ഷേക്സ്പിയറുടെ ‘ഒഥല്ലോ’ എന്ന കൃതിയെ അടിസ്ഥാനമാക്കി നിർമ്മിച്ച ചിത്രം ‘ഋ’ വിലെ ആദ്യ ഗാനം പുറത്ത്. ദുൽഖർ സൽമാൻ ആണ് ഗാനം പുറത്തു വിട്ടത്. പൂർണ്ണമായും എംജി യൂണിവേഴ്സിറ്റി പശ്ചാത്തലമായി വരുന്ന ആദ്യ ഗാനം കൂടിയാണ് ഋ വിലെ ‘കൺകളിലുയിർ…’.എന്ന് തുടങ്ങുന്ന ഗാനം.
സൂരജ് എസ് കുറുപ്പിൻ്റെ സംഗീത സംവിധാനത്തിൽ വിശാൽ ജോൺസൺ ആണ് ഗാനം രചിച്ചത്. വിനീത് ശ്രീനിവാസൻ, മഞ്ജരി എന്നിവർ ചേർന്ന് ആണ് ഗാനം ആലപിച്ചത്. 23 വർഷത്തിന് ശേഷമാണ് ഒഥല്ലോ വീണ്ടും മലയാളത്തിൽ സിനിമയാകുന്നത്.
പ്രണയവും വർണവും രാഷ്ട്രീയവും മുഖ്യപ്രമേയമാകുന്ന ചിത്രം ക്യാംപസ് പശ്ചാത്തലത്തിലാണ് കഥ പറയുന്നത്. സിദ്ധാർഥ് ശിവയാണ് ഛായാഗ്രഹണം. ജോസ് കെ മാനുവൽ ആണ് തിരക്കഥ. ചിത്രത്തിന്റെ എഡിറ്റിങും സിദ്ധാർഥ് തന്നെയാണ്. മഹാത്മാഗാന്ധി സർവ്വകലാശാലയിൽ ആണ് ചിത്രം പൂർണമായും ചിത്രീകരിച്ചത്.
