ദേശീയ പുരസ്‌കാര ജേതാവായ പ്രശസ്ത ഗായിക നഞ്ചിയമ്മയ്ക്കുള്ള രമേഷ് പിഷാരടിയുടെ പുതിയ വീഡിയോ ആണ് ഇപ്പോൾ വൈറലാകുന്നത്. ലണ്ടനിൽ നഞ്ചിയമ്മയ്‌ക്കൊപ്പം ചിരിച്ചു കളിച്ചു പാട്ടു പാടി ചുവടുവയ്ക്കുന്ന താരത്തിൻ്റെ വീഡിയോ ആണ് വൈറലാകുന്നത്. നടനും വനം വകുപ്പ് ഉദ്യോഗസ്ഥനുമായ പഴനിസ്വാമിയാണ് രസകരമായ വീഡിയോ സോഷ്യൽമീഡിയയിൽ പങ്കുവെച്ചത്.
‘രമേഷ് പിഷാരടിയുടെ ലണ്ടൻ കുസൃതികൾ’ എന്ന അടിക്കുറിപ്പോടെയാണ് വീഡിയോ പങ്കിട്ടത്. മലയാളി സംഘടനയുടെ നേതൃത്വത്തിൽ നടക്കുന്ന സംഗീതപരിപാടിയിൽ പങ്കുചേരാനാണ് നഞ്ചിയമ്മ ലണ്ടനിലേയ്ക്ക് എത്തിയത്. ദേശീയ ഗായികയ്ക്കുള്ള പുരസ്‌കാരം നേടിയതിന് പിന്നാലെയാണ് താരം ലണ്ടനിലേയ്ക്ക് പറന്നത്.
ലോകപ്രശസ്ത സംഗീത ബാൻഡ് ബീറ്റിൽസിൻ്റെ തട്ടകമായ ലിവർപൂളിൽ എത്തിയതിൻ്റെ ചിത്രങ്ങൾ അടുത്തിടെ സോഷ്യൽമീഡിയയിൽ നിറഞ്ഞിരുന്നു. ബീറ്റിൽസിനോടുള്ള ആദരസൂചകമായി നിർമിച്ച ബാൻഡ് അംഗങ്ങളുടെ പ്രതിമകൾക്കു മുന്നിൽ നിൽക്കുന്ന നഞ്ചിയമ്മയുടെ ചിത്രമാണ് പുറത്തുവന്നത്. സച്ചി സംവിധാനം ചെയ്ത അയ്യപ്പനും കോശിയും എന്ന ചിത്രത്തിലെ ‘കളക്കാത്ത സന്ദനമേറം’ എന്ന പാട്ടാണ് നഞ്ചിയമ്മയെ മികച്ച ഗായികയാക്കിയത്.
