 60 കോടി വരെ നേടിയെന്നാണ് വിവരം. 19-ാം നൂറ്റാണ്ട് പശ്ചാത്തലമാക്കുന്ന ചിത്രത്തിൻ്റെ കഥ നടക്കുന്നത് കുന്താപുരയിലാണ്.
സപ്തമി ഗൌഡ, കിഷോർ, അച്യുത് കുമാർ, പ്രമോദ് ഷെട്ടി, ഷനിൽ ഗുരു, പ്രകാശ് തുമിനാട്, മാനസി സുധീർ, നവീൻ ഡി പടീൽ, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രൻ ഷെട്ടി, പുഷ്പരാജ് ബൊല്ലാറ തുടങ്ങിയവരാണ് ചിത്രത്തിലെ പ്രധാനപ്പെട്ട മറ്റ് താരങ്ങൾ. ഗീത ആർട്സ് മേധാവി അല്ലു അരവിന്ദ് ആണ് ചിത്രത്തിൻ്റെ തെലുങ്ക് പതിപ്പ് വിതരണാവകാശം സ്വന്തമാക്കിയത്.
movie
